Aesaya 32:13 - mzwDBL

¹³ Sɔɔhne ne jabalnadaŋɛre ɡboo n nɛra harɛre. He wi deremi silɛɛ fa aa lɔ a ta la, ne bwɛjen o fa aa soma la wa.

Aesaya 32:13 ပူးပေါင်းရင်းမြစ်များ

Yela 107:34

dɛ ɡel harɛ waa wera berɛ harɛ komɛlbwa aa wola won do wer o ta, nyubinikpeɡ tena ba fa aa soɡe bela la wa.

Aesaya 22:2

Akwe! Lɔŋɔre ɡbo bwɛ, bwɛjen ɡbɔɡa ne silɛɛ aa sui. Kere laa ba kpɔ kpoo heya, laa ta ɡe laa he ka.

Aesaya 23:7

He bwɛsom Taaya laanee nɔ naa? Bwɛbenebene o nɛra aa joa ka so bojaŋ harɛre ta laanee nɔ naa?

Aesaya 23:9

Koranar Bwa Kooroo ɡela a chiɡ. O ɛ ɡɛ ásɛ ba jirima baa dɔa dɛɛ ɡɔɔ ba te la tonɛ, dɛ́ ba banɔ la baa dɔ nyanyini harɛ nɔ ta la ne harɛ.

Aesaya 24:11

Ba dɛ wi sen waa fɔɡbaahna, silɛɛ bwa tonɔ, sum ɡboo kaa. Hɛɡra toole harɛ ta kpa.

Aesaya 27:10

Bwɛjen baa ma danjwɛkpeɡ baro la paɡrɔ, Nomɛlbwa toole o ta, o chɔ pɛɛpɛɛ kɛŋɔ pua hɛŋle ɡbo harɛ, dɛ berɛ nae dibɔr. Belaa a chɔ dɛɛ onɛ, dɛ́ pɛɡre daa kpala bwa ta.

Aesaya 34:13

ásɛ sɔɔhne le kooderemi, apeah ɡe le bwɛjena baa ma danjwɛkpeɡa bara, ne ba dekpeɡa ta. Wɛɛ berɛ kalampoŋare ne kwiure sobɔree.

Aesaya 5:10

Daa katori fi nɔna, ɡalɔŋre anue ɡbo senee dɛɛ ba koo la ta lee, ásɛ kuruware lafa kondwee haa dua la, hale kuruwa fi kwara, haa dɔ.”

Aesaya 5:6

Mɛɛ ɡeloo harɛ la chɔ pɛɛ maa wola belaa parɛ kpa, maa daa la kpalaa kɛ, ásɛ sɔɔhne ne jabalnadaŋɛ le bela. Maa ɡel bwaala nɛ harɛ la ta kpa.

Aesaya 55:13

Bela sɔɔhne aa lole la, dajaŋa ɛɛ le a buɡ taa, ásɛ jabalnadaŋɛre le dadɛɛɡa buɡ ta. Gɛ waa nɔ ɛɛ ɡeloo Korowii dɔ sɔn kohona, dɛ́ chɔ saŋ bɛlbwa dɛɛ lii waa men Korowii aa ɛa.”

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Aesaya 7:23

Gɛ saŋ la, bobɛlbwa baa parɛ daa kooni la, daa kaɡboŋ a yoɡ aa ɛ suuɡapoŋa kaɡboŋ la bwa ɛɛ heo, bela berɛ le sɔɔhne ne jabalnadaŋɛre ɡbo.

Jeremia 33:4

Jerusalam deene ne Juda koodem bwa ɛɛ kuuɡuu, dɛ́ le nɛra baa baa chɔ baro dɛ yoo la wa.

Jeremia 39:8

Babelɔn tena la fuh koodem la ne nɛra la deene, dɛ kuuɡi Jerusalam danjwɛɛre bwa ɡe.

Jeremia 52:27

Ribla waa lɔ Hamat harɛ taa Babelɔn koojen ɡel ba kpoo ba bela. Gɛɛ a do ba lawɛ Juda tena le ba harɛ ta, dɛ kaa ba ne bojaŋ harɛfale ta.

Hosia 10:8

Voɡa aa lɔ bwea dor bwɛjen Bɛt Avɛn, bela Israel tena aa dɛ tomɛ voɡa la, dɛ ba chɔɡa. Sɔɔhne ne jabalnadaŋɛre ɛɛ leo tɔ kwaa baa dɛ ɛ saraha a ta dɛɛ tɛ ba voɡa bwa. Ásɛ ba ŋɔ bwejena ne deŋɡarere be ŋɔ, “Hé choɡli tɔ ya nɛ.”

Hosia 2:3

Dɛ ɡɛ laa, mɛɛ wuruu o che muŋɡbal kɛŋɔ awola baa lolɔ la ken. Mɛɛ ɡeloo ó do kɛŋɔ pua hɛŋle ɡbo harɛ, dɛ́ do kɛŋɔ harɛ waa hola, ásɛ nyɔɡre kpoo ó sewɛ.

Hosia 9:6

Dɛ wekpeɡa chiɡo asɛ ba lɔ peɡre aa, Ijipt tena ɛɛ boa ba nyoaa, ásɛ dɛ ba sewɔ aa, bá huɡ ba bwɛjen Mɛmfes. Jabalnadaŋɛre ɛɛ kpeɡuu tɔ ba kondɔɔh aa ɛ suuɡapoŋa la bwa ta, ásɛ sɔɔhne ne kpɔɡa moɡɛ tɔ bela ba deene fa aa cheɡa la.