Aesaya 43:1 - mzwDBL

¹ Israel tena, Korowii waa ta heya la ŋɔ, “He bɛ ɔmɛ. Menee lɛ heyaa ta, n yerɛ he sɔn dɛ le heyaa tɛ n te. Men dɔ heya.

Aesaya 43:1 ပူးပေါင်းရင်းမြစ်များ

Mumpar 32:28

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

Yela 100:3

Hé jemɛ kɛŋɔ onee Korowii. Onee ta yaa, dɛ dɔ yaa, O nɛraa yan, ya do kɛŋɔ peera ken o sie.

Yela 102:18

Hé chwerɛ waa Korowii aa ɛa nɔ bil tɛ naanar baa ka ba kerekere, ɡɛ aa ɛ nɛra baa wola ban lolɛ mɔɔ la kpɛɛro.

Kaala 15:13

He nyina aa wola jaɡa dɔe nomanta, hɛɛ tɔ he nɛra haa lɛɛ ba la siee. Hɛɛ kpɔ he kpeɡrii dɛɛ nyiŋi ba nɛ, dɛ́ kpɔ ba kaa harɛ waa do ɡoroŋ ta.

Kaala 15:16

Ɔmee kohona ɛɛ chole ba nɛɛ, á che he kpeɡri ta bá ka che bobeŋkpoŋ kɛŋɔ bwe ken, dɛ́ ka tel kɛŋɔ he nɛra aa teŋe ba kaa mɔɔ. N Naa Korowii, nemenɛ he nɛra haa lɛɛ ba le Ijipt harɛ ta la teŋe ba kaa mɔɔ.

Kaala 33:17

Asɛ Korowii ŋɔ o be ŋɔ, “Mɛɛ ɛ waa haa soŋa nɔɔ, dɛkalkɛŋɔ n jemɛ heyaa kɛrɛdɛ n sie ɛɛ lɛ he nɛ.”

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Aesaya 42:6

“Men Korowiirii yerɛ, dɛ tɛɛ kpeɡri ŋɔ hɛɛ ɛ waa aa toɡra harɛ nɔ ta. He nɛɛ aa ba cheɡa ásɛ n ne nɛwɛnyina bwa fɔwɛ fɔo, dɛ́ do kɛŋɔ kandea dɛ́ tɛ harɛre nɛra.

Aesaya 43:21

N ta ɡɛ nɛra nɔ bá ɛ n nɛra, dɛ́ ɡo yela dɛɛ kpɛɛ mɛ.”

Aesaya 43:5

He bɛ ɔmɛ, n ja he nɛ. Mɛɛ kpɔ he nɛra baa lɔ wee leebɔree ba, dɛ́ berɛ kpɔ banɔ la baa lɔ wee cholibɔr la ɡe ba ja he nɛ.

Aesaya 43:7

ba ɛ n nɛra, menee ta ba, ba kpɔ jirima dɛɛ tɛ mɛ.”

Aesaya 44:2

Menee Korowii maa ta heya, dɛ jemɛ heyaa mɔɔ ba lolɛ heya, dɛ cha heyaa la. He bɛ ɔmɛ, he ɛ n bonɔɔna maa le heyaa tɛ n te, n bambile lawɛ heya.

Aesaya 45:11

Korowii, Israel Nɛŋɡoroŋ waa ta ba, dɛ́ jemɛ waa aa chiɡ kerekere la ŋɔ, “He ta ŋwɛnɛ dɔe kɛŋɔ, hé bɔɔ mɛ n bii wa, kɛɛ dɛ́ baɡ mɛ ɡɛ maa ɛ.

Aesaya 48:17

Waa Korowii, waa ɛ he Lɛɛ, Israel Nɛŋɡoroŋ la aa dɛ bolee nɔ, “Menee Korowii haa dɛ tom mɛ la, menee dɛɛ chaɡle heyaa anɔ la aa wera tɛ heya, dɛ berɛ dɛɛ chaɡle heyaa ŋwɛnɛ aa chɛ kɛŋɔ hé kpɔ o ta.

Aesaya 48:20

Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Aesaya 49:1

Bojaŋa harɛre nɛra, hé cheɡ deŋne dɛ́ no n be. Korowii lee mɛ n ɛ o bonɔɔ, o yerɛ n sɔn mɔɔ ba lol mɛ.

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Aesaya 51:13

Kɛ he soh men Korowii maa ta heyaa dɛ paɡri nyundua kɛŋɔ yal, dɛ pa harɛ mun la wa. Ɛrɛwaa tɔpere bɛlbwa hɛɛ ɔmɛ nɛra baa dɛ fiiɡi heya, dɛɛ nyin bá chɔɡ heyaa kohona nɔɔ? Leperaa ba bandia ɛɛ tel ɔ?

Aesaya 52:9

Jerusalam tena, he bwɛjen berɛ dimɡbia, hé pɛ ɡo silɛɛ yela. Korowii larawe o nɛra bwara, dɛ lɛ Jerusalam ɡe.

Aesaya 62:12

Baa yer baa ‘Korowii Nɛra Baa Do Goroŋ’, ne ‘Nɛra Korowii Aa Lɛɛ Ba’. Baa yerɛ Jerusalam ɡee, ‘Bwɛjen Korowii Aa Dɛ Nyin’, ne ‘Bwɛjen Korowii Aa Wola On Vɛɛh’.

Aesaya 63:16

Dɛ ya nabaa Abraham ne Jekɔb ŋɔ baa yaa jemɛ kwaraa naa, he te aa yaa ta, henee ya mɛɛ.

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Jeremia 31:3

Korowii kpɔ o te baɡle Israel tena saŋ la dɛ ŋɔ, “Nyina aa wola jaɡa dɔe n nyin heya. Nyina kohonaa n ta teŋɛ dɛɛ nyin heya.

Jeremia 33:24

“He ta noɛ kɛŋɔ nɛra nɔ aa dɛ bol ŋɔ, men Korowii vɛh Israel ne Juda tena maa lee ba tɛ n te la aa? Ba hah n nɛra, dɛɛ nyiŋi ba nyubaahna, baa wola ban komɛl yerɛ, dɛɛ lii ba harɛfale bɛl nɛra.

Jeremia 33:26

Gɛ maa ɛa nɔ nomanta, mɛɛ ɡeloo n ne Jekɔb naanar ne n bonɔɔ Devid fɔo yaa fɔwa la do le. Mɛɛ le Devid naanar la bini bɛlee ó ba nyiŋi Abraham ne Aesek dɛ Jekɔb naanar nɛ. Mɛɛ dɔ tedomaa tɛ n nɛra, dɛ́ ɡel ba wobɛlbwa berɛ do wer tɛɛ ba ja.”

Jeremia 50:34

Kɛ ba Lɛɛ la kpeɡri, o sɔne Koranar Bwa Kooro. Wɛɛ yoo kohona dɛ́ lɛɛ ba, ásɛ ba dɔ bosɔɔhna ba harɛ ta, kɛ Babelɔn tena te, ba bwaraa dɛɛ ba nyɛɡa.”

Wiile 3:57

He no n wesoŋa la, dɛ ŋɔ n be ŋɔ n bɛ ɔmɛ.

Ɛsekeɛl 16:8

A habɔɔ n berɔ fɛrɛ ba kaa, dɛ na kɛŋɔ namete he kpeɡo kohona kɛŋɔ he yalɛ, asɛ n paɡri n yal nyoa tɔ he nɛ, he ta mumɡbal cheɡɛ kpa. N ŋwɛɛrɔ baɡle asɛ n ne he fɔwɛ fɔo he berɛ n haah. Men Nemenɛ Korowiirii bola.

Daneɛl 10:19

O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Malakae 3:17

Koranar Bwa Kooro ŋɔ, “Awola maa ɛ a ɡɛ waa nɔ la, mɛɛ kpɔ baa ɛ n bii maa dɛ nyin ba kohona. N tea ɛɛ domɛ ba nɛɛ ń lɛɛ ba, kɛŋɔ mɛɛ yon dɔ tedoma tɛ o bie waa dɛ tomɔ dɛɛ lɛo la ken.

We-ɛɛla 27:20

Tɔpera aŋwɛnɛ bwa dɛ yaa wee na, yaa weweela ɡe na, asɛ peu la ɡe na dɛɛ ta kpeɡri nɛɛ ɡɛ. Ate, dɛ yaa ya nyuune te waa lii kɛŋɔ yaa ɛ nɛraa kpa.

We-ɛɛla 27:25

Pɔɔl aa bol ɡɛ la, o ŋɔ ba be ŋɔ, “Anomanta, he bɛ ɔmɛ, dɛkalkɛ n dɛ yarada Korowii. N jemɔ kɛŋɔ ɡɛ waa bola la, ɡɛɛ aa ba ɛɛ.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.

Mmarare 32:6

Korowii hɛɛ ɛ ken aa, nɛra haa ɡɛna haa wola liire dɔe. He mɛɛ, onee ta heya dɛ ɡel he ɛ harɛbir nɛra.

Mmarare 32:9

Dɛkalkɛ Jekɔb naanar te, Korowii ɡbaɡba lee ba dɛ kpɔ ba ɛ o nɛra.

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,