Aesaya 31:6 - mzwDBL

⁶ Korowii berɔ ŋɔ, “Israel tena, he berɛ ba men he siwi aa sa mɛ, dɛ berɛ habɔɔ kpo mɛ la be.

Aesaya 31:6 ပူးပေါင်းရင်းမြစ်များ

Jeremia 3:22

Hé berɛ ba, he nɛra he wa aa wola kasinteŋ dɔe, dɛ berɛ habɔɔ kpo Korowii. Wɛɛ chah heyaa dɛ́ ɡel he waa berɛ dɔ kasinteŋ. He ŋɔ, “Ya sɛoh ŋɔ yaa berɔ ba Korowii be, dɛkalkɛ onee Korowii yaa dɛ tomɛ.

Jeremia 3:14

Hé berɛ ba, nɛra he waa aa wola kasinteŋ dɔe, dɛkalkɛ he dɔɔree men. Mɛɛ le nɛmbeŋkpoŋii le bwɛɛ bɛlbwa ta, dɛ́ le nɛra banɛ le dea bɛlbwa ta, dɛ́ berɛ ba he ne Saayɔn Bwejen ta.

Jeremia 3:10

Anɔ bwa habɔɔ, Juda waa ɛ Israel dɔŋ, o wa aa wola kasinteŋ dɔe la, ta berɛ ba n be o bambile bwa ne, dɛ ta ɛɛ kpɔ a liire. Men Korowiirii bola.”

Aesaya 55:7

Nɛnchɔɡe ɡel wechɔɡa ɛɛ, dɛ́ charɛ o liire, dɛ́ berɛ ba Korowii yaa dɛ tomɔ be. O dɛ sune nɛn nɛ, dɛ kpɔ wechɔɡa dɛɛ kɛ o bambile bwa ne.

We-ɛɛla 26:20

N tɔ sie la Damaskɔs, dɛ la Jerusalam, dɛ ɡaaɡe Juda harɛ la te bwa, dɛ la harɛre a nɛra aa wola Juu tena ɛɛ ɡe ta. Maa dɛ ɡaaɡe la bwa, dɛ n dɛ ŋɔ ba be ŋɔ bá charɛ ba liire, dɛ́ le ba wechɔɡa ta, dɛ́ ba Korowii be, ásɛ dɛ ɡel ba we-ɛɛla chaɡle kɛ ba charɛ ba liire dɛ le ba wechɔɡa ta.

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

Hosia 9:9

Ba nɛra sen yawa lɛ ba liire to, kɛŋɔ ɡɛ saŋ ba fa aa lɔ bwɛjen Gebea la. Korowii ɛɛ lii ba nyubinikpeɡ laanee, dɛ́ tɛr ba deŋne a wa.”

Jeremia 5:23

Kɛ he nɛra nɔ te, he ɡɛnɔ dɛ ɛ bambikpeɡ nɛra. He berɛ habɔɔ kpo mɛ dɛ ɡel n toma ɛɛ.

Aesaya 48:8

N jemɔ kɛŋɔ he waa ta kasinteŋ dɔe, he ɛ nɛra bane baa jema kɛ ɡaeh tenaa heya. A waa haa wola waa nɔ bwa no la.

Aesaya 29:15

Nɛra baa swɛɛ siwi kpɔ ba waa dɛɛ sɔh Korowii la, ba bwɛɛlɛ! Ba dɛ ɛ ba waa biro ta dɛɛ lii ŋɔ, “Umee na mɛ nɔ? Umee dɛɛ ba jema ɔ?”

2 Webena 36:14

Anɔ la aa bera ja laanee kɛŋɔ, Juda harɛ nomonome ne sɔfore, dɛ bela tena teŋɛ harɛre aa bar ba cheme kii we-ɛɛla Korowii aa kia ta, dɛ kaa tomɛ voɡa. A che a ta, ba kpɔ doŋa kah Korowii Dea Korowii ɡbaɡba aa ɡela o do ɡoroŋ Jerusalam la.

Job Tɔn 22:23

Dɛ he berɔ ba Korowii Waa Ɛ Kpeɡri Bwa Dɔɔ la be naa, wɛɛ lɛɛ. Dɛ he laa wechɔɡa kpɔ bela haa soɡa,

Aesaya 1:2

Aesaya ŋɔ, Nɛra haa lɔ nyundua ne harɛ, hɛ́ɛ no waa Korowii aa bola! “N dɛɛ n bii dɛ nyiŋ ba ba kpeɡ, kɛ ba kpaŋe n nɛ.

Aesaya 44:22

N laa he wechɔɡa fee a tonɛ, kɛŋɔ bam ne chɔɔlen kɔɔla ken. Hé laa berɛ ba n be, dɛkalkɛ menee lɛ heya.

Ɛsekeɛl 18:31

Hé laa he te kpɔ wechɔɡa bɛlbwa ta, dɛ́ dɔ bambidɛɛɡe ne liifala dɛɛ teŋɛ n waa ta. Israel tena, ɛrɛɛ hɛɛ nyin kɛ he serewe nɔɔ?

Ɛsekeɛl 18:32

N sie aa lɛ kɛ nomɛlbwa sewɛ. Hé charɛ he liire, ásɛ dɛ dɔ he nyu! Men Nemenɛ Korowiirii bola.”

Sekaria 1:3

dɛ ŋɔ, “Dɛ he charɛ he liire dɛ berɛ ba n be naa, mɛɛ nyiŋi he nɛɛ.

Jeremia 3:12

La ka bol waa nɔ Israel tena be ŋɔ, ‘Hé berɛ ba, Israel tena he wa aa wola kasinteŋ dɔe. N baah aa he nɛɛ di kpa, dɛkalkɛ n dɛ sune nɛn nɛ, n baah aa won di he nɛɛ saŋ bɛlbwa dɛɛ la. Men Korowiirii bola.