Aesaya 34:3 - mzwDBL

³ Baa ban huɡe, baa paa baa ta, ásɛ ba sɔɔh tɔ bɔr bwa koŋkoŋkoŋ ken, ba chale ɛɛ palɛ bwejena dor bobɛlbwa.

Aesaya 34:3 ပူးပေါင်းရင်းမြစ်များ

Aesaya 10:4

Wobɛlbwa toole hé ɛ kpa, nemenɛ hé ja nɛra baa laɡ ba laa ta, kɛɛ banɔ la baa ka kpoo la nɛ. Anɔ nɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 34:7

Wɛɛ kpoo nɛra baa dɔ kpeɡri kɛŋɔ kpɔɡ bini nae, ne banɔ la baa do kɛŋɔ nabali bwaa, ásɛ harɛ la bwa sɔ chal ne no.

Aesaya 66:24

Nɛra ɛɛ leo dɛ́ kaa nyiŋi banɔ la baa ɛɛ mɛ deŋnekpeɡ la lala kɛ baa serewa chɔ. Dudule aa dɛ di ba ola la aa sewɛ bwa, nii aa dɛ fuuh ba ɡe aa dime bwa, ásɛ ba waa pe nɛwɛnyina bwa.”

Jeremia 22:19

Gɛ keeɡo sewɔ, ba yon tuuɡu le ka ta bwɛɛ dahare la, ɡɛɛ baa ba Kooro Jehoiakim tuuɡa le, dɛ́ kpɔɔ ka ta Jerusalam doonyojena baŋ.

Jeremia 25:33

Gɛ saŋ la, nɛra baa kpoo ba laa ta la ɛɛ warɔɔ chɔ harɛ nɔ ta bobɛlbwa, le harɛ baŋ bɛl ba kaa o jaɡa. Nomɛlbwa aa ba lwee ɛ, a ba ɛ kɛŋɔ ba huɡ ba. Ásɛ ba chɔɡ, dɛ́ do kɛŋɔ nabena aa ɡela harɛ ɛɛ do wer ken.

Ɛsekeɛl 14:19

Kɛɛ dɛ n kpɔ weechɔɡa ta ba harɛ la ta, dɛ kpɔ bandia kohona kpoo nɛra ne kondɛɛra bwa,

Ɛsekeɛl 32:4

Mɛɛ kpɔe ta harɛ la ta, dɛ́ ɡel jumbii ne kpɔɡ bini olchɔɡa ba kah he ola.

Ɛsekeɛl 35:6

Anomanta, men Nemenɛ Korowii, n ŋwɛɛrɔ kɛŋɔ n taa lole nɔ, haa dɛ kpoo nɛra nɔ, he ɡe ɛɛ sewɔɔ, haa won le a nyoa.

Ɛsekeɛl 38:22

Weechɔɡa ne nɛŋkpoaa mɛɛ ba kpɔe ba tɛr ba deŋne. Bwaalajen ɛɛ nɛo kohona, ásɛ dombwea ne jebɔrɔwe nii lee nomonjen Gɔɡ ne o laa tena, dɛ harɛre laa tena baa ja o nɛɛ bwa nɛ.

Ɛsekeɛl 39:11

Awola tɔpere la, mɛɛ tɛ nomonjen Gɔɡ lala huɡribɔree Israel harɛ ta, fɛlembɔjen waa lɔ wee leebɔr ŋwɛnɛ nɛra aa kpɔ o ta baa kaa mpo ta la. Huɡribɔr la ɛɛ tɔ bela nɛra aa kpɔa baa kaa la ŋwɛnɛɛ, dɛkalkɛ belaa baa ba nomonjen Gɔɡ ne o laa tena bwa huɡa. Anomanta, baa yerɛ belaa Hamɔn Gɔɡ Fɛlembɔjen.

Ɛsekeɛl 39:4

Israel bwejena taa hɛɛ ba sewa, he ne he laa tena bwa, ne harɛre ta laa tena baa ja he nɛɛ bwa. Mɛɛ kpɔe tɛ jumbii ne kpɔɡ bini olchɔɡa aa di konlala, he ɛ a kondikwa.

Joel 2:20

Mɛɛ doŋi tontombɛ aa do kɛŋɔ laa tena, dɛ le weekaŋle nyunduabɔr laanee le he be, dɛ́ taɡɛ ane ka ta pua hɛŋle ɡbo harɛ ta, ásɛ dɛ taɡɛ anla aa tɔ sie la ka ta Yar Mpo ta. Anɔ la aa lɔ habɔɔ ɡe, n taɡa ka ta Mɛdetereenea Mpo ta. Aa serewoo dɛ́ pɔh, ásɛ a sɔɔh kaa nyundua.” Kasinteŋ, Korowii ɛ wejena.

Emɔs 4:10

N kpɔ weechɔɡa ba ta he nɛ, ɡɛ n fa aa ɛ Ijipt harɛ ta la. N kpoo he bonɔɔna laa ta, dɛ lawɛ he jaɡre kaa. Dɛ ɡel nɛra baa serewa chɔ sɔɔh kpo heya, bela haa soɡa, kɛ he ta berɛ ba n be.

Neehum 3:3

Laa tena soɡe jaɡre ta dɛɛ chwa dɛ́ ka yo, dɛɛ beɡre kerele fal fal, lampeare ɛɛ nyɛɡle al-al ken. Nɛra serewɔ pirim, lala daŋɛ chɔ ba ta nyoa dɔe, nɛra ɛɛ laala.

Wepila 14:20

Nɔna baa sa a ta la cheɡɔ tɛ harɛ nɔ ta nɛra. Bwɛjen la daharaa ba sa ba nɛ, ba chal palɛ kaa kɛ kwansini lafraanɛ, a luŋri ɡe tel naɡale anɛ.