Aesaya 40:21 - mzwDBL

²¹ Haa jemaa? He ta noɛ yaa? Haa a mun jemaa? Ba ta he be bolɛ saŋ Korowii aa ta harɛ mumpar la kɛɛ?

Aesaya 40:21 ပူးပေါင်းရင်းမြစ်များ

Mumpar 1:1

Komɛlbwa mumpar la, Korowii ta nyundua ne harɛ.

Job Tɔn 26:7

Korowii paɡri weekaŋle nyunduabɔr bɔle, bela komɛlbwa aa wola toole, o ta ɡelɛ harɛ saɡɛ komɛlbwa ta o lawɔ kpoŋe.

Yela 115:8

Nɛra baa kwaara ne nɛra baa kpɔ ba te dawɛ a nɛɛ bwa ɛɛ ɛ beŋkpoŋii.

Yela 50:6

Kwaa aa lɔ nyundua dɛ baɡle kɛŋɔ Korowii waa toɡrɔ, dɛkalkɛ onee bol nɛra waa dɛɛ pa bole.

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Aesaya 37:26

He ta noɛ kɛ saŋ la bwaa n le vɔrɔwa bil kɛɛ? N tɛɛ kpeɡri he ɡel bwɛɛre danjwɛkpeɡa aa bara kuuɡi, dɛ berɛ dimɡbeeni.

Aesaya 40:28

Haa jemaa? He ta noɛ yaa? Korowii lole saŋ bɛlbwa. Onee ta harɛ nɔ bwa. Waa koh bwa, waa ɡwɛɡre ɡe. Nomɛlbwa aa won jemɛ o wejema waa dɔa mun bwa.

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Aesaya 46:8

Wechɔɡ-ɛɛra, hé lii waa nɔ, dɛ́ ɡel a ka he nyu bini. Hé ɡel he siwi swɛɛ a ta.

Aesaya 48:13

N ɡbaɡbaa kpɔ nɔn pa harɛ mun, dɛ kpɔ n nɔndiɡ baŋre nyundua. N yera aa, a dɛ ba n be.

Aesaya 51:13

Kɛ he soh men Korowii maa ta heyaa dɛ paɡri nyundua kɛŋɔ yal, dɛ pa harɛ mun la wa. Ɛrɛwaa tɔpere bɛlbwa hɛɛ ɔmɛ nɛra baa dɛ fiiɡi heya, dɛɛ nyin bá chɔɡ heyaa kohona nɔɔ? Leperaa ba bandia ɛɛ tel ɔ?

We-ɛɛla 14:17

Kɛ dɛ o cheɡɛ wedɛɛɡa waa dɛ ɛ la ta, dɛ ɡel he jemɛ kɛ o lole. Dɛ o dɛ tɛ heyaa bwaala ne, dɛ ɡel kondikwaa ɡee ɛ, asɛ he di dɛɛ vaɡɛ he bwara ɛɛ sɔɔh heya.”

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.