Aesaya 34:7 - mzwDBL

⁷ Wɛɛ kpoo nɛra baa dɔ kpeɡri kɛŋɔ kpɔɡ bini nae, ne banɔ la baa do kɛŋɔ nabali bwaa, ásɛ harɛ la bwa sɔ chal ne no.

Aesaya 34:7 ပူးပေါင်းရင်းမြစ်များ

Yela 68:30

Tɛr Ijipt nɛra baa do kɛŋɔ kpɔɡ bini ola, aa chɔ nee nyoa la deŋne. Tɛr harɛre nɛra baa do kɛŋɔ nabala, dɛ koo nabii bini la deŋne, ka tel saŋ baa ba ɡuŋi harɛ, dɛ́ kpɔ ba suuɡapoŋa ba tɛɛ. Lɔ harɛre nɛra ba sie aa dɛ lɛ laa yoi ta la bwa peɡre.

Nɛra Kura 23:22

Korowii laɡ ba le Ijipt harɛ ta, dɛ yo dɛɛ tɛɛ ba kɛŋɔ kpɔɡ bini nao ken.

Jeremia 50:27

Hé kpoo ba laa tena bwa. Babelɔn tena bwɛɛlɛ! Ba deŋnetɛra tɔpere telo.”

Jeremia 50:11

Korowii ŋɔ, “Babelɔn harɛ tena, he baa pa n nɛra laala laa ta kaa, asɛ he sie lɛ hɛɛ hɛɡre kɛŋɔ nao waa dɛ tiɡri mea, kɛɛ jaɡ-bala aa dɛ dooɡe lɔŋɔre ken.

Jeremia 46:21

Laa tena baa kaa yaɡ ba ŋɔ bá ba yo tɛɛ ba aa kpeɡe dɛ́ won yo, ba do kɛŋɔ nabiiri aa jea ken. Ba ɡe ɛɛ berɔɔ chwa kaa baa wola won che ba naa ta, dɛkalkɛ ba wenaale tɔpere la telo, saŋ telo kɛ bá dɔ deŋnetɛra.

Yela 92:10

He ɡelɔ n do kpeɡri kɛŋɔ kpɔɡ bini nabal, dɛ swee mɛ andɛɛɡa, dɛ ɡel n dɔ silɛɛ.

Mmarare 33:17

O kpeɡri kɛŋɔ nabal ken, o nyeɡlare do kɛŋɔ kpɔɡ bini nao. O nyeɡlare laanee Manasɛ dea nɛra kaɡboŋ bokpeɡa, Efrem dea nɛra ɡe kaɡboŋa fi bokpeɡa. A nee wɛɛ chuɡe harɛre nɛra, dɛ taɡ ba kaa tel harɛ jaɡa.’

Nɛra Kura 24:8

Korowii laɡ ba le Ijipt harɛ ta, dɛ yo dɛɛ tɛɛ ba kɛŋɔ kpɔɡ bini nao ken. Ba pɔ ba dɔma nɛɛ dɛ kuuɡi ba hoɡa, dɛ yaɡ ba hɛma ne.

Yela 22:21

Lɛɛ mɛ n dɔma baa do kɛ nyujentena nɔ nɔn ta, lɛɛ mɛ le n dɔma baa do kɛ, nabala nyeɡlare nɔ nyoa.

Aesaya 63:6

Bandia nee n tiɡri harɛre nɛra bwa nɛ, dɛ fuɡe ba chal ta harɛ.”

Jeremia 25:34

He nomonome haa do kɛŋɔ peteɡra dɛɛ nyiŋi n nɛra nɛɛ la, hé do lɔŋɔre dɛɛ wi kohona! Hé chɔ harɛ dɛɛ ɡbili, dɛkalkɛ saŋ telo kɛ bá kpoo heya. Hɛɛ doo kɛŋɔ vii yon le harɛ dɛ paɡre la ken.

Ɛsekeɛl 32:6

Mɛɛ ɡeloo he chal palɛ dɛ́ pweh harɛ kaa bwejena la dor, dɛ́ ka su fɛlembɔjena la ta.

Ɛsekeɛl 39:17

Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, yerɛ jumbii bwa soo siwi, dɛ kpɔɡ bini olchɔɡa bwa ŋɔ, ‘Hé bwa le ba boa nyoa, dɛ́ di saraha maa dɛ ba ɛɛ dɛ tɛ heyaa nɔ. O ɛ sarahajen Israel bwejena dor. Hɛɛ di olaa dɛ́ nyɔ chal.

Ɛsekeɛl 39:18

Hɛɛ di laa tena olaa, dɛ́ nyɔ koranar baa lɔ harɛ nɔ ta chale kɛŋɔ pebala ne pebiiri, kɛɛ boohna ne nabala a bwa aa dɔ bo-ola kɛrɛdɛ dɛ le Basan harɛ ken.