Aesaya 33:23 - mzwDBL

²³ Gboɡbie dɔma aa kpɔa baŋre ba ɡbeni yal la yɔɡɔ. A ta wone lawɛ dajaŋ yal la aa lɔ o ta la kɛrɛdɛ, Nɛra ɛɛ bɔne dɔma laaladamanta baa paa laa ta laanee, hale boobie kwaraa pa ane.

Aesaya 33:23 ပူးပေါင်းရင်းမြစ်များ

2 Koranar 7:16

Ate, nɛra le bwɛjen Samaria ta, dɛ ka kah kwaa aa lɔ bela Siiria tena aa baa so la. Ba pa kwaa kohona, a ɡel ba yoɡ lakaja baa do mea suuɡapoŋ beŋkpoŋ, ɡɛ Korowii aa ŋɔa la.

2 Koranar 7:8

Baala weechɔɡa aa lɔ ba nɛɛ la aa dɛ tel bela Siiria laa tena la fa aa soɡa la, ba kaa jo tɛnte deene la bɛl bini, dɛ ka di kwaa dɛ nyɔ sen, dɛ pa suuɡapoŋa ne suuɡaswɛm ne yale dɛ kpɔ ka sɔh. Dɛ berɛ ka jo tɛnte denɛɛte bini, dɛ pa o ɡe bini laala ka sɔh.

2 Webena 20:25

Ate, Kooro Jehosafat ne o laa tena la ka pa ba laala kɛŋɔ laa ta kwa. Ba na nae ne dɔmkwa dɛ suuɡaswɛm koŋkwaare a yoɡ aa kpeɡa warɛ taeh. Tɔpera atoroo ba won kpɔ boa a bwa nyoa, kɛ ba ta wone kpɔ a bwa, dɛkalkɛ dɛ a warɔ kɛrɛdɛ.

Yela 68:12

“Koranar ne ba laa tena chwao le dɛɛ kaa!” Haahna baa ka dem la kpɔ laala baa kpɔa laa ta la bɔne dɔŋa.

Yela 68:13

Nɛra baa kaa dɛ do bela dɛɛ daah peera la, dɔ suuɡapoŋa baa kpɔa dawɛ kwehre kena ta. Suuɡaswɛm dawɛ a kena nyoo dɛɛ nyɛɡle.

Aesaya 33:1

Hé bwɛɛlɛ, nɛra haa dɛ chɔɡ nɛra, nɛra aa wola he te chɔɡ. Hé le nɛra dɛɛ tɛ, nɛra aa wola he te leɛ dɛɛ tɛ. Hé ɡel nɛra chɔɡaa, nɛra ɛɛ chɔɡ heyaa, he ɡel nɛra lee dɛ tɛ aa, nɛra ɛɛ le heyaa tɛ.

Aesaya 33:21

Korowii ɛɛ do belaa dɛ́ ɛ ya Kpeɡnɛn. Wɛɛ ɡeloo yá so harɛdɛɛɡe nejena ne nenabɔɔne aa lɔ o ta. Ya dɔma aa ɡbeni a taa tawɛ, ba stiimaere aa a taa kpɔ.

Aesaya 33:4

Gɛ tontombɛ aa dɛ di koo kwaa bwa la, ɡɛɛ baa ba ba laala pae laa ta a tonɛ.

Aesaya 35:6

Ásɛ boobie ir che, dɛɛ jah kɛŋɔ kweɡli ken, amumure ɡe ɡo yela silɛɛ ne. Nee ɛɛ pili pua hɛŋle ɡbo harɛ taa, ásɛ nenabɔɔne chɔ harɛ waa hola ta dɛɛ palɛ.

Ɛsekeɛl 38:13

Korowii berɔ ŋɔ, “Seeba ne Dedan, dɛ bonadiire baa le Taases ne o bwɛjeɡre ta ɛɛ bɔɔ heyaa ŋɔ, ‘Hɛɛ boa he laa tena nyoa, dɛ́ ba yo dɛ́ pa suuɡaswɛm ne suuɡapoŋa, kondɛɛra ne laala kɛŋɔ laa ta kwaa dɛ́ kaa kɛɛ?’ ”

We-ɛɛla 27:19

Tɔ aa pera ja la, ba ɡbaɡba pa stiimae la laala ane ta.

1 Kɔrent 1:27

Korowiirii saahna le waa nɛra aa dɛ liira wesale dɛ́ ɡel sihiih kpo wejerema, asɛ dɛ saah le ɡwɛɡra ɡe dɛ ɡel sihiih kpo kpeɡnɛra,

1 Samoɛl 30:10

Dɛ ba bini lafraanɛ te koɔh kɛrɛdɛ, baa wola won ɡale Beso Fɛlembɔjen la. Kɛ Devid ne laa tena lafraanaarɛ wono ɡale, dɛ ti ba kaa.