Aesaya 43:28 - mzwDBL

²⁸ Anomanta, mɛɛ le he sɔforee le ba toma ta Korowii Dea sihiih kpo ba. Mɛɛ kpɔ Israel tenaa do ba dɔma nɔn ta bá chɔɡ ba, ba tama baa ka ɡe, bá ɛɛ ba nɛnhɛla.”

Aesaya 43:28 ပူးပေါင်းရင်းမြစ်များ

Jeremia 24:9

Mɛɛ kpɔ wenaale kohonaa ba ta ba nɛ, ásɛ harɛre nɛra bwa ɔmɛ kohona. Nɛra ɛɛ dɛɛ mam baa dɛɛ muɡli ba baah, dɛɛ taah ba bobɛlbwa maa lɔ ba peɡre bwa.

Sekaria 8:13

Gɛ baa taah he Juda ne Israel tena harɛre ta la, ɡɛɛ mɛɛ ba heyaa lɛɛ, ásɛ nɛra che he nɛɛ dɛ́ dɔ wedɛɛɡa. He bɛ ɔmɛ, hé dɔ ɡbemba.”

Aesaya 65:15

He sɔn ɛɛ berɛ tooh tɛ nɛra maa lee ba tɛ n te laanee. Men Nemenɛ Korowii ɡbaɡba ɛɛ kpoo heyaa, dɛ́ tɛ banɔ la baa dɛ duu mɛ kɛrɛdɛ la sɔnfale.

1 Tesalonika 2:16

dɛkalkɛŋɔ ba dɛ tɔ yaa ŋwɛnɛ ya bɛ Korowii Waa la bol chaɡle nɛra baa wola Juu tena ɛɛ la, ásɛ Korowii bɛ ban lɛ. Anomanta, ba wechɔɡa dɛ warɛ tɔpere bɛlbwa, ásɛ Korowii bwaawee ir ba nɛ.

Wiile 2:2

O chɔɡ Juda harɛ bwɛɛre bwa o ta bɛlbwa nɛɛ sune, dɛ chɔɡ dekpeɡa aa lɔ harɛ la ta bwa bandia ne. O ɡelɔ sihiih kpo koranar ne ba harɛre.

Aesaya 47:6

N baah fa di n nɛra Israel tena nɛ, n tɛr ba deŋne kɛŋɔ n nɛra laa ban ken, dɛ kpɔ ba do hen Babelɔn nɔn ta. He ta ba nɛɛ sune, hale banɔ la baa hwɛɛhra kwaraa la, he do ba hɔhɔrɔwa.

Yela 79:4

Harɛre aa bar yaa cheme nɛra dɛ chɛɡre yaa, ba kpɔ yaa berɛ akwekwe nɛra.

Daneɛl 9:14

Korowii kpɔ deŋnetɛra ba ta ya nɛɛ warane, dɛkalkɛ o waa toɡrɔ wobɛlbwa waa dɛ ɛ ta. Kɛ ane a bwa, ya ta o waa noɛ.

Ɛsekeɛl 5:15

Gɛ saŋ maa tɛr he deŋne bandia kohona ne la, harɛre aa bar heyaa cheme la nɛra ɛɛ ɔmɔɔ taeh, baa he waa nyin, dɛɛ mamɛ heya.

Wiile 4:20

Ba lawɛ kooro Korowii aa leo tɛ yaa. Ya liiro kɛŋɔ o nɛɛ yá che dɛ́ dɔ mkpa. Onee ya yarada kɛŋɔ wɛɛ lɛ yaa le nomɛlbwa waa ba lɔ tɔ ya nɛɛ la be.

Yela 89:39

He chɔɡ he ne he bonɔɔ fɔo haa fɔwa la, dɛ kpɔ o kooɡbɛrɛ ta harɛ.

2 Samoɛl 1:21

Mɛn kɛɛ bwaala bɛ Gelboa deŋɡarere ta nɛ, o harɛre bɛ won dɛɛ ɛ kondikwaa ɡe kpa! Banyoola kwaa baa kpɔa tɔ ba te ɡbemɡbe dɛɛ yo chɔ bela, baa noo kpɔe dɛɛ fɔɡɛ Kooro Sɔɔl kon waa kpɔa dɛɛ tɔ o te ɡbemɡbe wɛɛ nyɛɡle kpa.

Aesaya 24:6

Anomanta, Korowii taah harɛ bwa, nɛra baa lɔ o ta la ɛɛ dɔ ba wechɔɡa kembɔree. Anomanta, wɛɛ kpɔ niinii tɛr ba deŋne dɛ́ fuuh ba, ba bini tamaa ken ka.

Aesaya 34:5

Korowii kere baa tonɛ o toma nyundua aa, wɛɛ berɔɔ ba Edom tena nɛ. O pa ba bolchɔɡe cheɡ, dɛ́ kpoo ba.

Daneɛl 9:11

Ya Israel tena bwa koni he Mmara la, dɛ vɛh kɛŋɔ yaa no he waa. Asɛ he ɡel taahna waa baa ŋwɛɛ ntam dɛ chwera he bonɔɔ Mosis Mmara la ta la ba ya nɛ, dɛkalkɛ ya ɛ wechɔɡa dɛ jo he nɛ.

Sekaria 5:3

Anee o ŋɔ n be ŋɔ, “Ba chwerɛ nyotaahna waa do o ta aa kaa harɛ nɔ bwa ta. O baŋ bɛl dɛ baɡle kɛ nomɛlbwa waa ŋwɛ la, baa leo harɛ la taa, baŋ bɛl ɡe waa ɛɛ baɡle ŋɔ, nomɛlbwa waa teŋe nyosone dɛ ŋwɛɛ la, baa le o ɡee le harɛ la ta.”

1 Webena 24:5

Ba ta bɛl nyine dɛ ɡwaa o dɔŋ dɛ bil daa, dɛ nomonome baa nyiŋi Korowii Dea bela lole, asɛ sɔfore ɡe do le, bane ɛ Eliasa naanar bane ɡe ɛ Itama naanar.

2 Webena 36:17

Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.

Jeremia 52:27

Ribla waa lɔ Hamat harɛ taa Babelɔn koojen ɡel ba kpoo ba bela. Gɛɛ a do ba lawɛ Juda tena le ba harɛ ta, dɛ kaa ba ne bojaŋ harɛfale ta.

Daneɛl 9:12

He ɡelɔ waa he fa aa bola dawɛ ya nɛɛ kɛŋɔ, hɛɛ kpɔ deŋnetɛraa ba ya ne ya koranar nɛɛ la ɛ ɡɛ. Harɛ nɔ ta bwa, he ta nɛra deŋne tɛrɛ ɡɛ haa tɛr bwɛjen Jerusalam tena deŋne nɔ bwa.