Aesaya 34:10 - mzwDBL

¹⁰ Wɛɛ dɛɛ fuuh webaŋa ne jwaana waa wola dime bwa, ásɛ o ninchuu ɡe teŋɛ tɛr dɛɛ kaa nyundua saŋ bɛlbwa. Harɛ la ɛɛ chɔ pɛɛpɛɛ saŋ bɛlbwa dɛɛ la, nomɛlbwa aa wola belaa kpɔ kpa bwa.

Aesaya 34:10 ပူးပေါင်းရင်းမြစ်များ

Wepila 19:3

Ba berɔ si ja, “Hé kpɛɛ N Naa Korowii! Babelɔn chuu ɛɛ dɛɛ kaa nyundua saŋ bɛlbwaa.”

Aesaya 66:24

Nɛra ɛɛ leo dɛ́ kaa nyiŋi banɔ la baa ɛɛ mɛ deŋnekpeɡ la lala kɛ baa serewa chɔ. Dudule aa dɛ di ba ola la aa sewɛ bwa, nii aa dɛ fuuh ba ɡe aa dime bwa, ásɛ ba waa pe nɛwɛnyina bwa.”

Aesaya 13:20

Nomɛlbwa aa belaa so kpa bwa, nɛra ba taa dɛ lol ba ne banɔ la ba ta aa dɛ ba ba lola bwa. Arab tena baa vala dɛɛ valɛ aa ba tɛnte deene baŋre bela, peteɡra kwara aa ba peeraa teɡɛ la bela á ka di kpa.

Wepila 18:18

Baa na ɡɛ waa dɛ fuh, ásɛ chuu ɛɛ le la, baa kpɔ takpeɡ ŋɔ, “Jo bɛ le! Bwɛjen nɔ dɔŋ toole wɛɛ fuh ɡɛ la.”

Ɛsekeɛl 29:11

Nɛn kɛɛ ol bɛlbwa aa o taa kpɔ. Bene fifraanaarɛ habɔɔ laa aa, nomɛlbwa kɛɛ komɛlbwa aa won so bela.

Aesaya 1:31

Bokpeɡa tena ɛɛ ɛo kɛŋɔ daa aa hola ken, asɛ ba toma baa toma ɡe do kɛŋɔ nii ken. Kombele anɛ nɔ bwa ɛɛ pɛo dɛɛ fuh nomɛlbwa aa wola won dima.”

Jeremia 7:20

Anomanta, men Nemenɛ Korowii ɛɛ kpɔ n bandia waa do kɛ nii ba ta n Dea nɔ ne nɛra dɛ kondɛɛra bwa nɛ. Hale daa ne koo kondikwaa bwa soo siwi. N bandia la aa sɔɔh bwa.

Aesaya 24:1

Hé no! Korowii dɛ ba harɛ nɔ chɔɡa o chɔ pɛɛpɛɛ. Wɛɛ lɔ nɛra baa lɔ o taa peɡre, dɛ́ chɔɡ komɛlbwa o ta.

Aesaya 34:17

Onee dɛ bɔne harɛ la tɛa, bɛlbwa dɔ o kon, dɛ́ do bela saŋ te bɛlbwa dɛɛ la.

Neehum 2:10

Niniwe bwa chɔɡɔ, ba pa o kwaa bwa kwaraa, o chɔ pɛɛ. Ɔmee su o nɛra bwa, ba natuune sɔɔh, ba bwara ɛɛ sa, ba siebɔra ɡwaŋre.

Jeremia 49:18

Gɛ maa chɔɡ Sodom ne Gomoora ne bwɛɛre aa bara cheme la, ɡɛɛ mɛɛ ba Edom harɛ chɔɡa, ásɛ nomɛlbwa aa won so bela kpa. Men Nemenɛ Korowiirii bola.