Aesaya 38:15 - mzwDBL

¹⁵ Ń bol ameo? Korowiirii bol a waa n be, dɛ ɡbaɡba berɛ ɛa. Suna aa lɔ n bambile bini nomanta, maa won dom chɔ.

Aesaya 38:15 ပူးပေါင်းရင်းမြစ်များ

1 Koranar 21:27

Kooro Ahab aa no waa Korowii keame Elaeja aa bola la, o laa o ɡbaɡba laala waa doa la kɛɛ dɛ ka kpɔ lweyal tɔ. O vɔwɛ nyoa dɛ tɔ o lweyal la dɛɛ chɔ, a baɡle kɛŋɔ o dɛ di suna.

2 Koranar 4:27

Haah la aa kaa pu Korowii keame la bwe la ta la, o chole Korowii keame la sie, dɛ lawɛ o nakpale kpoŋe. Asɛ Gehasi ŋɔ o ka taɡɔ ta, anee Korowii keame la ŋɔ, “Gelo, o loo kuu kohona. Korowii kpɔ waa aa puu la sɔɔh mɛ.”

Ɛsra 9:10

N Naa Korowii yaa dɛ tomɛ, anɔ bwa habɔɔ, ɛrɛɛ yaa ba wona bol ɔ? Dɛkalkɛ ya ta waa haa do yaa a ta teŋɛ,

Job Tɔn 10:1

Job berɔ bol Korowii be ŋɔ, “N soɡa bini pe mɛ, mɛɛ bol waa maa wola ɔmɛ. No n tebinichɔɡ waa nɔ.

Job Tɔn 21:25

Nomɛl ɡe dɛ́ sewɛ sum ne, o ta som bɛlbwa nae bwa.

Job Tɔn 7:11

Anomanta, maa nyoa tɔ, mɛɛ che n weweele taa, dɛ́ bol waa sum ne.

Yela 116:1

N dɛ nyin Korowii wa, dɛkalkɛ o no n be, o no n wii dɛ sune n nɛ.

Sɛɡla 31:6

Nɛn waa soɡe seo nyoa, kɛɛ nɛn waa dɛ di suna laanee chɛ kɛ o nyɔ seŋkpeɡa.

Aesaya 38:17

N weweele ɛɛ ber mɛ deŋnesɔɔhnaa. He cheɡɛ he nyina ta, dɛ lɛɛ mɛ le wekpeɡa a fe aa dɛ ba n nɛɛ bala ta, dɛ kpɔ n wechɔɡa bwa kɛ mɛ.

Amanesoma Jɔn Aa Chwera Tɔn 12:27

Anee Yeesu berɛ ŋɔ, “Taraken n liire ta bobeŋkpoŋ cheɡɛ. Ɛrɛɛ ń soŋe n Mɛɛ ŋɔɔ? Ń soŋo ŋɔ, ‘N Mɛɛ, lɛɛ mɛ le waa nɔ nyoa’ aa? Akai! A ta ɡɛ maɡrɛ, dɛkalkɛŋɔ ɡɛ waa nɔ waa n ba.”

Josua 7:8

Korowii, n ta ɡɛ bwa maa bol nae kpa. Israel tena dɔma teŋɛ ba nɛ ba laa berɛ.

1 Samoɛl 1:10

Dɛ o bambile chɔɡɔ kɛrɛdɛ, o wi dɛɛ soŋe Korowii.