Aesaya 36:22 - mzwDBL

²² Ate, Eliakim ne Sɛbna dɛ Joa kɛɛ ba laala, a baɡle kɛ ba loo kuu, dɛ la Kooro Hɛsɛkea be, dɛ ka bol waa Asiiria koojen laa sitɔɔ la aa bola la o be.

Aesaya 36:22 ပူးပေါင်းရင်းမြစ်များ

Aesaya 36:3

Baala batoro le Kooro Hɛsɛkea be Jerusalam, dɛ la Asiiria koojen torome la be. Banee, Hilkia bibaa Eliakim waa chɔ koodem nyoa, ne Sɛbna waa ɛ kooro karake, dɛ Asaf bibaa Joa waa dɛ nyiŋi kooro tɔne ta.

Aesaya 33:7

Na, ba kpeɡnɛra dɛ dooɡe lɔŋɔre kohona fɔɡbaahna dɛɛ nyin lɛɛra. Nɛra baa tom ba ŋɔ bá ba larawe la ɡe dɛ wi kohona.

Matiu 26:65

Belaa Sɔfonomoa la laa o ɡbaɡba laala waa doa la laa kɛɛ dɛ ŋɔ, “Hé no musu wa! Bɔkwa danseɛ yá berɛ dɛɛ nyin jaɔ? Kɛ he bwa no musu waa nɔ waa dena bol nɔ?

Aesaya 36:11

Asɛ Eliakim ne Sɛbna dɛ Joa ŋɔ Asiiria koojen laa sitɔɔ la be ŋɔ, “Nomoa, ya dɛ soŋe, bol Aram tena wobol baɡle he bonɔɔna. He bolaa, ya dɛ no. Bɛ Hibru tena wobol kpɔ bol ya be. Nɛra baa cheɡɛ bwɛjen nɔ danjwɛɛ nɔ ta dɛ no he be.”

Ɛsra 9:3

Maa no ɡɛ waa nɔ la, n kɛɛ n batakaare, dɛ tɛr n nyumpona ne n tampona, asɛ dɛ so harɛ n bwara yɔr, n tea bini aa chɔɡa wa.

2 Koranar 5:7

Israel kooro aa cha tɔn la nyoa dɛ kure la, o kɛɛ o batakaare a baɡle kɛ o liire chɔɡɔ, dɛ ŋɔ, “Na Siiria kooro aa dɛ nyin n ne waa ɡɛ! Korowiirii men n dɔ mkpa ne seo kpeɡri, he ŋɔ n chah baa nɔ naa? A ɛ kasinteŋ kɛŋɔ o dɛ nyin mɛ naɡra!”

2 Koranar 18:18

Ba kaa yerɛ Kooro Hɛsɛkea, asɛ o tomɛ Hilkia bibaa Eliakim, onee dɛɛ nyiŋi koodem bela waa ta, ne Sɛbna waa ɛ koodem bela karake, dɛ Asaf bibaa Joa waa chwerɛ harɛ la waa dɛɛ do tɔne bini, asɛ ba bwa le, dɛ ka chem ba.

Aesaya 22:15

Korowii, Koranar Bwa Kooro tomɛ men Aesaya ŋɔ, “La Sɛbna waa chɔ koodem bela tomare nyoa be ka ŋɔ,

Aesaya 22:20

Mɛɛ yerɛ Hilkia bie Eliakim waa ɛ n bonɔɔnee.

Jeremia 36:24

Kɛ ane a bwa, kooro ne nɛra baa ja o nɛɛ dɛ no waa nɔ la, ta ɔmɛ, a ba ɛ kɛ baa tea bini ɛɛ chɔɡoo.

Aesaya 29:2

kɛ Korowii ŋɔ wɛɛ ɡeloo he Jerusalam tena bwara nyɛɡ heya, ásɛ hɛɛ wi dɛɛ dooɡe lɔŋɔre. He bwɛjen la bwa ɛɛ ɛ chalee, kɛŋɔ kon baa kpoo kwaa dɛɛ ɛ saraha o ta.