Aesaya 44:18 - mzwDBL

¹⁸ Nɛra baa dɛ tomɛ voɡa la ɡɛnɔ kohona, baa wobɛlbwa ɡe mun no. Ba sibie tɔɔɡɔ, baa na, ba ta liire ɡe dɔe dɛ́ no waa mun.

Aesaya 44:18 ပူးပေါင်းရင်းမြစ်များ

Jeremia 5:21

‘Hé cheɡ deŋne, ɡɛna haa wola liire bɛlbwa dɔe. He dɔ sibie kɛ haa na, he dɔ deŋna kɛ haa waa no.

Yela 81:12

Anomanta, n ɡel ba deŋnekpeɡ waa tɛɛ ba, ba kaa ɛ anɔ la aa too ba tea.

Amanesoma Jɔn Aa Chwera Tɔn 5:44

He dɛ nyin sɔn dɔŋa be, kɛ a ta wehiah ɛɛ tɛ heyaa kɛŋɔ hé nyin sɔn Korowii te be. He do ken aa, ɛrɛɛ hɛɛ ba wona dɛ yarada mɛ nɔ?

Amanesoma Jɔn Aa Chwera Tɔn 8:43

Ɛrɛɛ haa wola n waa mun no nɔɔ? Haa wola nyin kɛ he teŋɛ a ta la waa.

Aesaya 29:10

Korowii kpɔ dom ta he nɛ, hɛɛ ba dom chɔe ka ɡarɛ, dɛ tɔɔɡe keamere la sibie, dɛ wili nɛra baa dɛ na waa bini la.

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Daneɛl 12:10

Baa laa doŋaa kpɔ nɛra ɡalɡa nɛɛ bá waa toɡre wechɔɡa aa ba nɛɛ do, kɛ nyubinikpeɡ tena ɛɛ teŋɔɔ dɛɛ ɛ nyubinikpeɡ. Nyubinikpeɡ te bɛlbwa aa a munii no, kɛ wejerema te ɛɛ no a munii.

Sɛɡla 28:5

Nɛnchɔɡaa wola waa aa ɛ kasinteŋ mun no, kɛ nɛra baa dɛ tomɛ Korowii te dɛ́ no a mun kɛrɛdɛ.

Aesaya 1:3

Nao jemɛ o dɔɔ, asɛ keeɡo jemɛ kon o dɔɔ aa kpɔ kondikwaa do o bini dɛɛ tɛo. Kɛ n nɛra Israel tena te aa men jemɛ, baa waa mun no.”

Jeremia 10:14

Nomɛlbwa ta liire dɔe, ba ɡɛnɔ, sihiih kpo nɛn waa kpɔ suuɡaswɛm kwaa o voɡare la. Kwaa waa ɛa la bwa ɛ nyosone, a ta hweera dɔe.

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

We-ɛɛla 14:16

A saŋ la, dɛ Korowii ɡelɔ he nɛra haa wola Juu tena ɛɛ la ɛɛ ɛ he tetoowa.

Aesaya 45:20

Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

Matiu 12:34

Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol.

Hosia 14:9

Umee wejereme ɔ? Naate ɛɛ jemɛ waa nɔɔ. Umee dɛɛ pese waɔ? Naate ɛɛ no a munii. Korowii ŋwɛnɛre toɡrɔ, nɛra ba wa aa toɡra dɛ teŋɛ a ta, kɛ deŋnekpeɡ tena dɛ lɔ naa a ta.

Jeremia 10:8

Ba bwa ta liire dɔe dɛ ɛ ɡɛna ɡbo. Bɔkwaa baa ba wona hweli le daa voɡare baa ɛa, aa wola tɔnɔ bɛlbwa dɔe ta nɔ?

Aesaya 56:11

Ba do kɛŋɔ nyootena aa dɛ di kwaa kohona aa wola vaɡɛ bwa. Ba do kɛ peteɡra baa wola waa mun no. Bɛlbwa dɛ ɛ anɔ la aa dɛ su o siwi, ne waa aa le tɔnɔ tɛo.

Yela 92:6

Nɛn waa wola liire dɔe la aa won jemɛ, nɛn waa ɡɛna ɡe aa won no a mun.

Aesaya 44:9

Nɛra baa dɛ ma voɡa kɛɛ dɛɛ sɛah la dɛ ɛ wepuu, kwaa ba sie aa dɛ lɛ a ta la ɛ konsale. Nɛra baa dɛ tomɛ voɡa nɔ, ba do kɛŋɔ nɛra baa nyoŋa ken, baa wobɛlbwa jemɛ, baa di sihiih.

2 Pita 2:14

Ba na haah bɛlbwa naa, ba dɛ nyinu. Ba nyina baa dɛ nyin wechɔɡa ɛɛ ta dɔŋ dɔe. Ba neɡre nɛra baa wola cheɡɛ kiŋkiŋ Korowii waa ta dɛɛ kaa wechɔɡa ta. Ba sie dɛ beɡre kwaa taeh. Korowii taah ba!

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Aesaya 44:19

Ba bini bɛlbwa toole dɛɛ lii wa, bɛlbwa ta wejema dɔe dɛ́ no a mun dɛ́ ŋɔ, “Daa nɔ tentenee n mar, dɛ kpɔ o hɔla dɛɛ daa kondikwa, dɛ wɔɔ ol a ta dɛ chwe. O pera chɛ kɛŋɔ ń kpɔ ɛ kii kon aa? A chɛ kɛŋɔ ń ɡuŋi dakpul aa?”

Jeremia 51:17

Nomɛlbwa ta liire dɔe, ba ɡɛnɔ, sihiih kpo nɛn waa kpɔ suuɡaswɛm kwaa o voɡare la. Kwaa waa ɛa la bwa ɛ nyosone, a ta hweera dɔe.

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Ɛsekeɛl 12:2

“Nɛwɛnyini bie, deŋnekpeɡ tena binii he so la. Ba dɔ sibie kɛ baa na, dɛ dɔ deŋna ɡe kɛ baa waa no, dɛkalkɛ ba ɛ deŋnekpeɡ tena.