Aesaya 37:24 - mzwDBL

²⁴ He tomɛ he toroma ba ɛ mbarafo baɡ mɛ ŋɔ, he wono kpɔ torɔɡore teeh kaa bwejena aa lɔ Lɛbanɔn dor. He ŋɔ belaa he teŋni peleme daa aa jaŋa kohona, ne dadɛɛɡa bwa soo siwi, dɛ jo kaa kɔr la baah tenten.

Aesaya 37:24 ပူးပေါင်းရင်းမြစ်များ

Yela 20:7

Nɛra bane dɛ hwɛɡɛ kwaa aa do kɛŋɔ torɔɡore ta, bane ɡee hwɛɡɛ ba jaɡre nɛ, kɛ ya te, Korowii yaa dɛ tomɔ la nɛɛ yaa hwɛɡɛ.

Kaala 15:9

Ya dɔma tamanɔ dɛ ŋɔ, ‘Mɛɛ ti baa dɛ́ ka pɔ ba nɛ. Ba kondɔɔh bwaa mɛɛ ba pae ɡɛ maa dɛ nyin. Mɛɛ tɛr n kere ba nɛɛ dɛ́ chɔɡ ba bwa.’

Aesaya 10:18

Wɛɛ fuh kɔne aa wera, ne harɛdɛɛɡa bwaa kwara, komɛlbwa ɛɛ chɔɡoo. Aa ɛo kɛŋɔ serewe weela aa lɔ nɛn nɛɛ la.

Aesaya 10:33

Hé no! Korowii, Koranar Bwa Kooro ɛɛ ba ba ne harɛɛ, kɛŋɔ baa choo daa dɛɛ ta la ken. Dajaŋa la, wɛɛ teŋaa ɡo, dajena ɡe bwa choɡli.

Aesaya 10:34

Wɛɛ teŋ baa ta, kɛŋɔ baa kpɔ kpanfɛ teŋni kɔr baah daa dɛɛ ta la ken. Ba kpeɡri kɛŋɔ Lɛbanɔn daa kwara naa, wɛɛ teŋ baa ta.

Aesaya 14:8

Lɛbanɔn harɛ peleme daa, ne anɔ la aa jaa kwaraa sie lɛ wechɔɡ-ɛɛ la kora la ɡui wa, dɛɛ ŋɔ, ‘Taraken baa ba he ne harɛ nɔ, nomɛlbwa toole dɛ́ teŋe yaa kpa.’

Aesaya 29:17

A ka tamaa Lɛbanɔn kɔr berɛ harɛpare ondɛɛɡe, ásɛ o ta kwaa do kɛŋɔ kɔr bini kwaa ken.

Aesaya 36:9

Haa won kpɔ he te maɡɛ Asiiria koojen nomonome la bini bechala kwara, kɛ he dɛ hwɛɡɛ Ijipt kooro nɛɛ kɛ o ba tɛɛ kwaa aa do kɛŋɔ torɔɡore, ne laa tena baa dɛ so jaɡre ta.

Aesaya 37:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa. Anomanta, soŋe Korowii tɛ ya nɛra ya taa kaa nɔ.”

Jeremia 22:6

Gɛ Korowii aa dɛ bol laanee nɔ. “A lole kɛŋɔ Juda koodem wer kɛŋɔ Gelead harɛ ne Lɛbanɔn bwejena n be, kɛ kasinteŋ, mɛɛ ɛɔ kɛŋɔ pua hɛŋle ɡbo harɛ, kɛŋɔ bwɛɛre nɛra aa wola toole a ta ken.

Jeremia 22:7

Mɛɛ ɡeloo laa tena ba yoo, bɛlbwa kpoŋe o dɔmkwa. Baa teŋni o peleme daa aa wera laanee ta, dɛ́ paa do nii ta.

Jeremia 46:8

Ijipt harɛ nɛraa dɛɛ ɡɔɔ ba te kɛŋɔ Nael Moo, kɛŋɔ nee aa sua dɛ bu atɛlɛ ken. O ŋɔ, ‘Mɛɛ suu dɛ́ tɔ harɛ bwa dɛ́ chɔɡ bwɛjena ne a nɛra.’

Ɛsekeɛl 21:2

“Nɛwɛnyini bie, eɡle sie ta Jerusalam tena nɛ, dɛ́ bol ba be ŋɔ, bɔra baa dɛ tom mɛ a ta la aa were. Kah Israel harɛ ta tena ŋɔ,

Daneɛl 4:30

O ŋɔ, “Bwɛjen Babelɔn waa do kan ken nɔ, menee doo o ɛ n koobwɛ, dɛ́ kpɔ baɡle n kpeɡri kohona ne n jirima maa dɔa.”