Aesaya 37:30 - mzwDBL

³⁰ Ate, Aesaya ŋɔ Kooro Hɛsɛkea be ŋɔ, “Waa aa che a ta, n naa Kooro Hɛsɛkea, he jemɛ laanee nɔ. Koo kwaa baa koma bena nɔ la, ane ɛɛ le a buɡ taa, ásɛ he dia, ásɛ benanyoa chemaa, hé di a tenten. A bentooro te la, hé du mea dɛ́ koma, dɛ́ parɛ daa kooni, dɛ́ di a nɔna.

Aesaya 37:30 ပူးပေါင်းရင်းမြစ်များ

2 Koranar 19:29

Ate, Aesaya ŋɔ Kooro Hɛsɛkea be ŋɔ, “Waa aa che a ta, n naa Kooro Hɛsɛkea, he jemɛ laanee nɔ. ‘Koo kwaa baa koma bena nɔ la, ane ɛɛ le a buɡ taa, ásɛ he dia, ásɛ benanyoa chemaa, hé di a tenten. A bentooro te la, hé du mea dɛ́ koma, dɛ́ parɛ daa kooni, dɛ́ di a nɔna.

2 Koranar 20:9

Anee Aesaya chaŋe ŋɔ, “Waa Korowii aa dɛ ba ɛɛ he jemɛ laanee kɛŋɔ, wɛɛ ɛ waa waa baɡɛ nyoa laanee. He dɛ nyin wee chunchule kaa sie ka dawɛ kwaa baa cheɡɛ a ta teeh dɛɛ jo dea la fite ta, kɛɛ o kaa habɔɔ ka dawɛ kwaa baa cheɡɛ a ta teeh dɛɛ jo la fite ta nɔ?”

Kaala 3:12

Asɛ Korowii chaŋo ŋɔ, “Mɛɛ ja he nɛɛ, ásɛ dɛ he baa kpɔ n nɛra le Ijipt harɛ ta ba naa, bá baa tom mɛ bwejen nɔ ta. Anee dɛɛ ba baɡla kɛŋɔ menee tomɛ.”

Aesaya 38:7

Aesaya ŋɔ, “Korowii ɛɛ ɛ waanee á baɡle kɛŋɔ wɛɛ ɛ waa waa baɡɛ nyoa laanee.

Aesaya 65:21

Baa do deenee dɛ́ so a bini, dɛ́ parɛ daa kooni, dɛ́ di a nɔna.

Aesaya 7:11

“Soŋe Korowii háa dɛ tomɔ dɛ́ na waane, hale dɛ le lalabwɛɛ kɛɛ nyundujaɡla, á baɡle waa nɔ kasinteŋ.”

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Lewi Dea Tena 25:11

A ɡɛ benanyoa waa teŋa fifraanue nɔ, a ta chɛ kɛ hé du komɛlbwa he kooni ta, kɛɛ hé komɛ anɔ la a ɡbo aa lea, kɛɛ dɛ́ chaa ɡrepo daa nɔna haa wola a nyoo kuure dɛ kwaara cheɡ.