Aesaya 36:13 - mzwDBL

¹³ Ate, laa sitɔɔ la ir che dɛ kpɔ takpeɡ bol waa Hibru tena wobol ne ŋɔ, “Hé no Asiiria koojen waa maa ba a ne!

Aesaya 36:13 ပူးပေါင်းရင်းမြစ်များ

2 Webena 32:18

Ate, nomonome la kpɔ takpeɡ dɛ bol waa waa bola la Hibru tena wobol ta, ɡɛ aa ɛ nɛra baa cheɡɛ Jerusalam danjwɛɛ ta ɔmɛ, ásɛ o dɔ bɔr ba lawɛ bwɛjen la tena.

Aesaya 36:11

Asɛ Eliakim ne Sɛbna dɛ Joa ŋɔ Asiiria koojen laa sitɔɔ la be ŋɔ, “Nomoa, ya dɛ soŋe, bol Aram tena wobol baɡle he bonɔɔna. He bolaa, ya dɛ no. Bɛ Hibru tena wobol kpɔ bol ya be. Nɛra baa cheɡɛ bwɛjen nɔ danjwɛɛ nɔ ta dɛ no he be.”

Aesaya 36:12

Anee laa sitɔɔ la chaŋe ŋɔ, “Hé dɛ lii kɛŋɔ he ne he kooro ɡbo bee n nomoa tom mɛ ŋɔ ń ba bol waa nɔ kɛɛ? He ɡbo laa, nɛra baa sosoɡe bwɛjen nɔ danjwɛɛ nɔ ta ɡe jao, baa di ba ɡbaɡba benaa, dɛ́ nyɔ ba feene kɛ heya.”

Aesaya 36:4

Laa sitɔɔ la ŋɔ ba be, bá la ka ŋɔ Kooro Hɛsɛkea be kɛŋɔ Asiiria koojen la dɛ bɔɔro ŋɔ, “Bɔkwa taa he kpɔ he te dawɛ dɛɛ hwɛɡɛ ɔɔ?

Aesaya 37:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa. Anomanta, soŋe Korowii tɛ ya nɛra ya taa kaa nɔ.”

Aesaya 8:7

mɛɛ ɡeloo Asiiria koojen ne o laa tena yoo ba. Báa ba ba nɛɛ kɛŋɔ Yufretis Moo aa sua bɔle o diŋɡoŋni bwa ta,

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”