Aesaya 44:2 - mzwDBL

² Menee Korowii maa ta heya, dɛ jemɛ heyaa mɔɔ ba lolɛ heya, dɛ cha heyaa la. He bɛ ɔmɛ, he ɛ n bonɔɔna maa le heyaa tɛ n te, n bambile lawɛ heya.

Aesaya 44:2 ပူးပေါင်းရင်းမြစ်များ

Yela 46:5

Korowii lɔ bwɛjen la ta, waa won chɔɡ, Korowii ɛɛ bao bɔr chaahna saŋ, dɛ́ ba cha ba.

Yela 71:6

N soɡa bini bwaa n le, dɛ kpɔ n te dawɛ he nɛ, baa lol mɛ bwaa he le, dɛ kpɔ nɔn tɔ n nɛ. Mɛɛ kpɛɛree saŋ bɛlbwa.

Yela 95:6

Hé ba ya ɡuŋu dɛ́ tomɔ, yá ɡuŋi Korowii waa ta yaa la sie!

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Aesaya 41:8

Kɛ he te, Israel tena haa ɛ n bonɔɔna, Jekɔb naanar maa le heya, n dam Abraham dwee,

Aesaya 43:1

Israel tena, Korowii waa ta heya la ŋɔ, “He bɛ ɔmɛ. Menee lɛ heyaa ta, n yerɛ he sɔn dɛ le heyaa tɛ n te. Men dɔ heya.

Aesaya 43:21

N ta ɡɛ nɛra nɔ bá ɛ n nɛra, dɛ́ ɡo yela dɛɛ kpɛɛ mɛ.”

Aesaya 43:5

He bɛ ɔmɛ, n ja he nɛ. Mɛɛ kpɔ he nɛra baa lɔ wee leebɔree ba, dɛ́ berɛ kpɔ banɔ la baa lɔ wee cholibɔr la ɡe ba ja he nɛ.

Aesaya 43:7

ba ɛ n nɛra, menee ta ba, ba kpɔ jirima dɛɛ tɛ mɛ.”

Aesaya 44:21

Korowii ŋɔ, Israel tena, hé lii ɡɛ waa nɔ. N bonɔɔnaa heya. Menee ta heya. Maa he waa soh bwa.

Aesaya 44:24

Israel tena, Korowii waa ɛ he Lɛɛ, dɛ ta heyaa la ŋɔ, “Menee Korowii maa ta komɛlbwa. N ɡboo paɡri nyundua kɛŋɔ yal, nomɛlbwa ta n nɛɛ jae n ta harɛ.

Aesaya 45:11

Korowii, Israel Nɛŋɡoroŋ waa ta ba, dɛ́ jemɛ waa aa chiɡ kerekere la ŋɔ, “He ta ŋwɛnɛ dɔe kɛŋɔ, hé bɔɔ mɛ n bii wa, kɛɛ dɛ́ baɡ mɛ ɡɛ maa ɛ.

Aesaya 49:1

Bojaŋa harɛre nɛra, hé cheɡ deŋne dɛ́ no n be. Korowii lee mɛ n ɛ o bonɔɔ, o yerɛ n sɔn mɔɔ ba lol mɛ.

Aesaya 49:5

Korowii lee mɛ dɛ ɛɛ mɛ o bonɔɔ mɔɔ ba lol mɛ, dɛ ŋɔ ń berɛ ba o nɛra Israel tena baa peɡra dɛ do bobɛlbwa la ne o be. Korowii ɡelɔ n dɔ duure, o bee n kpeɡri do.

Jeremia 1:5

“N tɔ sie lee cheɡ dɛ tɛɛ mkpa, mɔɔ ba lolɛ la, dɛ n lee cheɡ, menee lee ŋɔ hé ɛ n keame harɛre nɛra bwa nɛ.”

Jeremia 30:10

Anomanta, n nɛra, he bɛ ɔmɛ, Israel tena, he bɛ ɡel he bambile chɔɡ. Mɛɛ lɛ heyaa le bojaŋ harɛre taa ba, he naanar baa laɡ ba kaa bojaŋ harɛfale ta la. Ásɛ he berɛ dɔ deŋnesɔɔhna ne bosɔɔhna, nomɛlbwa aa heyaa aah kpa.

Amanesoma Luk Aa Chwera Tɔn 12:32

Anee Yeesu berɛ ŋɔ, “Anomanta, Korowii toroma, haa kanɛ, kɛ he bɛ dɛɛ ɔmɛ, dɛkalkɛ a dɛ ɛ he Mɛɛ waa lɔ nyundua la silɛɛ kɛ he ja o Kora la ta.

Tɔn Pɔɔl Aa Chwerɛ Rom Tena 8:30

Anomanta, nɛra Korowii aa tɔ sie lee ba ɡɛ la, o lee ba ŋɔ bá ɛ o toma. Waa lee ba ŋɔ bá ɛ o toma la, o lɛɛ ba kɛ nɛndɛɛɡa ba waa su o siwi, asɛ o tɛɛ ba ŋwɛnɛ kɛŋɔ ba ba so o jwɛh dɛ́ dɔ jirima.

Ɛfesos 1:4

Korowii felo dɛ le yaa tɛ o te saŋ la o fa aa wola harɛ ɡba tae la, dɛ ŋɔ o dɛ ba ɡela ya ne Yeesu Kristo pɛ yá won do kaih dɛ bɛ doŋa bɛlbwa dɔ o be.

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.

Mmarare 33:26

O ŋɔ Israel tena be ŋɔ, ‘Nomɛlbwa toole dɛ do kɛŋɔ Korowii haa dɛ tomɔ nɔ. O lɔ nyundua kohona dɛ che o kpeɡri ta bol dɛɛ tɛ heya. O cheɡɛ baama ta dɛ baa cha heya.

Mmarare 33:5

Korowii ɛ Israel tena Kooro ɡɛ saŋ Israel deene ne ba nomonome fa aa chema la.

1 Tesalonika 1:4

Yabala, ya jemɔ kɛ Korowii dɛ nyin heya, dɛ le heyaa ŋɔ hé ba ɛ o bii,

Hibru 4:16

Anomanta, hé ɡel ya lɔ bambile dɛ́ tel Korowii waa dɛ sune nɛra nɛɛ dɛɛ cha ba la sie. Wɛɛ na ya sumii dɛɛ cha yaa ɡɛ saŋ aa hiah yaa.