Aesaya 35:7 - mzwDBL

⁷ Bela wee aa lɔa o hol la ɛɛ berɛ tamee, ásɛ bela nee fa aa wola toole pili ne. Bela kalampoŋare fa aa lole la ɛɛ berɛ kataŋaa, o berɛ moɡɛ kpɔɡa ne pul.

Aesaya 35:7 ပူးပေါင်းရင်းမြစ်များ

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

Aesaya 49:10

lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.

Amanesoma Jɔn Aa Chwera Tɔn 4:14

Kɛ nomɛlbwa waa nyɔ nee maa dɛ tɛo la te, nyɔɡre aa on kpo bwa. Nee maa tɛo la ɛɛ ɛo kɛŋɔ bule aa lɔ naate bini dɛɛ bule nee aa dɛ tɛ mkpa aa wola jaɡa dɔe bwa.”

Aesaya 34:13

ásɛ sɔɔhne le kooderemi, apeah ɡe le bwɛjena baa ma danjwɛkpeɡa bara, ne ba dekpeɡa ta. Wɛɛ berɛ kalampoŋare ne kwiure sobɔree.

Wepila 18:2

O nyɛɡɔ kohona ŋɔ, “O paɡrɔ oo, o paɡrɔ! Babelɔnjen la paɡrɔ, dɛ berɛ kwaa aa dɛ ir nɛra nɛɛ ne Bɔnsam kwaa te bɛlbwa ne jumbisale baa kia la dobɔr,

Amanesoma Jɔn Aa Chwera Tɔn 7:38

Nomɛlbwa waa dɛ yarada mɛ la, mɛɛ ɛo ɡɛ Korowii Tɔn aa baɡla laanee. Dɛ, ‘Nee waa dɔ mkpa la ɛɛ dɛɛ le o nɛɛ saŋ bɛlbwaa kɛŋɔ moo aa dɛ palɛ la.’ ”

Aesaya 13:22

Kalampoŋare ɛɛ dɛɛ si dekpeɡa binii, ásɛ ɡboli si koranar dedɛɛɡa bini. Babelɔn chɔɡa saŋ telo, waa jaŋɛ kpa.”

Amanesoma Luk Aa Chwera Tɔn 13:29

Nɛra ɛɛ le wee leebɔr ne wee cholibɔr ne weekaŋle nyunduabɔr, dɛ weekaŋle harɛbɔree dɛ́ ba ja Korowii Kora la ta, ásɛ dɛ pɛ nɔn di kwaa dɛ́ lɛ sie.

Matiu 21:43

Anomanta, n dɛ ŋɔ he be ŋɔ, Korowii ɛɛ lɛ o kora laanee le he be, dɛ́ kpɔ ka tɛ banɔ la baa dɛ ba wona nyiŋi o ta kɛrɛdɛ la.

Aesaya 29:17

A ka tamaa Lɛbanɔn kɔr berɛ harɛpare ondɛɛɡe, ásɛ o ta kwaa do kɛŋɔ kɔr bini kwaa ken.

Aesaya 19:6

Bɔra baa kwia nee palɛ dɛɛ kpɔ a ta bwa ɛɛ sɔɔhnoo, ásɛ nenabɔɔne hweeh. Kpɔɡa aa cheɡɛ nee ta bwa sewɛ.

Yela 107:35

O ɡelɔ pua hɛŋle ɡbo harɛ berɛ taama, asɛ nee ɛɛ palɛ harɛ waa hola ta.

Aesaya 30:25

Awola Korowii aa ba kpoo he dɔma kohona dɛ́ kuuɡi ba dejaŋa ta la, nee ɛɛ palɔɔ le bwejaŋa ne deŋɡarere aa kaa nyundua bwa ta.

Aesaya 41:18

Mɛɛ ɡeloo nee palɛ le bwejena aa hola dor, dɛ́ ɡel fɛlembɔɔne bule ne. Mɛɛ beɡre pua hɛŋle ɡbo harɛɛ ó ɛ kataŋa, dɛ́ ɡel harɛ waa do kpakee bule ne.

Aesaya 43:20

Kpɔɡ bini ola ɛɛ duu mɛɛ, kalampoŋare ne kwiure ɛɛ duu mɛɛ, nee maa tɛa pua hɛŋle ɡbo harɛ ta la wa. Anee mɛɛ ba n nɛra maa lee ba tɛ n te la tɛɛ bá nyɔ,

Aesaya 48:21

Waa kpɔ ba kpɔ pua hɛŋle ɡbo harɛ ta la, nyɔɡre ta ban kpoe. O ɡelɔ nee bule le bwe ta tɛɛ ba. O pere bwe nee palɛ le o ta.

Ɛsekeɛl 47:8

Baa la ŋɔ n be ŋɔ, “Gɛ moo nɔ palɔ kpɔ wee leebɔr harɛ ta dɛ wili jo Jɔɔdan Felembɔjen ta, dɛ ka jo Yar Mpo ta. O palɔ ka jo mpo la ta naa, mpo nee la dɛ́ do wer.

Sitɔɔla 6:38

Gɛ waa la ɛ ɡɛ. Gedeɔn iro chɔmbibi, o harame pee pona mɛn le a ta dɛ dɔ nee hɛna del.