Aesaya 41:11 - mzwDBL

¹¹ Nɛra ba baah aa di he nɛɛ kohona la bwa, sihiih ɛɛ kpo baa ba baŋa ɡole. Nɛra baa ŋɔ bá yo heyaa la, ɛɛ serewoo dɛ́ tonɛ.

Aesaya 41:11 ပူးပေါင်းရင်းမြစ်များ

Kaala 11:8

He nomonome nɔ bwa ɛɛ berɔɔ ba n be, dɛ́ ba ɡuŋ mɛ dɛ́ ŋɔ ń kaa, n ne n nɛra bwa baa teŋɛ n nɛ. Ásɛ mɔɔ ń kaa.” Belaa Mosis kpɔ bandia kohona le kooro sie kaa.

Kaala 12:29

Bɔr aa joa harambaŋa la, Korowii kpo Ijipt tena bibanloɡla bwa. O kpɔɔ le Ijipt kooro waa soɡe kara ta la bibanloɡle nɛ, dɛ ba nɛn baa lawɔ do dea bibanloɡle nɛ, dɛ kondɛɛra bwa ɡe biloɡla nɛ.

Kaala 23:22

Dɛ he cheɡ deŋne o be kɛrɛdɛ dɛɛ ɛ anɔ la maa bola bwa naa, mɛɛ hah he dɔmaa, n ne baa jo ŋwɛnɛ bɛlbwa ta.

Aesaya 17:13

Hale nɛra warɔ dɛɛ moo kɛŋɔ mpo nehɛma sii aa, Korowii ɛɛ kah baa ásɛ ba chwa kaa bojaŋ. Baa chwao dɛ́ peɡre kɛŋɔ peu aa kpɔ haahra, kɛɛ kawulewule aa kpɔ doŋa kaa la ken.

Aesaya 29:5

Kɛ he dɔma baa wara ɛɛ berɔɔ ɛ kɛŋɔ bomboɡ mohooh ken, ásɛ peu kpɔ kaa, nɛnlaa ba nyu bini aa kpeɡa he nɛɛ ɛ kɛŋɔ mea pɛɡa peu yon kpɔa ir kaa la. Aa ɛo warane wɔrɔbe nɛ,

Aesaya 29:7

Harɛre nɛra baa wara, dɛ pu Jerusalam dɛɛ yo, dɛ ka kuuɡi o dekpeɡa, dɛ baro dɛ tɔ o nɛra do la, ba bwa waa ɛɛ kaaloo kɛŋɔ, haa na waane dɛ deera jwaana ken.

Aesaya 29:8

Aa ɛo kɛŋɔ lɔr aa dɛ kpoe, asɛ he chɔ dee dɛɛ di kwa, kɛ haa ba jar ir la, dɛ lɔr ta dɛ kpoe la ken. Kɛɛ nyɔɡre aa dɛ kpoe he dee, dɛ na kɛ he dɛ nyɔ ne, dɛ jar ir dɛ nyɔɡre la ta dɛ kpoe la ken. Gɛɛ aa ba doe dɛ tɛ harɛre nɛra baa wara dɛ yo Saayɔn Bwejen la.

Aesaya 34:12

Kooro aa lee do dɛɛ nyiŋi harɛ la ta, sitɔɔla ɡe aa lee do,

Aesaya 40:17

Harɛre nɛra ta komɛlbwa ɛɛ Korowii be. Ba do kɛ kwaane aa wola siwi su o be ken.

Aesaya 40:2

Hé bol bansɔɔh waa baɡle Jerusalam tena dɛ́ ŋɔ, ba weweele baa naa kohona teŋo, ba bɔ ba wechɔɡa kem tonɛ. Ba dɔ ba wechɔɡa bwa deŋnetɛra kohona, dɛ le men Korowii be.”

Aesaya 41:24

Voɡa la ta komɛlbwa ɛɛ, asɛ a we-ɛɛla ɡe ɛ wepuu. N kii nɛra baa dɛ toma la ne ba voɡa.

Aesaya 41:29

Na, a bwa ɛ neɡra! A we-ɛɛla bwa ɛ pɛɛpɛɛ. A do kɛŋɔ peu ken, komɛlbwa toole a be.”

Aesaya 45:24

Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

Aesaya 49:25

Ate, ɡɛ Korowii aa dɛ bolee kɛŋɔ, “Kpelaa, mɛɛ lɛ nɛra banyoola aa laɡ ba laa ta laanee le ba be, mɛɛ lɛ laala baa paa laa ta laanee le nyubinikpeɡ tena la be tɛɛ ba. Mɛɛ yo nɛra baa dɛ yo he yaa, ásɛ dɛ lɛ he bii.

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Aesaya 54:15

Nomɛlbwa nyini naɡra aa, n be laa a le. Bɛlbwa waa kpɔ yoi ba pui la aa hen wo.

Aesaya 54:17

Dɔmkon bɛlbwa toole bá won kpɔ che he nɛɛ á maɡre. Nomɛlbwa waa kpɔ waa dawɛ he nɛɛ la, wɛɛ di bolchɔɡee. Mɛɛ che n bonɔɔna habɔɔ, bá di bole ba dɔma nɛ. Men Korowiirii bola.”

Jeremia 12:17

Dɛ harɛ bɛlbwa nɛra ta deŋne cheɡɛ dɛ no aa, mɛɛ le ba nee kɛŋɔ baa fuɡri dua ken, dɛ́ chɔɡ ba. Men Korowiirii bola.”

Jeremia 2:3

Israel tena, he fa do ɡoroŋ tɛ men Korowii ɡbo, dɛ do kɛŋɔ koo kondikonloɡla baa koma ken, asɛ nɛra baa fiiɡi heyaa la, n kpɔ wenaale kohona ba ta ba nɛ. Men Korowiirii bola.’ ”

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Sekaria 12:3

Awola tɔpere la, mɛɛ ɡeloo Jerusalam do kɛŋɔ bwe, waa yiiɡi. Harɛ nɔ nɛra bwa aa pɛ nyoa dɛ́ ba yoo ba la, bɛlbwa waa ŋɔ wɛɛ ɡɔɔ bwe laanee la, wɛɛ doo bolii.

We-ɛɛla 16:39

Anomanta, ba baa do ba jaŋɡbare, dɛ laɡ ba le bela baa do ba dea la, dɛ soŋ ba ŋɔ bá le bwɛɛ la ta.

Wepila 3:9

Hɛ́ɛ no! Bɔnsam habɔteŋra baa dɛ teŋe nyosone, baa wola Juu tena ɛɛ dɛɛ yerɛ ba te Juu tena la, mɛɛ ɡeloo bá ba ɡuŋi he sie, dɛ́ jemɛ kɛŋɔ n dɛ nyin heya.