Aesaya 37:37 - mzwDBL

³⁷ Aa ba ɡɛ la, Asiiria koojen Senakerib ɡel laa la yoi, dɛ ir ka so Asiiria bwɛjen Niniwe. Dɛ belaa ɛ koojen soŋnibɔr.

Aesaya 37:37 ပူးပေါင်းရင်းမြစ်များ

Jona 3:3

Ate, Jona ta vɛɛh kpa, dɛ ir kpɔ waa la kaa Niniwe. Bwɛjen la kan taeh. Tɔpera atoroo nɛn ɛɛ ba wona valɛ dɛ ɡaaɡe bwɛɛ la bini bwa.

Jona 1:2

“Le he harɛ ta, dɛ́ la bwɛjen Niniwe ta, dɛ́ ka di ba kasinteŋ ŋɔ ba wechɔɡa baa dɛ ɛ la le n mee.”

Matiu 12:41

Awola nɛra bwa aa ir seo ta dɛ ba che Korowii sie, ásɛ o bol ba waa dɛ́ pa bole la, Niniwe tena ɛɛ bol waa bɔ fini nɔ tena, dɛkalkɛ ba te no Korowii waa Jona aa bola la mun dɛ charɛ ba liire le ba wechɔɡa ta. Kɛ kasinteŋ, naate waa ɡwaa Jona lɔ bonɔ, asɛ he ŋɔ haa o bee no.

Neehum 1:1

Waa aa chiɡ bwɛjen Niniwe, Korowii bol baɡle Neehum waa le Ɛlkɔs chaahna ta, asɛ o chwerɛ bil laanee nɔ.

Jona 4:11

Aah ɛrɛ waa Niniwe o nɛra aa ɡwaa kaɡboŋa lafa fifraanɛ, baa wola wedɛɛɡa ne wechɔɡa baah jemɛ, ba kondɛɛra ɡe aa wola nyoa dɔe nɔ, ba waa aa wola n nɛɛ weɔ?”

Aesaya 37:29

N no he deŋnekpeɡ we-ɛɛla, ne he mbarafo haa dɛ ɛ, a chole n deŋna ta. Mɛɛ kpɔ ɡoŋaa do he mee ta, dɛ́ kpɔ kabaɡrare do he nyoa, dɛ́ berɛ kpɔe kpɔ ŋwɛnɛ haa kpɔ o ta ba la ta kaa.’ ”

Aesaya 37:7

No, mɛɛ ɡeloo koojen la no waane aa ɛ ɔmewa, ásɛ a ɡel o berɛ kaa o harɛ ta, ásɛ Korowii ɡel bá ka kpoo kere ne.’ ”

Aesaya 31:9

Ba koojen ɛɛ ɔmɔɔ dɛ́ chwa, ásɛ ba nomonome baa chɔ laa nyoa la kpɔ ɔmee dɛ́ chwa ɡel ba laa fraŋkaa.” Korowiirii bola. O nii waa kpɔa dɛ fuh saraha kwaa la lɔ Jerusalam Saayɔn Bwejen ta.

Maeka 5:6

Nomonome la ɛɛ ka yo Asiiria tena baa ɛ Nimrod harɛ ta tena laalee, dɛ́ pɔ ba nɛ. Baa lɛ yaa le Asiiria laa tena nɔn taa awola baa ba che ya nɛɛ dɛ́ valɛ kaa ya harɛ jwɛhre ta la.

Sefania 2:13

Korowii ɛɛ che o kpeɡri taa, dɛ́ chɔɡ Asiiria harɛ, ásɛ o bwɛjen Niniwe chɔ pɛɛ, dɛ́ berɛ pua hɛŋle ɡbo harɛ, nee aa wola o taa do.

2 Koranar 19:1

Kooro Hɛsɛkea aa no waa la, o ɡe laa o yal waa tɔɔ la kɛɛ, dɛ ka kpɔ lweyal tɔ dɛ ka jo Korowii Dea.

2 Webena 32:1

Waa Kooro Hɛsɛkea aa ɛa kasinteŋ ne la bwa habɔɔ, Asiiria koojen Senakerib kpɔ o laa tena ba lɔ tɔ Juda harɛ nɛra nɛ. O ɡelɔ o laa tena chɔ bar bwɛjena baa ma danjwɛkpeɡa bara bwa, dɛɛ lii kɛŋɔ wɛɛ won yoo ba dɛ́ pɔ ba nɛ.

Aesaya 31:8

Asiiria tena ɛɛ serewoo dɛ ba ne nɛra laa yoa, kere waa wola nɛn kon ɛɛ dɛɛ ba ba kpoora. Baa chwa laa taa, ásɛ ba lawɛ ba bini bonɔɔna yoma.

Aesaya 33:19

Haa jenu tena laanee na kpa bwa, nɛra ba wobol aa kora haa wola a mun no la.