Aesaya 42:4 - mzwDBL

⁴ Waa koh, waa ɡwɛɡre ɡe, dɛ́ ka tel kɛŋɔ harɛ nɔ nɛra bwa aa ba jemɛ kasinteŋ ŋwɛnɛre la. Nɛra baa lɔ bojaŋ harɛre ta ɛɛ dɔ hwɛɡa o webaɡla taa.”

Aesaya 42:4 ပူးပေါင်းရင်းမြစ်များ

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Yela 22:27

Harɛre nɛra bwa ɛɛ lii Korowii waa dɛ́ kpɛɛro, baa le harɛ jaɡa bwaa, dɛ́ ba o be, harɛre nɛra bwa ba ɡuŋi o sie.

Aesaya 40:22

Onee di harɛ bwa kora dɛ so kookara ta nyundua, asɛ nɛra baa lɔ harɛ ta do jeɡre kɛŋɔ vaɡla ken. Onee paɡri nyundua bɔle kɛŋɔ yal ken, dɛ baŋro kɛŋɔ baa baŋre tɛnte dea dɛ so o bini la.

Aesaya 40:28

Haa jemaa? He ta noɛ yaa? Korowii lole saŋ bɛlbwa. Onee ta harɛ nɔ bwa. Waa koh bwa, waa ɡwɛɡre ɡe. Nomɛlbwa aa won jemɛ o wejema waa dɔa mun bwa.

Aesaya 41:5

Nɛra baa lɔ ekwie harɛre ta naa dɛ ɔmɛ, hale banɔ la baa lɔ harɛ jaɡa bwara ɛɛ sa ba suuh tel dɛ ba,

Aesaya 42:10

Nɛra haa lɔ harɛ ta bwa, hé ɡo yelfale kpɛɛ Korowii. Nɛra haa dɛ ɛ toma mpo ta, ne kwaa aa lɔ o ta bwa, ne harɛ jaɡa nɛra bwa, hé ɡo kpɛɛra yel tɛo!

Aesaya 42:12

Bojaŋ harɛre nɛra, hé kpɔ jirima tɛo, dɛ́ kpɛɛro.

Aesaya 42:21

Korowii waa aa toɡra nomanta, a su o siwi kɛŋɔ ó ɡel o Mmarare do kan dɛ́ dɔ jirima.

Aesaya 49:1

Bojaŋa harɛre nɛra, hé cheɡ deŋne dɛ́ no n be. Korowii lee mɛ n ɛ o bonɔɔ, o yerɛ n sɔn mɔɔ ba lol mɛ.

Aesaya 51:4

N nɛra, hé no n be! N harɛ ta nɛra, hé cheɡ deŋne no waa maa dɛ bol nɔ. Mɛɛ ɡeloo he jemɛ me Mmarare, ásɛ n kasinteŋ ɛ kandea dɛɛ chaah harɛre nɛra.

Aesaya 51:5

Mɛɛ bao warane, dɛ́ ba lɛɛ ba, ba lɛɛ tɔpere aa jaŋɛ kwara. N ɡbabirii dɛ nyiŋi harɛre nɛra nɛɛ dɛ́ ɡel ba jemɛ n kasinteŋ la. Bojaŋa harɛre nɛra bwa ɛɛ dɔ hwɛɡaa, dɛɛ nyiŋi lɛɛ maa dɛ ba ba lɛɛ la ŋwɛnɛ.

Aesaya 55:5

Kpelaa, hɛɛ yerɛ harɛre nɛra baa wola hen jemɛɛ, bá ba he be, harɛre nɛra haa wola ban jemɛ ɡe ɛɛ chwao ba he be. Men Israel Nɛŋɡoroŋ haa dɛ tom mɛ nomanta, baa ba he bee, jirima maa ɡela he dɔ la wa.”

Aesaya 60:9

A ɛ stiimaere aa le bojaŋa dɛ kpɔ n nɛra dɛɛ ba dem. Ba cheɡɛ suuɡapoŋa ne suuɡaswɛm dɛɛ ba, dɛ kpɔ jirima dɛɛ ba ba tɛ men Korowii Israel tena aa dɛ tomɔ, Israel Nɛŋɡoroŋ waa ɡela harɛre nɛra kpɔ duure dɛɛ tɛ o nɛra la.”

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Matiu 12:21

ásɛ nɛra baa lɔ harɛ ta bwa kpɔ ba hwɛɡa dawɛ o nɛ.”

Amanesoma Mak Aa Chwera Tɔn 3:3

Asɛ Yeesu yerɛ baa la o nɔn aa sewa la ŋɔ ó ir ba che ba sie.

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

1 Kɔrent 9:21

Gɛ tentenee dɛ n koo nɛŋhɔɔhra baa wola Mosis Mmara la ta teŋɛ nɛ aa, n yon ɛ n te kɛ ban, ásɛ dɛ dɔɔ ba tɛ Korowii. Kɛ aa baɡle kɛ n dɛ vɛh Korowii nyoa wobol. N dɛ teŋɛ ɡɛ Yeesu Kristo aa ŋɔa yá teŋɛ la ta.