Aesaya 41:17 - mzwDBL

¹⁷ Nyaara ne banɔ la ba waa aa suma ɛɛ ba nyin nee dɛ́ nyɔ kahonɛ ba lobi hol, men Korowii ɛɛ no ba wesoŋaa tɛɛ ba. Menee Israel tena ɛɛ tomɛ, maa ban ta.

Aesaya 41:17 ပူးပေါင်းရင်းမြစ်များ

Mumpar 28:15

Berɛ lii kɛŋɔ mɛɛ teŋɛ he nɛɛ, dɛ́ tɔ he nɛɛ bobɛlbwa haa dɛ ba kaala, dɛ́ berɛ ba he ne harɛ nɔ ta ja. Maa hen ta bwa, nemenɛ n ɛ waa maa baɡɛ nyoa la.”

1 Koranar 17:8

Korowii ŋɔ Elaeja be ŋɔ,

2 Webena 6:17

N Naa Korowii Israel tena aa dɛ tomɛ, ɡel wobɛlbwa haa baɡɛ n mɛɛ Kooro Devid waa ɛ he bonɔɔ nyoa la ɛ kpela.

Yela 22:15

N ta bokpeɡa dɔe kɛŋɔ kaŋli ken, n nyondoŋe marɛ n nyoa, hé ɡel mɛ ń sewɛ ka chɔ lalabwɛ.

Yela 34:6

Nɛŋɡwɛɡra wio no Korowii, o no ba be, dɛ lɛɛ ba le ba wenaale bwa ta.

Yela 37:25

N fa ɛ bechala, dɛ ba ɛ banjena, kɛ n ta nae kɛŋɔ Korowii laa nɔn kpɔ nɛra ba wa aa toɡra nɛ, kɛɛ ba bii valɛ dɛɛ soŋe kondikwa.

Yela 42:2

Korowii haa lole saŋ bɛlbwa, n dɛ nyini kɛ nyɔɡre aa dɛ kpo nɛn ken. Bɛweeree ń won ba he sie, dɛ́ ba tomɛ nɔ?

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yela 74:21

Bɛ ɡel sihiih kpo nɛra baa dɛ fiɡ ba la, ɡel nyaara ne nɛŋɡwɛɡra kpɛɛ he sɔn.

Yela 94:14

Korowii aa o nɛraa vɛh, waa nɛra waa lee ba cheɡ tɛ o te laanee ɡel bwa.

Kaala 17:3

Nyɔɡre kohona nomanta, ba teŋɔ naɡre Mosis waa bela. Ba ŋɔ, “Ɛrɛɛ he lawɛ yaa le Ijipt harɛ ta, dɛ ɡel nyɔɡre baa kpo ya ne ya bii ne kondɛɛra ya bwa serewe nɔɔ?”

Kaala 17:6

Mɛɛ ka che bwe bɛl jwɛɛh Sinai Bwejen ta belaa dɛɛ kpa heya. Dɛ he tel belaa, kpɔ daŋɡbala la lɔ bwe la, nee ɛɛ le o taa ba, ásɛ nɛra la dɔ nyɔ.” Asɛ Mosis ɡe ɛ ɡɛ waa nɔ bwa Israel nomonome la siwi ta.

Aesaya 30:19

Saayɔn tena, nɛra haa soɡe Jerusalam, haa wi kpa. Korowii dɛ na he sum. He wio noo waa, buɡ la ta, wɛɛ no he bee.

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Aesaya 43:20

Kpɔɡ bini ola ɛɛ duu mɛɛ, kalampoŋare ne kwiure ɛɛ duu mɛɛ, nee maa tɛa pua hɛŋle ɡbo harɛ ta la wa. Anee mɛɛ ba n nɛra maa lee ba tɛ n te la tɛɛ bá nyɔ,

Aesaya 44:3

Mɛɛ ɡeloo nee chɔ harɛ waa hola ta, ásɛ nenabɔɔne chɔ dɛɛ palɛ. Mɛɛ ɡeloo n Doma ba so he bii nɛ, dɛ́ swee andɛɛɡa tɛ he naanar.

Aesaya 48:21

Waa kpɔ ba kpɔ pua hɛŋle ɡbo harɛ ta la, nyɔɡre ta ban kpoe. O ɡelɔ nee bule le bwe ta tɛɛ ba. O pere bwe nee palɛ le o ta.

Aesaya 49:10

lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.

Aesaya 55:1

Korowii ŋɔ, “Hé banɔ la nyɔɡre aa dɛ kpo heyaa la, nee lole, hé ba nyɔ! He ta suuɡa dɔe yaa, hé ba, hɛɛ dɔ kondikwaa di pɛɛpɛɛ! Sen ne na-elnee lole, suuɡa ne laa baa yawa, yoɡ ɡe toole a ta!

Aesaya 58:11

Dɛ he ɛ ɡɛ naa, anee dɛ́ ɡel men Korowii baɡle heya ŋwɛnɛ saŋ bɛlbwa dɛɛ la, dɛ́ berɛ tɛ heya kondɛɛɡa pua hɛŋle ɡbo harɛ ta he di, dɛ́ do kpeɡri. Dɛ́ berɛ ɡel he do kɛŋɔ bodɛɛɡe haa du daa sɔn do o ta saŋ bɛlbwa ken, kɛɛ bule waa wola hweeh bwa la.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Aesaya 62:12

Baa yer baa ‘Korowii Nɛra Baa Do Goroŋ’, ne ‘Nɛra Korowii Aa Lɛɛ Ba’. Baa yerɛ Jerusalam ɡee, ‘Bwɛjen Korowii Aa Dɛ Nyin’, ne ‘Bwɛjen Korowii Aa Wola On Vɛɛh’.

Aesaya 65:13

Anomanta, Nemenɛ Korowii ŋɔ, “N bonɔɔna ɛɛ dɔ kondikwaa di dɛɛ nyɔ sen kohona, kɛ he te, lɔr ne nyɔɡre ɛɛ kpo heyaa taeh. N bonɔɔna sie ɛɛ lɛo, kɛ he te ɛɛ di sihiih.

Aesaya 65:24

Ba ne ŋɔ ba soŋ mɛ tonɛ la, dɛ n noɔ dɛ́ chaŋe. Ba taa dɛ bol kwaraa la, dɛ n te jemɔ.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Jeremia 31:25

Mɛɛ ɡeloo nɛra ba bambile aa chɔɡa la dɔ bokpeɡfala, ásɛ dɛ tɛ nomɛlbwa lɔr aa kpoo o ɡwɛɡre kondikwaa o di.”

Wiile 4:4

Ba ɡelɔ nyɔɡre ne lɔr kpo bechasɔɔhne baa serewe. Bechale ɡaaɡɔ dɛɛ soŋe kondikwa, kɛ nomɛlbwa aa ban tɛ.

Ɛsekeɛl 47:8

Baa la ŋɔ n be ŋɔ, “Gɛ moo nɔ palɔ kpɔ wee leebɔr harɛ ta dɛ wili jo Jɔɔdan Felembɔjen ta, dɛ ka jo Yar Mpo ta. O palɔ ka jo mpo la ta naa, mpo nee la dɛ́ do wer.

Matiu 5:3

“Nɛra baa kpɔ ba te dawɛ Korowii nɛɛ kɛ nyaara la, ba na som, dɛkalkɛ banee dɛɛ ba Korowii Kora la koobii ɛɛ.

Matiu 5:6

Nɛra ba sie aa beɡre waa aa toɡra dɛɛ su Korowii siwi la, ba na som, dɛkalkɛ Korowii ɛɛ cha baa a ta kɛrɛdɛɛ bá dɔa ba tetoora.

Amanesoma Luk Aa Chwera Tɔn 16:24

Anee o ha nyoa yerɛ Abraham dɛ ŋɔ, ‘N Naa Abraham! Na n sum, ásɛ dɛ tomɛ Lasorɔs ásɛ o kpɔ o nonii ka leɡe nesɔn dɛ́ kpɔ ba leɡe n nyondoŋe. N lɔ nii ta n bwara ɛɛ nyɛɡ mɛ.’

2 Kɔrent 12:9

asɛ o ŋɔ, “Chae maa sune he nɛɛ dɛ chae nɔ ɡbo maɡre he ne. Bela nɛn aa ɡwɛɡra la, belaa baa na n kpeɡri kohona.” Anomanta, a do n som kohona kɛ maa dɛ maŋkura n te n ɡwɛɡra ta, dɛkalkɛŋɔ a taa mɛɛ na Yeesu Kristo kpeɡri n nɛ.

Wepila 21:6

Asɛ dɛ ŋɔ, “A tonɔ! Menee komɛlbwa Sitɔɔ ne a Muŋkaa, menee wobɛlbwa Mumpar ne a Jaɡa. Dɛ nomɛlbwa dɛ wi nyɔɡre aa, mɛɛ ɡeloo o la bela mkpa nee aa bula dɛɛ le, dɛ́ ka nyɔ ane pɛɛpɛɛ.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.