Aesaya 43:3 - mzwDBL

³ Menee Korowii haa dɛ tom mɛ, he Israel Nɛŋɡoroŋ maa dɛ lɛ heyaa la. N kpɔ Ijipt tena charɛ he nyu, dɛ kpɔ Itiopia ne Seba tena cheɡ he buɡ ta dɛ lɛ heya.

Aesaya 43:3 ပူးပေါင်းရင်းမြစ်များ

Mumpar 10:7

Kus naanaree, Seba ne Havila ne Sabta ne Raama dɛ Sabtɛka tena. Raama ɡe naanaree, Seeba ne Dedan tena.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Kaala 10:7

Ate, kooro nomonome la soŋo ŋɔ, “N naa, ɡel Hibru tena la kaa dɛ́ ka tomɛ Korowii baa dɛ tomɔ la kɛŋɔ baa nɔ aa naa dɛɛ tɛ yaa waa la. Chɔɡaa harɛ nɔ na dɛɛ chɔɡ la oo!”

Kaala 20:2

“Menee Korowii haa dɛ tom mɛ n le he ne Ijipt harɛ ta somanjiri dii ta la.

Sɛɡla 11:8

Korowii dɛ lɛ nɛn o wa aa toɡra dɛɛ le wahala ta, a yon berɛ ba nɛnchɔɡe nɛ.

Sɛɡla 21:18

Nyubinikpeɡ te dɛ nyin nɛn o wa aa toɡra ne wechɔɡa aa, a dɛ ɡure o nɛ.

Aesaya 19:20

Aa cheo dɛɛ baɡle waa dɛ tɛ Koranar Bwa Kooro Ijipt harɛ ta. Dɛ nɛra dɛ ɛɛ ba hɔhɔrɔwa asɛ ba do lɔŋɔ tɛ Korowii aa, wɛɛ tɛɛ baa lɛɛree ó lɛɛ ba.

Aesaya 20:3

Ate, Korowii ŋɔ, “Gɛ n bonɔɔ Aesaya aa dɛ valɛ dakpaŋ ne nakpapɛɛ bene atoro nɔ, a ɛ we-ɛɛla dɛ baɡle waa aa dɛ ba Ijipt harɛ ne Itiopia harɛ chiɡa.

Aesaya 30:11

Hé ɡel ɡɛ haa dɛ ɛ la. He bɛ Israel Nɛŋɡoroŋ la waa bol ya be kpa.’ ”

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Aesaya 42:8

Menee Korowii, n sɔnee ɡɛ. Maa ɡel nɛra kpɔ jirima aa chɛ kɛ ba tɛ mɛ la tɛ nomɛl, maa ɡel bá kpɔ kpɛɛra aa chɛ mɛ la tɛ voɡa.

Aesaya 43:11

Menee Korowii, n ɡbosoroo, n habɔɔ, Lɛɛ bɛlbwa toole.

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Aesaya 45:15

Korowii Israel tena aa dɛ tomɔ wɛɛ lɛɛ ba la, o ɛ Korowii waa kpɔ o te dɛɛ sɔh.

Aesaya 45:21

Hé cheme, dɛ́ bol he waa kɔɔto, ásɛ nɛra baa kpɔ waa daɡ ba la le jina dɛ́ kpɔ liire. Umee bol waa aa chiɡa taraken nɔ bil wubwa nɔ? Umee le saŋ la bwa dɛ bola ɔ? Men Korowii maa ɛ he Lɛɛ la laa aa? Dɔɔ bɛlbwa toole.

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Aesaya 60:16

Harɛre nɛra ne koranar ɛɛ nyiŋi he nɛɛ kɛŋɔ, haah aa dɛ ɔr o bie, ásɛ he jemɛ kɛŋɔ men Korowiirii he Lɛɛ, menee Korowii, Jekɔb Kpeɡnɛn waa tomɔ la.

Aesaya 63:8

Korowii ŋɔ, “N nɛraa ban, baa men neɡre.” A waa o lɛɛ ba le ba wenaale ta la.

Jeremia 14:8

He ɡbo nɛɛ ya Israel tena sie dawɛ, he ɡboo lɛ yaa dɛɛ le wenaale ta. Ɛrɛɛ he do kɛŋɔ hɔɔh harɛ nɔ ta kɛɛ nɛŋkaa waa baa so ya bini tɔpebeŋkpoŋ ɡbo nɔɔ?

Jeremia 16:21

Asɛ Korowii ŋɔ, “Gɛɛ a do tenaa, mɛɛ ɡeloo harɛre la nɛra na n kpeɡri ne n kan maa doa kohona, dɛ́ jemɛ kɛŋɔ menee Korowii aa chɛ kɛ bá tom mɛ.”

Ɛsekeɛl 39:7

Mɛɛ ɡeloo n nɛra Israel tena jemɛ kɛ n sɔn do ɡoroŋ, dɛ bɛ doŋa kpɔ kah n sɔn kpa. Ásɛ harɛre ta nɛra jemɛ kɛŋɔ menee Israel Nɛŋɡoroŋ la.

Hosia 13:4

Korowii ŋɔ, “Menee Korowii haa dɛ tom mɛ n lawɛ heyaa le Ijipt harɛ la. He bɛ voɡ bɛlbwa yarada ka ja n nɛ. Lɛɛ bɛlbwa toole ka ja n nɛ.

Lewi Dea Tena 11:44

Hé do ɡoroŋ dɛkalkɛ men Korowii haa dɛ tom mɛ la, n do ɡoroŋ.

Emɔs 9:7

Korowii ŋɔ, “Israel tena, n dɛ nyin he waa kɛŋɔ maa dɛ nyin Itiopia tena waa la. Gɛ maa lawɛ he Israel tena le Ijipt harɛ ta la, ɡɛɛ n lawɛ Filisti tena le ekwi harɛ Kret ta, dɛ lawɛ Siiria tena le Kir. Men Korowiirii bola.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Tɔn Jud Aa Chwera 1:25

o ɡboo Korowii ne ya Lɛɛ, ya Dɔɔ Yeesu Kristo nomanta. O chɛ jirima. O dɔŋ toole. Onee dɔ komɛlbwa kpeɡri, dɛ ɛ komɛlbwa Dɔɔ dɛ le saŋ la bwa ba le fini, dɛ dɔ a bwa saŋ bɛlbwa! Aamen.