Aesaya 33:16 - mzwDBL

¹⁶ Banee dɛɛ ba deŋnesɔɔhna ne soɡa, kɛŋɔ baa soɡe dekpeɡ bini. Baa dɔ kondikwaa dɛɛ di, nee ɡe aa ban paŋɛ bwa.

Aesaya 33:16 ပူးပေါင်းရင်းမြစ်များ

Aesaya 32:18

Korowii nɛra ɛɛ so deŋnesɔɔhna taa, wobɛlbwa aa wola ba nɛɛ ba ba deremi, ásɛ ba so kɛrɛdɛ ken.

Aesaya 49:10

lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.

Sɛɡla 1:33

Kɛ nomɛlbwa waa dɛ no n waa la te ɛɛ so lee jeiih ken, o bwara sɔɔhno, ɔmee liire bɛlbwa aa wola on pu.”

Habakuk 3:19

Nemenɛ Korowiirii n kpeɡri, o ɡelɔ n nakpale do kɛŋɔ chwae kwaa ken, n won bwejena dor vala. N chwerɛ waa nɔ ka tɛ yela nomoa ó kpɔ o janjela ne kwaa aa do ɡɛ la lɔa.

Aesaya 25:4

He lɛ nyaara ne nɛŋɡwɛɡra ba suna dii tɔpere ta. He dɛ tɔ ba nɛɛ dɛɛ le peukpeɡ ta, wee nyɛɡre aa, he laɡ ba dɛɛ tɛɛ ba chunchule. Nyubinikpeɡ tena do kɛŋɔ, peukpeɡ aa taa dɛ kpɔ nee dɛɛ lɔ danjwɛɛ dɛɛ kuu la,

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Yela 111:5

O dɛ tɛ banɔ la baa dɛ tomɔ kondikwa, waa o fɔo o ne baa fɔwa la waa soh saŋ bɛlbwa bwa.

Yela 107:41

Kɛ o lawɛ nɛŋɡwɛɡra le ba wenaale ta, dɛ ɡel ba bii warɛ kɛŋɔ peera ken.

Yela 90:1

N Naa Korowii, he demii ya chwa baa marɛ, he kpɔ nɔn dɛɛ tɔ ya nɛ, le saŋ la ba le fini.

Yela 37:3

Hé kpɔ he te dawɛ Korowii nɛ, dɛɛ ɛ wedɛɛɡa, ásɛ dɛ so harɛ la ta deŋnesɔɔhna ne.

Yela 33:18

Korowii sie lɔ nɛra baa dɛ teŋɛ o waa ta, nɛra baa dɛ hwɛɡɛ o nyina aa wola jaɡa dɔe ta la.

Yela 18:33

O ɡelɔ n nakpala do kɛŋɔ welo kwaa ken, dɛ ɡel n won bwejena dor cheɡa.

Yela 91:14

Korowii ŋɔ, “Mɛɛ lɛ nɛra baa dɛ nyin mɛ laanee, dɛ́ kpɔ nɔn tɔ nɛra baa jem mɛ kɛ ba dɔɔree men la nɛ.

Yela 34:10

Lɔr ɛɛ won kpo nyujentena a ɡwɛɡre, kɛ banɔ la baa dɛ no Korowii be la, kondɛɛɡa aa ban paŋɛ.

Yela 15:1

N Naa Korowii, nɛn besooree dɛ́ won jo he Dea ɔ? Bamewaa dɛ́ won so Saayɔn waa ɛ he deŋɡare waa do ɡoroŋ la ta, dɛ́ tomɛ nɔ?

Matiu 6:11

Tɛ yaa ya fini kondikwa,

Sɛɡla 10:9

Nɛn o wa aa dɔ kasinteŋ la, o wobɛlbwa dɛ́ do wer, nɛn o wa aa wola sie chɔ te, ba dɛ nao.

Aesaya 58:14

ate, mɛɛ ɡeloo he dɔ silɛɛ toma haa dɛ tom mɛ la wa. Mɛɛ berɔ ɡel he dɔ duure harɛ ta bobɛlbwa, dɛ́ berɛ na som harɛ maa kpɔa tɛ he nabaa Jekɔb la ta. Men Korowiirii bola.”

Jeremia 37:21

Anomanta, Kooro Sedekia ɡelɔ ba do mɛ dea o dembaah bela. N lɔ bela, asɛ tɔpere bɛlbwa nɛra baa dɛ wɔɔ paanoo ɛɛ tɛ mɛ paanoo beŋkpoŋ, ka tel kɛŋɔ paanoo aa baa tonɛ bwɛjen la bwa ta.

Joel 3:16

Korowii ɛɛ kɔroo le Saayɔn Bwejen ta, o taa do kɛŋɔ bwaala aa dɛ kɔɡre ken, o le Jerusalam dɛɛ ba, nyundua ne harɛ ɛɛ jiɡri. Korowii ɛɛ doo kɛŋɔ danjwɛkpeɡ ken, ásɛ o nɛra chwa kaa marɔ.

Mmarare 33:29

Israel tena, he na som to. Nomɛlbwa ta heyaa tele, he ɛ nɛra Korowii aa lɛ heya. O ɡbaɡbaa he ɡbemɡbe ne he tokobi. Onee dɛ́ lɛ heya dɛ́ ɡel he yo le. He dɔma ɛɛ ba ɡuŋi he siee, dɛɛ soŋe ŋɔ he sune ba nɛ, ásɛ he tiɡri ba nɛ.’ ”

1 Koranar 19:6

Elaeja iro nyiŋi dɛ na paanoo ne loŋ bɛl ne nee o nyu bɔr, dɛ kpɔ di dɛ nyɔ nee la, dɛ berɛ kwaa chɔ ja.

Yela 62:7

Korowii nɛɛ mɛɛ hwɛɡɛ, wɛɛ lɛɛ mɛ dɛɛ tɛ mɛ jirima, onee do kɛ Bwetal maa chwaa kaa marɔ.

Aesaya 30:20

Korowii ɛɛ ɡeloo wekpeɡa ne hɔhɔrɔwa ba he nɛ, kɛ waa o webaɡlaa kpɔ sɔh heya. Wɛɛ kpɔ o tenee baɡle heyaa hé nao.