Aesaya 32:6 - mzwDBL

⁶ Dɛkalkɛŋɔ ɡɛne te dɛ bol ɡɛnewa, dɛɛ lii wechɔɡa dɛ́ ɛ. Waa waa dɛ ɛ ne anɔ la waa dɛ bol bwa ɛ Korowii bwara wechɔɡe. O dɛ vɔmɛ nɛn lɔr aa dɛ kpoo kondikwa, dɛɛ vɔmɛ nɛn nyɔɡre aa dɛ kpoo ne.

Aesaya 32:6 ပူးပေါင်းရင်းမြစ်များ

Yela 141:4

Laa n bambile kpɔ wechɔɡa ɛɛ ta, bɛ ɡel n ja wechɔɡ-ɛɛra nɛɛ dɛɛ ɛ wechɔɡa, kɛɛ n ne ba pɛ nɔn di ba silɛɛ kondikwa.

Sɛɡla 19:3

Nɛŋɡɛnee dɛɛ chɔɡ o te, kɛ o yon berɛ kpɔ nya Korowii nɛ.

Sɛɡla 24:7

Wejemwobol mun noe kpeɡri tɛ ɡɛne kɛŋɔ ó won no a mun. Bwɛɛla chemo dɛɛ bol wa aa, waa won ane bol.

Aesaya 10:2

Ba laa nyaara waa sie dɛɛ berɛ, dɛ laa nɛra baa lɔ wahala ta waa dɛɛ ɡole, dɛ lɛ luhaahna kwaa dɛɛ le ba be, dɛ berɛ dɛɛ kah bilalbii ɡe kwa.

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 26:10

A lole kɛŋɔ he ɛ wedɛɛɡa dɛɛ tɛ wechɔɡ-ɛɛra, kɛ baa waa aa toɡra hweli. Hale harɛ o nɛra wa aa toɡra ta teŋɔ dɛɛ ɛ wechɔɡa, ba sie aa he kan haa doa tɔɡɛ.

Aesaya 3:15

Ɛrɛɛ hɛɛ ɛ ɡɛ nɔɔ? Haa kɛrɛdɛ ɛ ɡɛ haa dɛ fɔɡɛ n nɛra, dɛ pa nyaara kwa, dɛ lawɛ ba sie dɛɛ teɡɛ harɛ nɔ. Men Korowii, Koranar Bwa Kooroo ŋɔa.”

Aesaya 31:2

Kɛ onee wejereme, onee dɛ́ won ba bɔr chɔɡa ne. Waa nentane tae dɛɛ ta harɛ, dɛ berɛ dɛɛ kpɛla. Wɛɛ iruu che wechɔɡ-ɛɛra, ne banɔ la baa dɛ cha wechɔɡa la nɛ.

Aesaya 59:13

Ya ɛ deŋnekpeɡ, dɛ berɛ habɔɔ kpoe, dɛ vɛh he nɛɛ teŋa. Ya fiiɡi ya dɔŋa dɛ berɛ habɔɔ kpoe. Ya liire ne ya wobol bwa ɛ nyosone.

Aesaya 59:7

He ɡbaŋre wechɔɡa ɛɛ ne nɛn waa wola wechɔɡa ɛɛ kpoe ta. Wechɔɡa lɛ he liire bwa, dɛɛ chɔɡ kwaa bobɛlbwa haa dɛ la.

Aesaya 9:17

Anomanta, Korowii sie aa ba bini bonɔɔna nɛɛ lɛɛ ba, hale waa bilalbii ne luhaahna kwaraa sum nae ba, dɛkalkɛŋɔ ba bini bɛlbwa aa o waa ta teŋɛ, dɛ ɛ wechɔɡ-ɛɛra, ba wobol aa were. Anɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 13:23

Itiopia te ɛɛ won charɛ bwadabi aa? Kɛɛ noniete ŋɔ waa nyin kɛ o bwara lɛɡre aa? Gɛɛ he nɛra wechɔɡa aa jooɡe heyaa nɔ aa wola won ɡel hɛɛ ɛ wedɛɛɡa.

Ɛsekeɛl 34:18

Kpɔɡdɛɛɡa haa dɛ chwea la aa heyaa tel aa? A chɛ kɛ he tiɡri a kar do harɛ naa? Nedɛɛɡa haa dɛ nyoa la aa he ne maɡre aa? A chɛ kɛ he porɛ a kar aa?

Daneɛl 12:10

Baa laa doŋaa kpɔ nɛra ɡalɡa nɛɛ bá waa toɡre wechɔɡa aa ba nɛɛ do, kɛ nyubinikpeɡ tena ɛɛ teŋɔɔ dɛɛ ɛ nyubinikpeɡ. Nyubinikpeɡ te bɛlbwa aa a munii no, kɛ wejerema te ɛɛ no a munii.

Emɔs 8:6

dɛ́ kpɔ suuɡapoŋa aa wola naŋɡawa ɡba yoɡ tele yawɛ nyaara yoma, dɛ́ kpɔ yoɡ dawɛ mea ta.”

Matiu 15:19

Liichɔɡa ne nɛŋkpoa, ne jwamane ne ŋwɛɛ wa, ne nyosone teŋa ne nɛra ŋwala, dɛ anɔ aa jaa bwa, bambile binii a le.

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.

1 Samoɛl 24:13

Saŋ la tena bolɔ ŋɔ, ‘Wechɔɡ-ɛɛra bee dichɔɡa le,’ anomanta, maa n nɔnee kpɔ leɡe.