Aesaya 40:4 - mzwDBL

⁴ Fɛlembɔɔ te bɛlbwa chɛ kɛŋɔ hé tɔɔ, dɛ́ bur deŋɡare ne bwe te bɛlbwa. Bobɛlbwa waa wola were la chɛ kɛ hé ɡel ó chɔ harɛ, dɛ́ kwaa ŋwɛnɛ deŋɡarere dor harɛ waa chɔa kaa ta ó chɔ kpalantaŋ.

Aesaya 40:4 ပူးပေါင်းရင်းမြစ်များ

Sɛɡla 2:15

Ba ɛ nɛra ba wa aa wola sie chɔ, dɛ ɛ nɛra baa wola ba nɛɛ hwɛɡɛ. Ba waa bwaa kɛ baa neɡre nɛra.

Aesaya 40:3

Nomɛl dɛ bol waa takpeɡ ne pua hɛŋle ɡbo harɛ ta ŋɔ, “Nɛ́ra ɡel ba we-ɛɛla toɡre, dɛ́ kpɔ ba te dɛɛ kpa ba Dɔɔ bala.

Aesaya 40:5

Ásɛ Korowii ba baɡle o jirima nɛwɛnyina bwa na. Korowiirii bola.”

Aesaya 42:11

Nɛra haa soɡe pua hɛŋle ɡbo harɛ bwɛɛre ta, hé ɡo yela kpɛɛ Korowii! Keda naanar, bela bwa haa soɡa la, hé ɡe ɡo kpɛɛra yela! Sela tena, hé le bwejena dor dɛ́ kpɔ silɛɛ ɡo yela tɛo!

Aesaya 45:2

“Mɛɛ tɔ he siee, dɛ́ bur bwejena ne deŋɡarere. Mɛɛ paɡre ayaawa ɡberjenaa, dɛ́ kuuɡi bune baa kpɔa kaɡra la ɡe.

Aesaya 49:11

Mɛ́ɛ kpɔ ŋwɛnɛɛ bil bwejena dor, dɛ́ kwaa ŋwɛnɛ tɛ n nɛra bá kpɔ o ta.

Aesaya 62:10

Jerusalam tena, hé le kaa, dɛ́ ka kwaa ŋwɛnɛ tɛ he nɛra baa bera dɛɛ ba la! Hé laa bwea aa lɔ ŋwɛnɛ la ta la pa, ó do wer! Hé kpɔ fraŋkaa pa ásɛ harɛ nɔ ta nɛra jemɛ.

Ɛsekeɛl 17:24

Daa aa lɔ harɛ la ta bwa ɛɛ jemɔɔ kɛŋɔ men Korowii, n ɡelɔ daa waa do jaŋne mule, dɛ ɡel daa waa mula do jaŋne. N ɡelɔ da-lwɛɛ hol, asɛ daa waa hola moɡɛ papooni dɛ do wer. Men Korowiirii bola, mɛɛ ɛo.”

Ɛsekeɛl 21:26

Men Nemenɛ Korowii dɛ ŋɔ he be ŋɔ hé laa he kooɡbɛrɛ la pili dɛ́ laa yal haa kpɔa vɔwɛ nyu la kpɔ. Wobɛlbwa aa ɡɛ aa doa laanee do kpa. Dansaara ɛɛ di koraa, ásɛ koranar berɛ dansaara.

Sekaria 4:7

Wobɛlbwa aa kana dɛ do kɛŋɔ bwejen aa won tɔ hen Sɛrobabɛl ŋwɛnɛ. Hɛɛ kpɔ bwe la mamaala aa kpɔa do n Dea o lawɔ kpoŋe laanee ba, ásɛ nɛra moo dɛ́ ŋɔ, ‘O wer, o wer!’ ”

Amanesoma Luk Aa Chwera Tɔn 18:14

Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”

Amanesoma Luk Aa Chwera Tɔn 3:5

Fɛlembɔɔ te bɛlbwa chɛ kɛŋɔ hé tɔɔ, dɛ́ bur deŋɡare ne bwe te bɛlbwa. Ŋwɛnɛ bɛlbwa waa ɡola la chɛ kɛŋɔ hé toɡro, dɛ́ kwaa ŋwɛnɛ bɛlbwa bɔɔne bɔɔnere aa lɔ o ta ó chɔ kpalantaŋ.

1 Samoɛl 2:8

He lawɛ nɛra baa nyaa le ba nyaa bini, dɛ lɛɛ ba dɛɛ le ba sum ta. He ɡelɔ nɛŋɡwɛɡra ne koranar pɛ dɛɛ so, dɛ ɡel baa dɔ jirima. Hen Korowii dɔ kwaa aa lawɛ harɛ nɔ kpoŋe kpeɡri, a taa he ma harɛ nɔ chɔŋɛ.