Aesaya 43:11 - mzwDBL

¹¹ Menee Korowii, n ɡbosoroo, n habɔɔ, Lɛɛ bɛlbwa toole.

Aesaya 43:11 ပူးပေါင်းရင်းမြစ်များ

Yela 3:8

N Naa Korowii, henee dɛɛ lɛ nɛra, swee andɛɛɡa tɛ he nɛra.

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 19:20

Aa cheo dɛɛ baɡle waa dɛ tɛ Koranar Bwa Kooro Ijipt harɛ ta. Dɛ nɛra dɛ ɛɛ ba hɔhɔrɔwa asɛ ba do lɔŋɔ tɛ Korowii aa, wɛɛ tɛɛ baa lɛɛree ó lɛɛ ba.

Aesaya 42:8

Menee Korowii, n sɔnee ɡɛ. Maa ɡel nɛra kpɔ jirima aa chɛ kɛ ba tɛ mɛ la tɛ nomɛl, maa ɡel bá kpɔ kpɛɛra aa chɛ mɛ la tɛ voɡa.

Aesaya 43:3

Menee Korowii haa dɛ tom mɛ, he Israel Nɛŋɡoroŋ maa dɛ lɛ heyaa la. N kpɔ Ijipt tena charɛ he nyu, dɛ kpɔ Itiopia ne Seba tena cheɡ he buɡ ta dɛ lɛ heya.

Aesaya 44:6

Nemenɛ Korowii waa ɛ Israel tena Kooro ne ba Lɛɛ la ŋɔ, “Menee komɛlbwa Sitɔɔ, ne a Muŋkaa bwa, n habɔɔ Dɔɔ bɛlbwa toole.

Aesaya 44:8

He bɛ ɡel he bwara ɛɛ sa! He bɛ ɔmɛ! Saŋ la bwa laa n le baɡle waa nɔ, dɛ bola aa? N danseɛree heya. Dɔɔ bɛl ɡe lole dɛ ja n nɛ aa? Akai, Bwetal bɛlbwa toole he chwa ka marɔ ó won lɛ heya, beŋkpoŋ ɡba toole.”

Aesaya 60:16

Harɛre nɛra ne koranar ɛɛ nyiŋi he nɛɛ kɛŋɔ, haah aa dɛ ɔr o bie, ásɛ he jemɛ kɛŋɔ men Korowiirii he Lɛɛ, menee Korowii, Jekɔb Kpeɡnɛn waa tomɔ la.

Hosia 1:7

Kɛ Juda harɛ ta tena te, mɛɛ nyin baa, mɛɛ lɛɛ baa. Dɔmkwaa aa do kɛ to ne hɛma, ne tokobie dɛ jaɡre nɛra aa kpɔa dɛɛ la laa ne laa mɛɛ ba kpɔe lɛɛ ba. Men Korowii baa dɛ tom mɛ la kpeɡri nee mɛɛ ba ba lɛɛ.”

Hosia 13:4

Korowii ŋɔ, “Menee Korowii haa dɛ tom mɛ n lawɛ heyaa le Ijipt harɛ la. He bɛ voɡ bɛlbwa yarada ka ja n nɛ. Lɛɛ bɛlbwa toole ka ja n nɛ.

Jona 2:10

Belaa Korowii bol waa pɛŋe la be, asɛ o ka uɡe Jona ta nee la nyoa.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Amanesoma Luk Aa Chwera Tɔn 1:47

N sie lɛ Korowii waa ɛ n Lɛɛ la nɛ.

Amanesoma Luk Aa Chwera Tɔn 2:11

Jwaana nɔ ne, ba lolɛ he Lɛɛ. He Dɔɔ Kristo Korowii aa baɡɛ nyoa ŋɔ wɛɛ tomɔɔ ó ba lɛ heyaa laanee ba lole Devid bwɛɛ la.

We-ɛɛla 4:12

Dɛ Yeesu laa aa, nomɛlbwa toole dɛ́ won lɛ yaa. Nomɛlbwa toole harɛ nɔ ta bobɛlbwa yá yerɔ o won lɛ yaa ka ja Yeesu nɛ.”

Mmarare 6:4

Israel tena, hé no. Korowii yaa dɛ tomɔ habɔɔ, Dɔɔ bɛlbwa toole kpa.

Taetos 2:10

dɛ bɛ ba kwaa dɛɛ ŋwɛ. Kɛ bá ɡel ba we-ɛɛla dɔ yarada kɛrɛdɛ ba dɔɔranar be. Gɛɛ dɛɛ ba ɡela ya Lɛɛ Korowii waa nɔ yaa dɛ baɡle nɔ che ba nɛɛ dɛ́ dɔ sɔn wobɛlbwa ta.

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

1 Jɔn 4:14

Ya na o Bie la dɛ di danseɛ kɛŋɔ Korowiirii ɡela o ba harɛ nɔ ta dɛ ba ɛ nɛwɛnyini Lɛɛ.

Tɔn Jud Aa Chwera 1:25

o ɡboo Korowii ne ya Lɛɛ, ya Dɔɔ Yeesu Kristo nomanta. O chɛ jirima. O dɔŋ toole. Onee dɔ komɛlbwa kpeɡri, dɛ ɛ komɛlbwa Dɔɔ dɛ le saŋ la bwa ba le fini, dɛ dɔ a bwa saŋ bɛlbwa! Aamen.

Wepila 1:11

O ŋɔ n be ŋɔ, “Waa nɔ haa dɛ ba nae nɔ, chwera do tɔn bini, dɛ́ kpɔ ka tɛ asɔrere anuanɛ aa lɔ Ɛfesos ne Smɛɛna ne Pɛɛɡamɔm ne Tiatra ne Saades ne Feladɛlfea dɛ Laodisia la.”