Aesaya 32:1 - mzwDBL

¹ Hé no! Kooro bɛl ɛɛ bao, dɛ́ ba di kora waa aa toɡra ne, o nomonome ɛɛ kpɔ kasinteŋii dɛɛ nyiŋi waa ta.

Aesaya 32:1 ပူးပေါင်းရင်းမြစ်များ

2 Samoɛl 23:3

Korowii Israel tena aa dɛ tomɔ bol wa, Korowii waa do kɛ Bwetal ba chwa kaa marɔ la ŋɔ n be ŋɔ, ‘Kooro bɛlbwa waa dɛ nyiŋi o nɛra nɛɛ kasinteŋ ne dɛɛ ɔmɛ Korowii la,

Yela 45:1

Wobol aa wera su n nyoa, mɛɛ ba kpɔe ɡo yel tɛ kooro. N nyoa wobol do kɛŋɔ, kon nɛn waa jemɛ chwera kɛrɛdɛ, aa kpoŋa dɛɛ chwerɛ.

Yela 99:4

Korowii ɛ kooro, dɛ dɔ kpeɡri kohona, dɛɛ nyin waa aa toɡra, o ɡelɔ kasinteŋ do Israel harɛ ta. O ba wa aa toɡra dɛ do wer ne.

Aesaya 11:4

Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

Aesaya 11:5

Waa aa toɡra ne kasinteŋii wɛɛ ba kpɔe ɛ kiriso, dɛ́ kpɔ vɔwɛ o chara.

Aesaya 16:5

Baa cheɡ kora bɛlee, Kooro Devid naa dɛɛ ba o ta soɡa. Kasinteŋ ne nɛnnyin nee wɛɛ ba o kara dii, dɛɛ pa bole aŋwɛnɛ ta. Waa waa aa toɡra habɔɔ ta.

Aesaya 28:6

Dɛ́ berɛ tɛ nɛra baa bol waa dɛɛ pa bole la liire, baa bola kasinteŋ ne, a berɛ che o nɛɛ nɛra baa lɔ bwɛjen la doonyoo, dɛ lɛɛ ba dɛɛ ta laa ta la dɔ bokpeɡa.

Aesaya 33:5

Korowii kan taeh, o soɡe nyundua tenten. Wɛɛ ɡeloo kasinteŋ ne waa aa toɡra su Jerusalam.

Aesaya 4:6

bɔwɔb aa ban kpo webaŋa, hale bá dɔ bɔr dɛ́ chwa sɔh bwaala ne o peu ta.

Jeremia 33:14

Tɔpera ane dɛ ba ásɛ waa maa baɡɛ Israel ne Juda tena nyoa la ɛ ɡɛ.

Jeremia 33:15

A ɡɛ tɔpera la, mɛɛ ɡeloo Kooro Devid naanar bini nɛn o wa aa toɡra ir, dɛ́ kpɔ waa aa toɡra ne kasinteŋ ba harɛ la ta.

Ɛsekeɛl 37:24

Kooro waa do kɛ n bonɔɔ Kooro Devid la, onee dɛ́ ɛ ba kooro, dɛ́ do kɛ peteɡre beŋkpoŋ dɛɛ nyiŋi ba nɛ. Baa teŋɛ me Mmarare ne waa maa kpɔa tɛɛ ba taa kasinteŋ ne.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Tɔn Pɔɔl Aa Chwerɛ Rom Tena 5:21

Gɛ wechɔɡa aa cheɡɛ seo nɛɛ dɛɛ di kpeɡri la, ɡɛɛ Korowii suna waa dɛ sune nɛwɛnyina nɛɛ la ɡe che ɡɛ Korowii aa ɛ yaa nɛndɛɛɡa ya waa su o siwi la ta dɛɛ di kpeɡri, asɛ ya won dɔ Korowii mkpa aa wola jaɡa dɔe bwa la, dɛkalkɛŋɔ ya Dɔɔ Yeesu Kristo ɡelɔ nɛra ɛ nɛndɛɛɡa ba waa su Korowii siwi.

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 19:11

Asɛ n na kɛŋɔ nyundua aa pila, jaaɡɔpoŋ bɛl le. Nɛn waa soɡe o ta la, ba dɛ yerɔ Kasinteŋ Te, o waa do Goroŋ. O dɛ bol nɛra waa kasinteŋ ne, dɛɛ yo laa aŋwɛnɛ ta.