Aesaya 33:13 - mzwDBL

¹³ He banɔ la haa lɔ bojaŋa, hé no waa maa ɛa! He banɔ haa bɛna ɡe, hé sɛh kɛŋɔ n dɔ kpeɡri.”

Aesaya 33:13 ပူးပေါင်းရင်းမြစ်များ

Yela 48:10

N Naa Korowii, ɡɛ he sɔn aa kana la, ɡɛɛ nɛra ɛɛ kpɛɛre le harɛ jaɡa bwa, he kpeɡri kohona nomanta, he bol waa dɛɛ pa bole aŋwɛnɛ ta.

Aesaya 49:1

Bojaŋa harɛre nɛra, hé cheɡ deŋne dɛ́ no n be. Korowii lee mɛ n ɛ o bonɔɔ, o yerɛ n sɔn mɔɔ ba lol mɛ.

Daneɛl 3:27

Asɛ koobii ne nomonome baa chɔ harɛ nyoo, ne laa sitɔɔla dɛ nomonome baa kaa dɛ do harɛ la ta bwa ba bar nɛra batoro la cheme dɛɛ nyiŋ ba. Ba nao kɛŋɔ nii la ta ba bwadabii fueh, á ba ɛ kɛŋɔ ba nyumpona ɛɛ nyaaroo, ba laala baa doa ɡe ta fueh. Nii sɔɔh ɡe ta ba nɛɛ tɔe.

Aesaya 57:19

ásɛ Israel tena wii berɛ kpɛɛra. Banɔ la baa lɔ bojaŋa ne sie bonɔ la, mɛɛ tɛɛ baa deŋnesɔɔhna tentenee, mɛɛ chaah baa. Men Korowiirii bola.

Aesaya 37:20

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

Aesaya 18:3

Nɛra haa lɔ harɛ ta bwa, hé nyiŋi kɛrɛdɛ, dɛ ba pa fraŋkaa bwe doa aa, hé nao, dɛ́ cheɡ deŋne, dɛ ba hoh bɛla aa, ásɛ he no.

Yela 148:14

O ɡelɔ o nɛra Israel tena ba waa aa toɡra, waa do o bambile ta kohona, ásɛ ba bwa kpɛɛro. Hé kpɛɛ Korowii!

Yela 97:8

Bwɛjen Saayɔn tena noɔ ba sie lɛ, Juda bwɛjena tena ɡee hɛɡre, hen Korowii waa bola dɛ́ pa bole wa.

1 Samoɛl 17:46

Fini tɔpere nɔ, Korowii ɛɛ kpɔe do n nɔn taa, ásɛ n kpoe dɛ́ teŋe he nyu. Ásɛ jumbii ne kpɔɡ bini ola ba di he ne Filisti laa tena bwa ola, ásɛ harɛre nɛra bwa jemɛ kɛŋɔ Korowii Israel tena aa dɛ tomɔ la lole.

Kaala 15:14

Harɛre ta nɛra ɛɛ no he waa ásɛ ɔmee laɡ ba, bambichɔɡ ɛɛ ɡeloo Filisti tena bwara yɔr kɛŋɔ loltea yon lɔ haah la.

Aesaya 52:10

Wɛɛ ɡeloo harɛre nɛra bwa na ɡɛ o kpeɡri aa do ɡoroŋ. Nɛra baa lɔ harɛ jaɡa bwa ɛɛ na ɡɛ Korowii yaa dɛ tomɔ aa wona lɛ yaa.