Aesaya 44:13 - mzwDBL

¹³ Nɛn waa jemɛ kwaa sɛɛh dɛ maɡɛ daa waa kpɔ sɛh kon, dɛ́ kpɔ kon peo, mɔɔ dɛ́ sɛoh, ó do wer, dɛ́ do kɛŋɔ nɛn, dɛ́ kpɔ ka cheɡ voɡ dea.

Aesaya 44:13 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 1:23

Korowii te aa sewɛ bwa. Kɛ ba vɛh o toma, dɛɛ tomɛ kwaa ba ɡbaɡba aa kwaara a do kɛŋɔ nɛwɛnyini, kɛɛ jumbii, kɛɛ konaatena, kɛɛ kontuuɡa la.

We-ɛɛla 17:29

Korowii biirii yan, anomanta, ya bɛ on kpɔ maɡɛ suuɡaswɛm ne suuɡapoŋ ne bwea koŋkwaare nɛwɛnyini ɡbaɡba aa kpɔ ba liire maa la.

Ɛsekeɛl 8:12

Korowii ŋɔ n be ŋɔ, “Nɛwɛnyini bie, he na waa Israel nomonome aa baa sɔh dɛɛ ɛ kenɛ? Ba lɔ dea ba voɡa aa suu bini dɛɛ toma. Waa baa dɛ bol laanee kɛŋɔ, ‘Korowii aa yaa na, o vɛh harɛ nɔ.’ ”

Aesaya 41:7

Nɛn waa dɛ sɛh kwa dɛ́ do nɛn waa jemɛ suuɡaswɛm kpɔe dɛ ɛ o bwara ɡbemba. Nɛn waa lɔ suuɡaswɛm dɛɛ pɛ dɛ ɛo voɡ la, dɛ́ do onɔ la waa dɛ loɡa o bwara ɡe ɡbemba. O ŋɔ o be ŋɔ o ɛ wa, dɛ kpaa dadowɛre do voɡ la ta, o bɛ chole.

Sitɔɔla 18:24

Anee o chaŋ ba ŋɔ, “Haa jemɛ waa haa ɛa aa? He kpɔ n voɡa maa ɛa ne n Kerekpoŋri kaa. Bɔkwaa n dɔ jaɔ?”

Mmarare 27:15

‘Nomɛlbwa waa sɛh komɛl chaa kɛɛ dɛ sɔh cheɡ voɡ dɛɛ tomɔ la, Kórowii taahno, dɛkalkɛŋɔ o kii.’ Ásɛ Israel tena la ɡe chaŋe ŋɔ, ‘Aamen!’

Mmarare 4:28

Bela haa ka so la te, hɛɛ tomɛ voɡa nɛwɛnyini aa ɛa, daa ne bwea aa wola na, aa waa no, aa kwaa di aa wola sɔɔh ɡe no.

Mumpar 35:2

Anomanta, Jekɔb ŋɔ o haahna ne o bii ne nɛra baa ja o nɛɛ la be ŋɔ, “Hé kpɔ harɛfala voɡa haa dɔa la bwa ta, dɛ́ sɔ he doŋa bɛlbwa ta, dɛ́ charɛ he laala.

Mumpar 31:32

Nyiŋi, nomɛlbwa haa na voɡa la o be la, a chɛ kɛ bá kpoo. Ya nɛra nɔ ɡe lɔ bonɔ dɛ́ di yaa danseɛ, komɛlbwa waa ɛ he kon la, ásɛ he kpɔ.” Dɛ Jekɔb ta jemɛ kɛŋɔ Rakɛlee ŋwɛ o mɛɛ Laban voɡa la.

Mumpar 31:30

N jemɔ kɛŋɔ he sie cheɡɛ chiŋ hɛɛ nyin bɔr dɛ́ kaa he bwɛ. Aah dɛ ɛrɛ waa he berɛ ŋwɛ n voɡa nɔɔ?”

Mumpar 31:19

Laban kaa o peera pona fona, asɛ Rakɛl ŋwɛ ba dem voɡa aa lɔ o mɛɛ be.

Aesaya 44:14

Peleme daa aa weraa wɛɛ teŋe dɛ́ kpɔ sɛh kwaa la. O dɛ chale daa aa do ɡɛ la, ásɛ a ne daa aa cheɡɛ kɔr baah bwa che dɛ́ kpeɡ. Gɛ laa ɡe aa, o dɛ chɔɔ daa waa do kɛŋɔ a ɡɛ daa nɔ bɛl, ásɛ bwaala yon nɛ do o ta o kpeɡ.

Ɛsekeɛl 8:10

Ate, n jo dɛ ka na kwaa aa dɛ tuuɡi tea ta, ne anɔ la aa dɛ huuh, ne ola maa kia bwa, Israel tena voɡa baa ɛa dɛɛ toma bwa dawɛ danjwɛɛre la bwa ta.

Ɛsekeɛl 8:11

Dɛ Israel nomonome fifraanuanɛ lɔ bela, asɛ Safan bibaa Jaasania ja ba nɛ. Ba bɛlbwa kpoŋe kon baa dɛ fuh daawiile a ta, chuu la sɔɔh do som dɛɛ kaa nyundua.