Aesaya 40:15 - mzwDBL

¹⁵ Harɛ nɔ ta nɛra do tamaa kɛŋɔ bokiti bini nee aa kora le kerabeŋkpoŋ ken Korowii be. Ba do kɛŋɔ tutuɡ aa dawɛ kon baa kpɔa dɛɛ kari kwaa tɔɡre ta ken. O dɛ kari ekwie harɛre a do fɛɡre o siwi ta kɛŋɔ tutuɡ ken.

Aesaya 40:15 ပူးပေါင်းရင်းမြစ်များ

Mumpar 10:5

Ba biirii nɛra baa peɡra dɛ ka so neerare nyoo, asɛ bɛlbwa dɔ ba wobol dɛ so ba harɛre ta.

Yela 62:10

Hé laa he te kpɔ nɛra ɛɡra dɛ́ dɔ kwa, kɛɛ he sie lɛ ŋwɛɛ kwaa ta. Dɛ he kondɔɔh teŋɔ dɛɛ warɛ kwaraa naa, hé laa he bambile kpɔ a ta.

Yela 62:9

Nɛwɛnyina bwa do kɛŋɔ nyoa peu ken, nyaara ne kondɔɔhna bwa kɛrɛdɛ. Dɛ ba kpɔ ba dawɛ kon baa kpɔa dɛɛ kari kwaa ta naa, ba fɛɡre dɛ ɡwaa nyoa peu ɡba.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 17:13

Hale nɛra warɔ dɛɛ moo kɛŋɔ mpo nehɛma sii aa, Korowii ɛɛ kah baa ásɛ ba chwa kaa bojaŋ. Baa chwao dɛ́ peɡre kɛŋɔ peu aa kpɔ haahra, kɛɛ kawulewule aa kpɔ doŋa kaa la ken.

Aesaya 2:22

He bɛ hwɛɡa kpɔ do nɛwɛnyini nɛɛ kpa. Waa sewaa? Bɔkwaa nɛwɛnyini ɡeɔ?

Aesaya 29:5

Kɛ he dɔma baa wara ɛɛ berɔɔ ɛ kɛŋɔ bomboɡ mohooh ken, ásɛ peu kpɔ kaa, nɛnlaa ba nyu bini aa kpeɡa he nɛɛ ɛ kɛŋɔ mea pɛɡa peu yon kpɔa ir kaa la. Aa ɛo warane wɔrɔbe nɛ,

Aesaya 40:22

Onee di harɛ bwa kora dɛ so kookara ta nyundua, asɛ nɛra baa lɔ harɛ ta do jeɡre kɛŋɔ vaɡla ken. Onee paɡri nyundua bɔle kɛŋɔ yal ken, dɛ baŋro kɛŋɔ baa baŋre tɛnte dea dɛ so o bini la.

Aesaya 41:5

Nɛra baa lɔ ekwie harɛre ta naa dɛ ɔmɛ, hale banɔ la baa lɔ harɛ jaɡa bwara ɛɛ sa ba suuh tel dɛ ba,

Aesaya 59:18

Korowii baah ɛɛ di o dɔma nɛɛ ɡɛ baa ɛa la wa, hale banɔ la baa lɔ bojaŋ harɛre ta bwa.

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Daneɛl 11:18

A habɔɔ la, wɛɛ berɔ kpɔ sie chaɡɛ mpo nyoa harɛre nɛra nɛ. Wɛɛ yoo baa, dɛ́ pɔ ba ɡalɡa nɛ, kɛ laa nomoa bɛl ɛɛ le harɛfale bɛl taa, dɛ́ ba pɔ o nɛɛ dɛ́ sɔɔh o nyoa, ásɛ maŋkurae waa dɛ maŋkura o te la ɡure o nyu ta.

Daneɛl 4:32

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.”

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Sefania 2:11

Korowii ɛɛ ɡeloo ɔmee kohona chole ba nɛ, dɛ́ chɔɡ ba voɡare aa lɔ harɛ la ta bwa. Ásɛ harɛ bɛlbwa ta nɛra ɛɛ tomɔ, bɛlbwa ɛɛ dɛɛ tomɔɔ o ɡbaɡba harɛ taa.