Aesaya 36:1 - mzwDBL

¹ Juda Kooro Hɛsɛkea aa di kora bene fi dɛ anaarɛ ta la, Asiiria koojen Senakerib baa yo Juda harɛ bwɛjena baa ma danjwɛkpeɡa bara, dɛ lɛa dɔɔh.

Aesaya 36:1 ပူးပေါင်းရင်းမြစ်များ

2 Koranar 18:13

Kooro Hɛsɛkea aa di kora bene fi dɛ anaarɛ ta la, Asiiria koojen Senakerib kpɔ o laa tena, dɛ ba yo Juda harɛ ta bwɛjena baa ma danjwɛkpeɡa bara, dɛ pɔ ba nɛ.

2 Koranar 18:17

Asiiria koojen tomɛ o nomonjena batoro, laa sitɔɔla nomoa ne o ɡbaɡba nachiɡe ne o laa nomoa ŋɔ, bá le Lakes, dɛ́ kpɔ laa tena baa wara ja, dɛ́ la Kooro Hɛsɛkea be Jerusalam. Baa laŋa la, ba kaa che ŋwɛnɛ waa bɛne bobɛl nee aa pala dɛɛ kpɔ, dɛ le nyundua tam bɛl ta dɛɛ jo bwɛjen la ta, bela nɛra bane baa dɛ ɛ yale aa lole.

2 Webena 12:4

Ba yoo lɛ Juda harɛ bwɛjena baa ma danjwɛkpeɡa bara, hale dɛ ba tel Jerusalam.

2 Webena 32:1

Waa Kooro Hɛsɛkea aa ɛa kasinteŋ ne la bwa habɔɔ, Asiiria koojen Senakerib kpɔ o laa tena ba lɔ tɔ Juda harɛ nɛra nɛ. O ɡelɔ o laa tena chɔ bar bwɛjena baa ma danjwɛkpeɡa bara bwa, dɛɛ lii kɛŋɔ wɛɛ won yoo ba dɛ́ pɔ ba nɛ.

Aesaya 7:17

Aesaya ŋɔ, “Saŋ bɛl dɛ ba ásɛ Korowii ɡel wekpeɡa ba he ne he nɛra, ne he koodem nɛra nɛ, dɛ́ ɡwaa ɡɛ saŋ Israel tena ne Juda tena aa peɡri dɔŋa baah la. Korowii ɛɛ kpɔ Asiiria koojen ne o laa tenaa bá yo heya.

Aesaya 7:20

Gɛ saŋ Korowii ɛɛ kpɔ Asiiria koojenii kɛŋɔ nɛn waa dɛ fonɛ dɛ le Yufretis Moo baŋ, ó ba fonɛ he nyumpona ne he tampona dɛ he bwara pona bwa.

Maeka 1:9

Baa do Samaria tena bolaa baa wola won chah, Juda tena ɡe dɛ ba a dɔŋa nae. A tel bwɛjen Jerusalam doonyojen tenten bela n nɛra aa soɡa.”