Aesaya 43:2 - mzwDBL

² He dɛ ɡale vile aa, ń ja he nɛ, haa morɛ, wobɛlbwa aa heyaa ɛ. He jo nii ta naa, haa fuh. Aa heyaa nyaa, á ba ɛ kɛŋɔ hɛɛ fuuh.

Aesaya 43:2 ပူးပေါင်းရင်းမြစ်များ

Job Tɔn 5:19

Saŋ bɛlbwa Korowii ɛɛ lɛɛ le wenaale ta.

Yela 23:4

Hale n dɛ valɛ biro tenten bini kwaraa naa, maa ɔmɛ, dɛkalkɛ he ja n nɛ, he daŋɡbala haa kpɔa dɛɛ teɡɛ peera laanee dɛɛ tɛ mɛ bosɔɔhna.

Yela 32:6

Anomanta, ɡel nɛra baa dɛ tomɛ ɛɛ soŋe ba wahala nae saŋ, ásɛ dɛ wenaale do kɛŋɔ nee waa sua dɛɛ ba naa, o bɛ won tel ba be.

Yela 66:10

N Naa Korowii, he daah yaa na kɛŋɔ ba yon kpɔ suuɡapoŋ do nii ta, dɛ laa o doŋa bɛlbwa kpɔ o ta la ken.

Yela 66:12

He ɡelɔ ya dɔma pɔ ya nɛ, ya na wahala kɛŋɔ nii ne nee aa chɔɡ nɛra kwaa ken, kɛ taraken, he berɔ kpɔ yaa ba harɛ o taa soma ta.

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Kaala 14:29

Kɛ Israel tena la te valɛ harɛpɛɛ waa hola ta mpo la bini, nee la pere kɛŋɔ danjwɛ dɛ do ba diɡ ne ɡal ta ba le o baŋ.

Kaala 3:12

Asɛ Korowii chaŋo ŋɔ, “Mɛɛ ja he nɛɛ, ásɛ dɛ he baa kpɔ n nɛra le Ijipt harɛ ta ba naa, bá baa tom mɛ bwejen nɔ ta. Anee dɛɛ ba baɡla kɛŋɔ menee tomɛ.”

Aesaya 29:6

Koranar Bwa Kooro ɛɛ ba lɛ heyaa bwaala kɔɡra nee, harɛ jiɡri, ɡbɔɡa tɔ kohona, peukpeɡ ta, bwaalachɔɡe nɛ, nii chɔɡ kwa.

Aesaya 30:27

Hé no! Korowii sɔn ɔma, o le bojaŋ dɛɛ ba. O baah diu kɛŋɔ nii aa dɛ hɔ ken, chuu ɛɛ le kohona. Bandia ɡboo o wobol bwa, aa fuh o dɔmaa kɛŋɔ nii aa dɛ fuh kwaa ken.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Aesaya 43:5

He bɛ ɔmɛ, n ja he nɛ. Mɛɛ kpɔ he nɛra baa lɔ wee leebɔree ba, dɛ́ berɛ kpɔ banɔ la baa lɔ wee cholibɔr la ɡe ba ja he nɛ.

Jeremia 42:11

He bɛ Babelɔn kooro haa dɛ ɔmɔ taraken nɔ ɔmɛ. Men Korowii ŋɔ he bɛ on ɔmɛ, dɛkalkɛ n ja he nɛɛ dɛ́ won lɛ heyaa le o nɔn ta.

Jeremia 46:28

N nɛra Israel tena, mɛɛ ja he nɛɛ dɛ́ lɛ heya, mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ aŋwɛnɛ taa mɛɛ ba he deŋne tɛra. Men Korowiirii bola.”

Daneɛl 3:23

asɛ Sadrak ne Mesak dɛ Abɛdnɛɡo baa vɔɡ ba la ka le nijena la baah ta.

Haɡae 1:13

Korowii keame Haɡae kpɔ waa Korowii aa kpɔa tomɔ la ka tɛ nɛra la ŋɔ, “Korowii ŋɔ, ‘N ja he nɛ.’ ”

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

2 Timoti 4:22

Yá Dɔɔ ja he nɛ. Ń Naa Korowii sune he nɛ dɛ́ cha he bwa sekwaraa.

Hibru 11:29

Korowiirii Israel tena yarada waa Mposwɛm la teŋe anɛ, ásɛ o nenabɔɔ sie hol kɛŋɔ harɛpɛɛ, ba won jo le. Ijipt tena aa ŋɔa ba ɡe le la, mpo la kaa ba ne.

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”