Aesaya 37:12 - mzwDBL

¹² N naawa yo harɛre nɛra bane baa le Gosan ne Haran ne Rɛsɛf, dɛ chɔɡ ba harɛre, dɛ kpoo Bɛt Eden tena baa soɡe Tɛl Asa, ba voɡare wono lɛɛ ba aa?

Aesaya 37:12 ပူးပေါင်းရင်းမြစ်များ

Mumpar 11:31

Asɛ Tɛɛra kpɔ o bie Abram, ne o bibaa Haaran ɡe bibaa Lɔt, ne Sarai waa ɛ o hela dɛ ɛ o bibaa Abram haah la. Ba le Ur waa lɔ Kaldea harɛ ta la ŋɔ ba dɛ kaa Keenan harɛ ta. Baa bera ba tel Haran harɛ ta la, ba soɡe bela.

Mumpar 11:32

Belaa Tɛɛra soŋni asɛ waa baa di bene lafraanɛ dɛ anue la, o sewɛ.

Mumpar 12:14

Abram aa jo Ijipt harɛ ta la, ba na o haah la kɛ o wer kpela.

Mumpar 2:8

A habɔɔ la, Korowii du daa bodɛɛɡe bobɛl baa yerɔ Eden wee leebɔr, dɛ kpɔ baa waa tao la ka so bela.

Mumpar 28:10

Belaa Jekɔb le Beɛseeba dɛ chiɡ ŋwɛnɛ ta dɛɛ kaa Haran.

Mumpar 29:4

Belaa Jekɔb pɛɛ peteɡra la ŋɔ, “Yabala, leperaa he leɔ?” Asɛ ba chaŋe ŋɔ, “Ya le Haran.”

2 Koranar 17:6

Kooro Hosia aa di kora bene anuanaarɛ taa Asiiria koojen yo lɛ Samaria. O lawɛ Israel tena kaa Asiiria harɛ ta, dɛ kpɔ ba ka so bwɛjen bɛl baa dɛ yerɔ Hala, bane ɡe so Habɔ Moo nyoa Gosan harɛ ta, bane ɡe so Midia tena bwɛjena ane ta.

2 Koranar 18:11

Asiiria koojen lawɛ Israel tena kaa o harɛ ta, dɛ kpɔ bane so Hala, bane so Habɔ Moo nyoa Gosan harɛ ta, bane ɡe ka so Midia tena bwɛjena ane ta.

2 Koranar 19:12

N naawa yo harɛre nɛra bane baa le Gosan ne Haran ne Rɛsɛf dɛ chɔɡ ba harɛre, dɛ kpoo Bɛt Eden tena baa soɡe Tɛl Asa, ba voɡare wono lɛɛ ba aa?

Aesaya 36:18

He bɛ ɡel Kooro Hɛsɛkea neɡre heyaa ŋɔ Korowii ɛɛ lɛ heyaa. Harɛ bɛl voɡ wono lɛ harɛ la nɛra le Asiiria koojen nɔn ta ka aa?

Aesaya 36:19

Leperaa bwɛjena Hamat ne Aapad voɡa dɔɔ? Sefavaim tena voɡare sɛ? A wono lɛ Samaria tena aa?

Aesaya 36:20

Harɛre nɔ voɡ besoo wona lɛ o harɛ le n be nɔ? Ɛrɛɛ Korowii ɛɛ ba wona lɛ Jerusalam ɔ?”

Aesaya 37:13

Leperaa bwɛjena Hamat ne Aapad ne Sefavaim dɛ Hena kɛɛ Iva koranar dɔɔ?”

Ɛsekeɛl 27:23

Bwɛjena ane baa dɛ yera Haran, ne Kanɛ, ne Eden, ne Seeba, ne Assur dɛ Kelmad ne he di bona. Ba kpɔ laala ba charɛ kwaa he be.

Ɛsekeɛl 28:13

Dɛ he fa lɔ Eden bodɛɛɡe men Korowii aa du daa la, dɛɛ do kwaa aa wera kɛŋɔ, bwedɛɛɡa bwa soo siwi baa dɛ yera rubi, ne topas, ne emirad, ne kresolet, ne onis, ne jasepa, ne safaaya, ne tɛɛkoes dɛ bɛrel. Awola baa tae laanee ba ɛ ɡɛ kwaa nɔ ne suuɡaswɛm kwaa tɛɛ.

Emɔs 1:5

Mɛɛ kuuɡi bwɛjen Damaskɔs doonyoa ɡbenii, dɛ́ ir nɛra baa soɡe Bɛn Avɛn Fɛlembɔjen, ne kooro waa dɛ di kora Bɛt Eden. Baa lawɛ Siiria tena laa taa kaa Kir harɛ ta. Men Korowiirii bola.”

We-ɛɛla 7:2

Anee Steeven chaŋe ŋɔ, “N mɛɛwa ne n dɔɔranar, hɛ́ɛ no waa nɔ maa dɛ ba bola nɔ! A ɡɛ saŋ la ya naa Abraham aa wola Haran kaalɛ mɔɔ la, Korowii waa ɛ jirima bwa dɔɔ la ba o be Mɛsopoteemea harɛ ta,