Aesaya 39:6 - mzwDBL

⁶ Saŋ bɛl dɛ ba ásɛ komɛlbwa waa lɔ he koodem bonɔ ne anɔ la bwa he naanar aa nyina cheɡ ba le fini la bwa Babelɔn tena ba kpɔa kaa ba harɛ ta, komɛlbwa aa ka. Korowiirii ŋɔa.

Aesaya 39:6 ပူးပေါင်းရင်းမြစ်များ

2 Koranar 24:13

Kooro Nebukadnesa ne Babelɔn tena la kaa jo Korowii Dea waa lɔ Jerusalam la bini ne koodem, dɛ pa suuɡaswɛm kwaa a yoɡ aa kpeɡa bwa Kooro Solomɔn aa kpɔa cheɡ bela. Dɛ ɡɛɛ Korowii fa bol ŋɔ ɡɛ waa nɔ bwa ɛɛ ɛo.

2 Webena 36:10

Benanyoa aa chema la, Kooro Nebukadnesa ɡelɔ ba ba lawɛ Kooro Jehoiachin kaa Babelɔn harɛ ta, dɛ pa kondɛɛɡa a yoɡ aa kpeɡa dɛ do Korowii Dea ja kaa. O kpɔ Kooro Jehoiachin naara Sedekia chiɡ o naa ta, o ɛ Juda harɛ ta kooro, dɛ so Jerusalam.

2 Webena 36:18

Babelɔn Kooro ɡelɔ ba pa laala aa lɔ Korowii Dea, ne anɔ la a yoɡ aa kpeɡa, dɛ do deene baa dɛ cheɡ laala a yoɡ aa kpeɡa a bini Korowii Dea, dɛ anɔ la aa lɔ kooro ne o nomonome be bwa, kɛŋɔ laa ta kwaa kaa Babelɔn harɛ.

Jeremia 20:5

Mɛɛ berɔ ɡel ba dɔma pa ba kondɔɔh aa lɔ bwɛjen nɔ ta bwa, dɛ́ kpɔ nɔn dawɛ ba komɛlbwa ta, hale Juda koranar kwaa a yoɡ aa kpeɡa bwa, dɛ́ che a bwa kaa Babelɔn harɛ ta kɛŋɔ laa ta kwa.

Ɛsekeɛl 23:26

Baa wur he laala bwaa, ásɛ dɛ kpɔ suuɡaswɛm kwaa haa dɛ doa baŋa ne nɔɔra la.

Daneɛl 1:2

Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.

Daneɛl 1:3

Ate, Kooro Nebukadnesa ŋɔ Aspenas waa chɔ o koodem nomonome nyoa be ŋɔ, ó kpɔ Israel koodem bonɔɔna bane baa laɡ ba laa ta kaa Babelɔn, ne banɔ la baa le nomonjena deremi ta ba.