Aesaya 35:6 - mzwDBL

⁶ Ásɛ boobie ir che, dɛɛ jah kɛŋɔ kweɡli ken, amumure ɡe ɡo yela silɛɛ ne. Nee ɛɛ pili pua hɛŋle ɡbo harɛ taa, ásɛ nenabɔɔne chɔ harɛ waa hola ta dɛɛ palɛ.

Aesaya 35:6 ပူးပေါင်းရင်းမြစ်များ

Amanesoma Luk Aa Chwera Tɔn 11:14

Dɛ Yeesu dɛ doŋi kwaa aa lɔ baa bɛl nɛɛ o berɛ amumu. Kwaa la aa le baa la nɛɛ la, o bol wa. Nɛnlaa la aa lɔ bela la nyoa kpoo.

Aesaya 32:4

Banla ba liire aa wola bobeŋkpoŋ cheɡɛ la ɛɛ no waa munii, ásɛ banɔ la baa dɛ mɛnɛme won waa bola kɛrɛdɛ a bini chɔ.

Matiu 12:22

Asɛ nɛra bane kpɔ baa bɛl kwaa aa dɛ ir o nɛɛ dɛ ɡel o nyoŋe, waa wola won waa ɡe bol ba Yeesu be, asɛ o chah baa la dɛ ɡel wɛɛ na dɛ won waa ɡe bola.

Yela 51:15

N Naa Korowii, cha mɛ ń won waa bola, ásɛ n won kpɛɛre.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.

Wepila 22:1

Belaa nyundua torome la baɡ mɛ moo bɛl waa pala dɛɛ le Korowii ne Pebie la kookara la ta. Nee la dɔ mkpa dɛ do ɡereŋ ken,

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

We-ɛɛla 8:7

dɛkalkɛŋɔ o wono doŋi kwaa aa dɛ ir nɛra la kɛrɛdɛ nɛɛ ta. Aa dɛ le la, dɛ a dɛ dooɡe lɔŋɔre. Felep chah nɛra ba bobɛla aa serewa ne boobie ɡe ja,

We-ɛɛla 3:2

Baa kaa tel dea la doonyoa la baa dɛ yerɔ Doonyodɛɛɡe la ta la, dɛ baa bɛl soɡe bela. Dɛ a ɡɛ baa la soɡe boobi o bechale saŋ bwa. Asɛ tɔpere bwa ba yon cheo ka so a ɡɛ doonyoa bela o kaa soŋe suuɡa nɛra baa dɛ jo Korowii Dea bela la be.

Amanesoma Luk Aa Chwera Tɔn 1:64

Buɡ la ta la, Sekaria o fa aa wola won bol waa la nyoa chaarɔ, o won bol wa, dɛɛ kpɛɛ Korowii kɛŋɔ waa ɛ wejena tɛo la.

Matiu 21:14

Ba kpɔ nyoŋa ne boobie ba o be Korowii Dea bela, asɛ o chaah ba, nyoŋa la ɛɛ na, boobie la ɡe won vala.

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Sekaria 14:8

Awola tɔpere la, nedɛɛɡe ɛɛ palɔɔ le Jerusalam, o pera kaa Yar Mpo ta, o pera berɛ kaa Mɛdetereenea Mpo ta bɔwɔb ne waa saŋ bwa.

Aesaya 48:21

Waa kpɔ ba kpɔ pua hɛŋle ɡbo harɛ ta la, nyɔɡre ta ban kpoe. O ɡelɔ nee bule le bwe ta tɛɛ ba. O pere bwe nee palɛ le o ta.

Aesaya 35:1

Silɛɛ ɛɛ ba pua hɛŋle ɡbo harɛ taa, hɛɡra ba harɛ komɛlbwa aa wola o ta ɛ ta, ásɛ kwaa le o ta dɛ́ fe.

Yela 46:4

Nee bɛl ɡelɔ nɛra ɛɛ dɔ silɛɛ, Korowii bwɛjen la ta, Nemenɛ Korowii Dea waa do ɡoroŋ la ta.

Nehemia 9:15

Lɔr aa dɛ kpo ba la, he tɛɛ ba kondikwaa le nyundua, nyɔɡre aa dɛ kpo ba la, he ɡelɔ nee le bwe ta tɛɛ ba ba nyɔ. He ŋɔ bá ka kpɔ harɛ haa baɡ ba nyoa ŋɔ hɛɛ kpɔɔ tɛɛ ba la.

Nɛra Kura 20:11

Ate, o ɡɔɔ daŋɡbala la lɔ bwe la kera anɛ, asɛ nee palɛ le bwe la ta yɔɔ ken, ba ne ba kondɛɛra bwa nyɔ.

Kaala 17:6

Mɛɛ ka che bwe bɛl jwɛɛh Sinai Bwejen ta belaa dɛɛ kpa heya. Dɛ he tel belaa, kpɔ daŋɡbala la lɔ bwe la, nee ɛɛ le o taa ba, ásɛ nɛra la dɔ nyɔ.” Asɛ Mosis ɡe ɛ ɡɛ waa nɔ bwa Israel nomonome la siwi ta.

Aesaya 30:25

Awola Korowii aa ba kpoo he dɔma kohona dɛ́ kuuɡi ba dejaŋa ta la, nee ɛɛ palɔɔ le bwejaŋa ne deŋɡarere aa kaa nyundua bwa ta.

Aesaya 32:2

Ba bɛlbwa ɛɛ doo kɛŋɔ bɔr dɛ peu dɛ ta aa, he chwa ka jo, dɛ́ berɛ do kɛ bɔr dɛ bwaala peu dɛ ba naa, he chwa ka sɔh. Ásɛ pua hɛŋle ɡbo harɛ ta ɡe neerare aa chɔ o ta, do kɛŋɔ bwetal waa dɔ chunchule, dɛ che bela daa a wola toole.

Aesaya 33:23

Gboɡbie dɔma aa kpɔa baŋre ba ɡbeni yal la yɔɡɔ. A ta wone lawɛ dajaŋ yal la aa lɔ o ta la kɛrɛdɛ, Nɛra ɛɛ bɔne dɔma laaladamanta baa paa laa ta laanee, hale boobie kwaraa pa ane.

Aesaya 42:11

Nɛra haa soɡe pua hɛŋle ɡbo harɛ bwɛɛre ta, hé ɡo yela kpɛɛ Korowii! Keda naanar, bela bwa haa soɡa la, hé ɡe ɡo kpɛɛra yela! Sela tena, hé le bwejena dor dɛ́ kpɔ silɛɛ ɡo yela tɛo!

Aesaya 51:3

Jerusalam berɛ dimɡbia, mɛɛ dɔ tedomaa tɛ o nɛra baa soɡe o ta. Mɛɛ ɡeloo o pua hɛŋle ɡbo harɛ le daa warɛ dɛ́ do wer, kɛŋɔ Eden bodɛɛɡe la. Silɛɛ ne hɛɡra ɛɛ do belaa, ásɛ ba ɡo kpɛɛra ne jam yela dɛɛ tɛ mɛ.

Joel 3:18

Saŋ la telo aa, daa kooni ɛɛ warɔɔ dɛ́ tɔ bwejena ta, nae warɛ do deŋɡarere bwa ta, ásɛ Juda harɛ nenabɔɔne bwa ɡe su ne. Nenapale bɛl ɛɛ palɔɔ le Korowii Dea dɛ́ kaa Akaasia Fɛlembɔjen ta, dɛ́ sɔɔh bela harɛ la bwa.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Yela 107:35

O ɡelɔ pua hɛŋle ɡbo harɛ berɛ taama, asɛ nee ɛɛ palɛ harɛ waa hola ta.

Aesaya 44:3

Mɛɛ ɡeloo nee chɔ harɛ waa hola ta, ásɛ nenabɔɔne chɔ dɛɛ palɛ. Mɛɛ ɡeloo n Doma ba so he bii nɛ, dɛ́ swee andɛɛɡa tɛ he naanar.