Aesaya 34:17 - mzwDBL

¹⁷ Onee dɛ bɔne harɛ la tɛa, bɛlbwa dɔ o kon, dɛ́ do bela saŋ te bɛlbwa dɛɛ la.

Aesaya 34:17 ပူးပေါင်းရင်းမြစ်များ

Aesaya 34:10

Wɛɛ dɛɛ fuuh webaŋa ne jwaana waa wola dime bwa, ásɛ o ninchuu ɡe teŋɛ tɛr dɛɛ kaa nyundua saŋ bɛlbwa. Harɛ la ɛɛ chɔ pɛɛpɛɛ saŋ bɛlbwa dɛɛ la, nomɛlbwa aa wola belaa kpɔ kpa bwa.

We-ɛɛla 17:26

Nɛmbeŋkpoŋii o ta, asɛ a ɡɛ nɛn la lolɛ harɛ bɛlbwa nɛra, asɛ ba ya perɛ harɛ bwa. Waa ta nɛwɛnyini la, o do bɛlbwa tɔpera ne ya dobɔra.

Jeremia 13:25

Anɔ la aa chɛ kɛŋɔ hé dɔ laanee la, anee n maɡɛ tɛ heya, dɛkalkɛ he vɛɛh mɛ dɛ kaa tomɛ voɡare a wa aa wola kasinteŋ dɔe. Men Korowiirii bola.

Aesaya 17:14

A tel jɔmɔra aa, ba dɛ ɛ ɔmewa, kɛ tɔɔ ne pera chɔɔ dɛ ba kaalɔ. A ɡɛ waa nɔɔ dɛ́ chiɡ nɛra baa bal ya laala kɛ laa ta kwa kaa la nɛ.

Yela 78:55

O tɔ sie doŋi nɛra baa soɡe harɛ la ta, dɛ bɔne harɛ la denaa ta tɛ Israel tena, dɛ kpɔ ba ka so ba deene la ta.

Josua 18:8

Ate, nɛra la chiɡ ŋwɛnɛ ta dɛ kaa harɛ la ta ɡɛ Josua aa do ba la. Mɔɔ baa kaa la, o dalawe waa la ta ja ŋɔ, “Hé ka ɡaaɡe harɛ la ta, dɛ́ chwerɛ ɡɛ o waa aa doa ba tɛ mɛ, ásɛ n bil daa Korowii sie Silo bonɔ tɛ heya.”

We-ɛɛla 13:19

Harɛre bele anuanɛ bwa nɛraa o doŋi ba harɛre ta Keenan harɛ ta, dɛ ɡel a ɡɛ harɛre la ɛ ba kwaa bene lafraanaarɛ fifraanue.

Aesaya 17:13

Hale nɛra warɔ dɛɛ moo kɛŋɔ mpo nehɛma sii aa, Korowii ɛɛ kah baa ásɛ ba chwa kaa bojaŋ. Baa chwao dɛ́ peɡre kɛŋɔ peu aa kpɔ haahra, kɛɛ kawulewule aa kpɔ doŋa kaa la ken.

Aesaya 34:11

Kwiu bwa soo siwi, ne ɡaahɡaahre lɛ bela dɔɔh. Korowii ɛɛ ɡeloo harɛ la berɛ dimɡbia waa wola maree dɔ.

Mmarare 32:9

Dɛkalkɛ Jekɔb naanar te, Korowii ɡbaɡba lee ba dɛ kpɔ ba ɛ o nɛra.