Aesaya 43:16 - mzwDBL

¹⁶ Kenii Korowii bol. Onee ɡela mpo faa pere, ŋwɛnɛ chɔ o baah ta la.

Aesaya 43:16 ပူးပေါင်းရင်းမြစ်များ

Nehemia 9:11

He ɡelɔ ŋwɛnɛ chɔ mpo bini tɛ he nɛra, dɛ tɔ ba sie ba valɛ harɛ waa hola ta. He ɡelɔ ba dɔma baa dɛ ti ba ka nee la ta, kɛŋɔ baa kpɔ bwe ta mpo vil ta ken.

Yela 106:9

He kɔr Mposwɛm asɛ o hweeh, asɛ he tɔ he nɛra sie ba valɛ harɛpɛɛ ta kɛŋɔ, pua hɛŋle ɡbo harɛ ta ken dɛ ɛɡɛ le o baŋ.

Yela 77:19

He valɛ mpo nehɛma ta dɛ ɡale o vile, kɛ ba ta he nabuɡe nae.

Yela 77:20

He tɔ he nɛra sie kɛŋɔ peteɡre ken, asɛ Mosis ne Arɔn chɔ ba nyoa.

Yela 78:13

O ɡelɔ mpo pere anɛ, dɛ tɔ ba sie, asɛ ba valɛ o bini le kɛŋɔ harɛpɛɛ ken. O ɡelɔ nee la teŋe che kɛŋɔ danjwɛɛ diɡ ne ɡal.

Kaala 14:16

Tɛr he daŋɡbala la pa Mposwɛm la ta, ásɛ o bini pere Israel tena la won valɛ o bini le kɛŋɔ harɛpɛɛ ta.

Kaala 14:29

Kɛ Israel tena la te valɛ harɛpɛɛ waa hola ta mpo la bini, nee la pere kɛŋɔ danjwɛ dɛ do ba diɡ ne ɡal ta ba le o baŋ.

Aesaya 43:2

He dɛ ɡale vile aa, ń ja he nɛ, haa morɛ, wobɛlbwa aa heyaa ɛ. He jo nii ta naa, haa fuh. Aa heyaa nyaa, á ba ɛ kɛŋɔ hɛɛ fuuh.

Aesaya 44:27

N dɛ ŋɔ mpo hweeh, ó hweeh, ásɛ nenabɔɔne ɡe hweeh.

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Aesaya 51:10

He laa ɡela mpo hweeh, ŋwɛnɛ chɔ bela waa luŋa, asɛ nɛra haa lɛɛ ba won le o baŋ la aa?

Aesaya 51:15

Menee Korowii haa dɛ tom mɛ la. Menee wona ɡel mpo ɛɛ ir dɛɛ lɔ nehɛma. N sɔnee Nemenɛ Korowii.

Jeremia 31:35

Korowii ŋɔ, “Menee ta wee asɛ wɛɛ chaah webaŋa, dɛ ɡel korobie ne weweela ɡe ɛɛ chaah jwaana. Menee ɡela mpo ir dɛɛ lɔ nehɛma, Koranar Bwa Kooroo n sɔn.

Wepila 16:12

Nyundua torome waa teŋa numɛl ɡe leɔ, dɛ ka fuɡe o kwaa ta Yufretis Moo ta, asɛ o bwa hweeh dɛ chɔ ŋwɛnɛ tɛ koranar baa le wee leebɔr dɛɛ ba la.