Aesaya 33:14 - mzwDBL

¹⁴ Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

Aesaya 33:14 ပူးပေါင်းရင်းမြစ်များ

Job Tɔn 18:11

Kwaa aa dɛ aah ba ɛɛ bar baa cheme, dɛ ti ba dɛɛ di ba nafeena.

Yela 11:6

Wɛɛ fuɡe ninhɔla, ne jebɔrɔwe niinii ta ɡɛ nɛra la nɛ, dɛ́ tɛr ba deŋne peuwɔb ne.

Yela 21:9

Korowii baa forɛ le aa, wɛɛ chɔɡ baa kɛŋɔ, nii yon fuh kwaa a chɔɡ la. Korowii baah ɛɛ diu kohona, ó chɔɡ ba bwa, dɛ́ ɡel nii fuuh ba kwaraa.

Yela 50:3

Korowii yaa dɛ tomɔ dɛ ba naa, waa sɔeh dɛɛ ba, nijena dɛ́ tɔ o sie, ásɛ peukpeɡ ta baro dɛɛ cheme.

Yela 53:5

Belaa ba do ɔmee su ba bwa, kɛ dɛ a ta chɛ kɛŋɔ bá fe ɔmɛ. Korowii lɔ nɛra baa yo heyaa la hoɡa peɡre, he ɡelɔ sihiih kpo ba, dɛkalkɛ Korowii vɛɛh ba.

Sɛɡla 28:1

Nɛnchɔɡe dɛ chwa dɛ nomɛl aa on doŋi, kɛ nɛn o wa aa toɡra baah suu kɛŋɔ nyujente ken.

Aesaya 1:28

Nɛra baa kpaŋe o nɛ, ne wechɔɡ-ɛɛra la, wɛɛ pɛo chɔɡ ba bwa. Asɛ nɛra ba ɡe aa vɛoh la, ó kpoo ba ɡe.

Aesaya 10:16

Anomanta, Korowii, Koranar Bwa Kooro ɛɛ kpɔ ɡwaŋa weelaa ta Asiiria koojen laa tena baa kpeɡa kohona nɛ, ásɛ dɛ chɔɡ o jirima kɛŋɔ nii yon fuh kon tonɛ la.

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 29:13

Korowii ŋɔ, “Nɛra nɔ te, nyoa ɡbo nee baa baɡle kɛŋɔ n ne ba pɛo, nyoa ɡbo nee baa duu mɛ, kɛ ba tea bini te ta toe. Toma baa dɛ tom mɛ la, nɛwɛnyini mmarare taa baa baɡle ŋɔ nɛ́ra teŋɛ.

Aesaya 29:6

Koranar Bwa Kooro ɛɛ ba lɛ heyaa bwaala kɔɡra nee, harɛ jiɡri, ɡbɔɡa tɔ kohona, peukpeɡ ta, bwaalachɔɡe nɛ, nii chɔɡ kwa.

Aesaya 32:11

Haahna haa lɔ bosɔɔhna ta la bwara ɛɛ sao he ɔmɛ. Hé wur he laala ta, dɛ́ kpɔ lweyale mile chara.

Aesaya 34:9

Edom harɛ neerare ɛɛ ɛo kɛŋɔ kootal ken, bela teera ɛ kɛŋɔ jebɔrɔwe, ásɛ harɛ la bwa fuh.

Aesaya 47:14

Na, ba do kɛŋɔ kpɔɡhole, nii ɛɛ fuuh baa. Hale baa won lɛ ba te le ninlao la ta kwara. Gɛ nii la ta doe kɛŋɔ nii haa won la a jwɛɛh ka ŋwee.

Aesaya 5:24

Anomanta, ɡɛ ninlao yon piɡri lawɛ jaaɡesɛɛh dɛ́ fuah, kɛɛ dɛ yon fuh kpɔɡhola la, ɡɛɛ he ɡe ɛɛ ba tona kɛŋɔ kpɔɡa lune yon pɔh a fee ɡe hol, peu kpɔa kaa kɛŋɔ tutuɡ ken, dɛkalkɛ he vɛh Nemenɛ Korowii Mmara la, dɛ lii Israel Nɛŋɡoroŋ waa waa kpɔa baɡle heyaa la wepuu.

Aesaya 66:24

Nɛra ɛɛ leo dɛ́ kaa nyiŋi banɔ la baa ɛɛ mɛ deŋnekpeɡ la lala kɛ baa serewa chɔ. Dudule aa dɛ di ba ola la aa sewɛ bwa, nii aa dɛ fuuh ba ɡe aa dime bwa, ásɛ ba waa pe nɛwɛnyina bwa.”

Aesaya 7:2

A ɡɛ waa nɔ tel Juda Kooro Ahas ne o nɛra be kɛŋɔ Siiria tena ne Israel tena pɛo ba harɛ la ta dɛ́ ba yoo ba, asɛ ba bwara yɔr dɛɛ sa kɛŋɔ peu aa taa jo daa bini la.

Aesaya 9:17

Anomanta, Korowii sie aa ba bini bonɔɔna nɛɛ lɛɛ ba, hale waa bilalbii ne luhaahna kwaraa sum nae ba, dɛkalkɛŋɔ ba bini bɛlbwa aa o waa ta teŋɛ, dɛ ɛ wechɔɡ-ɛɛra, ba wobol aa were. Anɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:18

Ba wechɔɡa do kɛŋɔ nii naa dɛ lawɛ, dɛɛ fuh jabalnadaŋɛ ne sɔɔhne ken. A dɛ lawɛ kɛŋɔ kɔr aa dɛ fuh, a chuu ɛɛ kaa nyundua la ken.

Aesaya 9:19

Koranar Bwa Kooro bandia nomanta, o deŋnetɛra do kɛŋɔ nii aa dɛ fuh harɛ la ta bwa, dɛɛ fuh nɛra. Ásɛ nomɛlbwa aa o dɔŋ sumii na kpa.

Emɔs 9:10

Wechɔɡ-ɛɛra baa lɔ n nɛra bini bwa, baa kpoo ba laa taa. Banee dɛɛ bol ŋɔ, ‘Korowii aa ɡel wechɔɡa bɛlbwa ba ya nɛ.’ ”

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Malakae 3:2

Umee dɛ́ won che o sie o bala tɔpere la ta nɔ? Umee dɛ́ won le a nyoa ɔ? Wɛɛ ɛo kɛŋɔ nii baa kpɔa dɛɛ mwɛɛ bune dɛ laa doŋa dɛɛ kpɔ a ta, kɛɛ simina waa nyɛɡa ken.

Matiu 18:8

Dɛ he nɔn kɛɛ he nakpala ɛɛ neɡree he ɛ wechɔɡa aa, teŋo ta. Haa dɔ nɔmbeŋkpoŋ kɛɛ nakpabeŋkpoŋ, dɛ dɔ Korowii be kaa bɔ kɛŋɔ, haa dɔ nɔɔra anɛ kɛɛ nakpale anɛ, dɛ kaa Bɔnsam nii aa wola dime bwa la ta.

Matiu 22:12

Anee o bɔɔ baa la ŋɔ, ‘N dam, ŋwɛnɛ besoo taa a che he ba bonɔ, haa wola laala aa chɛ kɛ hé do dɛ́ ba hanfale dem bonɔ nɔ ane doe nɔɔ?’ Waa bɔɔro ɡɛ la, o ta waane dɔe dɛ bol.

Matiu 24:51

dɛ́ tɛr o deŋne taeh, dɛ́ doŋu ka pu nɛra baa dɛ nyiŋi nɛra siebɔr mɔɔ dɛɛ ɛ waa la. Belaa wɛɛ ba doe dɛɛ wi dɛɛ na weweele.”

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Matiu 25:46

Banɔ te ɛɛ kaa weweele aa wola jaɡa dɔe bwa la taa, ásɛ wedɛɡ-ɛɛra la te dɔ Korowii mkpa aa wola jaɡa dɔe bwa la.”

Mmarare 4:24

Korowii do kɛŋɔ ninlao ken dɛɛ chɔɡ kwa, o dɛ mee. Anomanta, he Israel tena ne waa won pɛ dɛ he ɡelo dɛ kaa tomɛ voɡaa.

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

Hibru 12:29

dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.

Wepila 14:10

onee dɛɛ ba Korowii danana nee a nyoa aa kpeɡa kohona kɛŋɔ sen baa wola komɛlbwa a ta pule la nyɔe. Wɛɛ na hɔhɔrɔwa kɛrɛdɛɛ jebɔrɔwe ninlao ta, nyundua toroma ne Pebie la sie,

Wepila 20:10

Ba lawɛ Bɔnsam waa neɡ ba la ɡe, dɛ ta bela nii ne jebɔrɔwe aa yɛɛra chɔ kɛŋɔ moo la, bela olchɔɡe ne keame nyosonteŋna la aa lole la. Baa na hɔhɔrɔwa chɔɔ ne jwaanaa aa wola jaɡa dɔe.