Aesaya 41:25 - mzwDBL

²⁵ N le nomɛl o le weekaŋle nyunduabɔr. Wee leebɔree o so dɛɛ tom mɛ. Wɛɛ tiɡri koranar nɛɛ kɛŋɔ demamaa yon dɛɛ ɡbɛr teera, kɛɛ vimamaa yon dɛɛ charame choh la.

Aesaya 41:25 ပူးပေါင်းရင်းမြစ်များ

2 Samoɛl 22:43

N pɔ ba nɛɛ ba chɔ harɛ kɛŋɔ bomboɡ peu aa taa dɛ kpɔa dɛɛ kaa, n tiɡri ba nɛɛ kɛŋɔ kpechɛɡre ken fɔɡbaahna.

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 21:2

N na waane kɛŋɔ chaahna ken a ɛ lokua kohona. Bane le dɔŋa dɛɛ tɛ, bane ɡee chɔɡ kwaa kohona. Elam tena, hé ka lɔ tɔ ba nɛɛ dɛ́ yoo ba! Midia tena, hé bar ba bwɛjena cheme, dɛ́ tɔ ba do! Korowii ɛɛ ɡeloo wahala Babelɔn aa ba a ne la teŋe.

Aesaya 41:2

Umee le nɛn le wee leebɔr ɔ? Umee tɛo kpeɡri o won yo lɛ harɛre dɛ pɔ a koranar nɛɔ? O kpɔ o tokobi dɛ kpoo ba, dɛ kpɔ o to ne hɛma ba peɡre, kɛŋɔ peu aa taa dɛ kpɔ tutuɡ ne haahra kaa la.

Aesaya 44:28

Men Korowii berɔ bol Saeros ɡe waa ŋɔ, ‘Henee dɛɛ ba n nɛra nɛɛ nyiŋa, dɛ́ ɛ waa maa dɛ nyin la bwa ka tonɛ,’ dɛ berɛ ŋɔ, ‘Hé kwaa pa Jerusalam ne men Korowii Dea la mun.’ ”

Aesaya 45:1

Korowii le Saeros ŋɔ ó ɛ kooro, dɛ leo ŋɔ ó pɔ harɛre nɛra nɛ. O leo ŋɔ ó yo harɛre, dɛ́ pɔ ba koranar nɛɛ dɛ lɛ́ ba kpeɡri ba be. Korowiirii dɛ́ ya bwɛjena doonyoone ɡbeni tɛo. O ŋɔ Saeros be ŋɔ,

Aesaya 45:13

Mɛɛ che toɡra n wa aa toɡra taa, dɛ́ ɡel Saeros ir dɛɛ ɛ waa aa toɡra ne anɔ la maa dɛ nyin. Mɛɛ kwaa o ŋwɛnɛree a do wer. Onee dɛ́ ba kwaa ma n bwɛjen Jerusalam, dɛ́ lɛ n nɛra baa laɡ ba laa ta kaa harɛfala ta la. Waa ɛ dɛ́ lɛ komɛl le nɛn be. Men Nemenɛ Korowiirii ŋɔa.”

Jeremia 1:14

Korowii berɔ ŋɔ n be ŋɔ, “Wenaale ɛɛ le weekaŋle nyunduabɔree dɛ́ ba nɛra baa lɔ Juda harɛ ta nɛ.

Jeremia 50:3

Harɛ bɛl nɛra ɛɛ le weekaŋle nyunduabɔree, dɛ́ ba yo Babelɔn harɛ tena, ásɛ harɛ la bwa chɔ pɛɛ. Nomɛlbwa aa kae ba dɛ́ so o ta, nɛra ne kondɛɛra bwa dɛ́ ba chwae.”

Maeka 7:10

Belaa ya dɔma ɛɛ ba a nae ásɛ sihiih kpo ba. Banee fa muɡli ya baah ŋɔ, “Leperaa Korowii haa dɛ tomɔ la dɔɔ tenɔ?” Yaa soo dɛ́ na ba chola, baa tiɡri ba nɛɛ kɛŋɔ baa dɛ tiɡri kpechɛɡre ta ken fɔɡbaahna.

Sekaria 10:5

Ba bwa ɛɛ doo kɛŋɔ banyoola, dɛ́ɛ tiɡri ba dɔma nɛɛ fɔɡbaahna laa ta. Men Korowii ja ba nɛɛ nomanta, baa yoo dɛ́ pɔ ba dɔma baa soɡe jaɡre ta, laa ta nɛ.

Wepila 16:12

Nyundua torome waa teŋa numɛl ɡe leɔ, dɛ ka fuɡe o kwaa ta Yufretis Moo ta, asɛ o bwa hweeh dɛ chɔ ŋwɛnɛ tɛ koranar baa le wee leebɔr dɛɛ ba la.