Aesaya 32:14 - mzwDBL

¹⁴ Koodem ne bwɛjen nɛra fa aa su a ta la ɛɛ chɔ pɛɛ. Deremi ne dekpeɡa aa tɔ ba nɛɛ la bwa ɛɛ choɡluu, dɛ́ berɛ dimɡbia saŋ bɛlbwa, ásɛ kpɔɡ bini keeɡore ne peera, kpɔ bela ɛ a dibɔr.

Aesaya 32:14 ပူးပေါင်းရင်းမြစ်များ

2 Koranar 25:9

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa,

2 Webena 33:14

A habɔɔ la, Kooro Manasɛ ɡelɔ ba kwaa ma danjwɛɛ waa lɔ Jerusalam, waa ɛ Kooro Devid Bwɛjen habɔɔ la, dɛ le Gehɔn bule waa lɔ felembɔjen bini wee cholibɔr, dɛ kaa Pɛŋe Doonyoa waa bar Ofel deŋɡare bɔr. O ɡelɔ ba mao o do jaŋne kohona, asɛ o kpɔ laa sitɔɔla ka so Juda harɛ bwɛjena baa ma danjwɛkpeɡa bara bwa ta.

Nehemia 3:26

Bonɔɔna baa dɛ ɛ toma Korowii Dea dɛ so Ofel deŋɡare ta ɡe kwaa ma choŋi ka tel bobɛl o ne Nee Doonyoa sie aa chaɡɛ dɔŋa, dɛɛ kaa wee leebɔr ne dejaŋ waa tɔ Korowii Dea la ta.

Yela 104:11

A ɡel kpɔɡ bini ola dɔ nee dɛɛ nyɔ, kpɔɡ bini keeɡore nyɔɡre aa dɛ kpoa ɡe dɔ ane nyɔ.

Aesaya 22:2

Akwe! Lɔŋɔre ɡbo bwɛ, bwɛjen ɡbɔɡa ne silɛɛ aa sui. Kere laa ba kpɔ kpoo heya, laa ta ɡe laa he ka.

Aesaya 24:10

Bwɛjen la chɔɡɔ dɛ chɔ pɛɛ, ba karɛ dem bɛlbwa doonyoa ɡbera tɔ ba ɡbaɡba nɛ.

Aesaya 24:12

Bwɛjen la chɔɡɔ, o doonyoo ɡbeni bwa kuuɡo kwaraa.

Aesaya 25:2

He ɡelɔ bwɛjena berɛ dimɡbia, he kuuɡi danjwɛkpeɡa aa bara la. Dekpeɡa hɔɔhra aa maa la, he kuuɡa ta, baa an ma kpa.

Aesaya 27:10

Bwɛjen baa ma danjwɛkpeɡ baro la paɡrɔ, Nomɛlbwa toole o ta, o chɔ pɛɛpɛɛ kɛŋɔ pua hɛŋle ɡbo harɛ, dɛ berɛ nae dibɔr. Belaa a chɔ dɛɛ onɛ, dɛ́ pɛɡre daa kpala bwa ta.

Aesaya 3:26

Bwɛjen Saayɔn doonyoo ɛɛ chɔ pɛɛ, ásɛ bwɛjen la do kɛŋɔ haah tea bini aa chɔɡa, o so harɛ dɛɛ wi la.

Aesaya 5:9

Nemenɛ Korowii bol waa a chole n deŋna ta. O ŋɔ, “Kpelaa, demjena ɛɛ che dimɡbeenii, deremi aa kana dɛ do wer ɛɛ cheo nɛn aa lee do dɛ́ so a bini.

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Aesaya 7:23

Gɛ saŋ la, bobɛlbwa baa parɛ daa kooni la, daa kaɡboŋ a yoɡ aa ɛ suuɡapoŋa kaɡboŋ la bwa ɛɛ heo, bela berɛ le sɔɔhne ne jabalnadaŋɛre ɡbo.

Jeremia 14:6

Kpɔɡ bini keeɡore cheɡɛ deŋɡarere dor, dɛɛ hɛɡɛ kɛŋɔ kalampoŋare ken, aa won na kɛrɛdɛ dɛkalkɛ kpɔɡa toole á chwe.

Jeremia 33:4

Jerusalam deene ne Juda koodem bwa ɛɛ kuuɡuu, dɛ́ le nɛra baa baa chɔ baro dɛ yoo la wa.

Jeremia 52:27

Ribla waa lɔ Hamat harɛ taa Babelɔn koojen ɡel ba kpoo ba bela. Gɛɛ a do ba lawɛ Juda tena le ba harɛ ta, dɛ kaa ba ne bojaŋ harɛfale ta.

Jeremia 6:5

Jwaanaa yaa ba laŋa ka yo, dɛ́ chɔɡ danjwɛkpeɡa baa maa bar bwɛjen la.”

Hosia 2:3

Dɛ ɡɛ laa, mɛɛ wuruu o che muŋɡbal kɛŋɔ awola baa lolɔ la ken. Mɛɛ ɡeloo ó do kɛŋɔ pua hɛŋle ɡbo harɛ, dɛ́ do kɛŋɔ harɛ waa hola, ásɛ nyɔɡre kpoo ó sewɛ.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Sefania 2:15

Gɛɛ bwɛjen o nɛra aa dɛ lii kɛ ba soɡe deŋnesɔɔhna ta, wobɛlbwa aa ban ha la ɛɛ ba nae. Ba yon ŋɔ, “Ya bwɛjen ɛ bwɛjen tenten, bwɛɛ bɛlbwa toole o habɔɔ kpa.” Hé na chɔɡa waa chɔɡa, ásɛ kpɔɡ bini ola kpɔ bela berɛ a chɔɔbɔra. Nɛra báa teŋe baa kaa bwa ɛɛ mamɔɔ dɛɛ for nɔɔra.

Sefania 2:7

Juda tena baa ka la ɛɛ ka so belaa, ó berɛ ba kondɛɛra dibɔr, ásɛ jɔmɔra telo aa, bá ka chɔ bwɛjen Askɛlɔn deene bini. Korowii baa dɛ tomɔ laanee dɛ́ nyiŋi ba nɛ, dɛ́ ɡel ba do wer, ɡɛ ba fa aa doa wubwa la.

Amanesoma Luk Aa Chwera Tɔn 21:20

Yeesu berɔ ŋɔ, “He baa na kɛŋɔ soojare bar Jerusalam cheme aa, amɔ te hé jemɛ kɛŋɔ o paɡra telo.

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.