Aesaya 32:18 - mzwDBL

¹⁸ Korowii nɛra ɛɛ so deŋnesɔɔhna taa, wobɛlbwa aa wola ba nɛɛ ba ba deremi, ásɛ ba so kɛrɛdɛ ken.

Aesaya 32:18 ပူးပေါင်းရင်းမြစ်များ

Yela 107:7

O tɔ ba sie dɛ kpɔ ba pa sie kaa bwɛjen baa ka so o ta.

Kaala 9:26

Gosen harɛ, bela Israel tena aa soɡa la ɡboo a ta leere.

Sɛɡla 24:15

Bɛ he te ɛ kɛŋɔ nɛnchɔɡa yon vɔrɔwe vɔrɔwa, dɛ́ ka bar nɛndɛɛɡa deremi cheme, dɛ́ ŋwɛɛ ba la.

Aesaya 11:10

Awola tɔpere la, Jese naa waa dɛ ba bala la ɛɛ cheo tɛ harɛre nɛra bwa kɛŋɔ fraŋkaa, ba bwa ɛɛ ba cheme o siee bela waa lole la, dɛ́ kpɔ jirima tɛo.

Aesaya 14:3

Awola tɔpere Korowii aa tɛ heyaa ona le weweele ne hɔhɔrɔwa dɛ dochɔɡa he fa aa lɔ a ta la,

Aesaya 2:4

Wɛɛ bol harɛre nɛra waa dɛ́ pa bole, dɛ́ kwaa ba baah. Baa beɡre ba kerii a ɛ para, dɛ́ beɡre ba lampeare ɡe ɡoori. Harɛre nɛra aa dɔŋaa yo, a ba ɛ kɛŋɔ baa hweli laa waa kpa.

Aesaya 26:12

N Naa Korowii, he dɛ tɛ yaa deŋnesɔɔhna, komɛlbwa yaa dɔa la, henee ɛa tɛ yaa.

Aesaya 26:3

N Naa Korowii, henee dɛɛ tɛ banɔ la ba liire aa cheɡɛ bobeŋkpoŋ bosɔɔhna tenten, dawa baa kpɔ ba te dawɛ he nɛɛ la wa.

Aesaya 28:12

Korowii ŋɔ ba be ŋɔ, “Ona bɔree la, nomɛlbwa waa koah la, ó ba onɛ,” dɛ berɛ ŋɔ, “Deŋnesɔɔhna bɔree” kɛ baa no.

Aesaya 30:15

Waa Nemenɛ Korowii, Israel Nɛŋɡoroŋ aa bol nɛra la bee nɔ. “Hé berɛ ba n be, dɛ́ kpɔ he hwɛɡa dawɛ n nɛ, ásɛ n lɛ heya, dɛ́ kpɔ nɔn tɔ he nɛ. Kɛ he vɛoh, he ta balɛ.

Aesaya 33:6

Wɛɛ ɛo kɛŋɔ dea mumpar waa kpeɡa dɛ tɛ heyaa he saŋ, dɛ́ lɛ heya dɛ́ tɛ heya wejema ne waa mun noe kohona saŋ bɛlbwa. O ɔma taa hɛɛ ba cheɡa, dɛ́ dɔ ɡɛ waa nɔ bwa.

Aesaya 65:21

Baa do deenee dɛ́ so a bini, dɛ́ parɛ daa kooni, dɛ́ di a nɔna.

Aesaya 65:9

Mɛɛ swee Israel tena baa ɛ Juda dea tena andɛɛɡaa, ásɛ ba naanar so bwejena dor. Nɛra maa lee ba tɛ n te, baa tom mɛ laanee dɛɛ ba bela soɡa.

Jeremia 33:16

A ɡɛ saŋ la, mɛɛ lɛ Juda ne Jerusalam nɛra bwaa, ásɛ ba so deŋnesɔɔhna ta. Ásɛ baa yerɛ bwɛjen Jerusalam ‘Korowii Waa ɛ Ya Lɛɛ.’ ”

Ɛsekeɛl 34:28

Harɛre ane nɛra baa wola Korowii tomɛ aa won ba yoo ba, dɛ́ pa ba laala kaa kpa. Gɛɛ kpɔɡ bini olchɔɡa ɡe aa wola won ba laɡ ba chwe. Nomɛlbwa aa won ba aah ba kpa, ásɛ ba so deŋnesɔɔhna ta.

Sekaria 2:5

Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”

Sekaria 2:8

He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la.

Sekaria 3:10

Awola tɔpere la, he bini bɛlbwa ɛɛ yerɛ o dɔŋee he so deŋnesɔɔhna ta, ásɛ he ɡrepo ne he fiɡ daa kooni bar heya.”

Hibru 4:9

He nyiŋo na naa, ona Korowii aa kwaara cheɡ o nɛra la ta lole bá ba onɛ, kɛŋɔ Korowii aa Ona Tɔpenuanɛ wee la ta la.

1 Jɔn 4:16

Anomanta, ya ɡbabir jemɔ kɛŋɔ Korowii dɛ nyin yaa, dɛ kpɔ siwi dawɛ o nyina la nɛ. Korowiirii nyina bwa Dɔɔ. Nomɛlbwa waa dɛ nyin nɛn la, o kpɔ o te dɛɛ pɛl Korowii, asɛ o lawɔ dɛɛ pɛl o nɛ.