Aesaya 40:7 - mzwDBL

⁷ Dɛkalkɛ Korowii ta peu dɛɛ ta a ta, kpɔɡa dɛ sewɛ, a fee ɡe ɛɛ lee. Nɛwɛnyini do kɛŋɔ kpɔɡa, kpela.

Aesaya 40:7 ပူးပေါင်းရင်းမြစ်များ

Job Tɔn 41:21

O hweeraa, hɔla dɛ lawɛ nii, ninlao chuɡri dɛɛ le o nyoa.

Jems 1:10

Dɛ he ɛ dɔɔh ɡe aa, ɡel he sie lɛ kɛŋɔ he ne nyaa la bwa ɛ beŋkpoŋ, dɛkalkɛŋɔ he ɛ nɛŋɡwɛɡre Korowii be. Haa biɡri sewɛ kɛŋɔ kpɔɡa yon fe dɛ́ chure warane dɛ́ berɛ sewɛ la.

Jems 1:11

Gɛ wee yon le dɛ́ lɔ, ásɛ kpɔɡa sewɛ dɛ́ chure a fedɛɛɡa la ta, ásɛ a wer tonɛ la, ɡɛ tentenee dɔɔh ɡee ba sewa o kwaa nyina ta, ásɛ o kondɔɔh la bwa ɛ pɛɛpɛɛ.

Job Tɔn 4:9

Korowii bandia do kɛŋɔ dompeu, o hwee ta ba nɛɛ ba serewe.

Job Tɔn 14:2

O dɛ kpeɡ warane kɛ kpɔɡa ken, dɛɛ hol warane, tamaa ken dɛ o nyoɡrɔ kɛŋɔ lileo ken.

Yela 90:5

He won ɡela nɛwɛnyina teŋe sewɛ kɛŋɔ dom yon piɡri lawɛ nɛn la ken. Ba do kɛ kpɔɡlwɛɛ haa naa chɔɔ,

Yela 90:6

a dɛ kpeɡ dɛ́ fe, jɔmɔra ne tela dɛ a holɔ dɛ́ sewɛ.

Yela 102:4

N do kɛŋɔ kpɔɡa aa hola dɛ kuuɡi chɔ la ken, n pɛla aa kondikwa bɛlbwa lawɛ.

Yela 103:16

kɛ dɛ peu tao waa, a bwa dɛ hol o kaa a ne, bɛlbwa aa an na kpa.

Aesaya 11:4

Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

Aesaya 37:27

N ɡelɔ a nɛra bwa ɡwɛɡre, ba bwara yɔr ba di sihiih. Ba ɛo kɛŋɔ kpɔɡa aa lɔ koo ta, kɛɛ kpɔɡa aa lɔ lɔɡ doa, asɛ wee leebɔr peu chɔɡe yon ta a sewɛ la ken.

Aesaya 40:24

Ba do kɛŋɔ kwaa baa dua, kɛɛ kwaa baa mera, a pa mun dɛɛ dɔ lune, asɛ Korowii ɡel peu ta a ta a hol, asɛ kawulewule kpɔa kaa kɛŋɔ haahra ken.

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Haɡae 1:9

He soɡo dɛɛ hwɛɡɛ kɛŋɔ hɛɛ dɔ koo kwaa taeh, kɛ a berɔ ba do tamaa ken. Anɔ la haa ba a ne dem la, ń chɔɡa. Bɔkwa waa a ba ɡɛ nɔ? Gela haa ɡel n Dea o chɔ kɛŋɔ dimɡbee he sie beɡre he kwaa ta la waa.

Yela 103:15

Kɛ nɛwɛnyina bwa do kɛ kpɔɡa, ba mkpa ɡe do kɛŋɔ kpɔɡa fee, kpɔɡa dɛ sewɛ a fee ɡe ɛɛ lee,