Aesaya 31:4 - mzwDBL

⁴ Waa Korowii aa bol men Aesaya be laanee nɔ. “Gɛ nyujente onjen yon lawɛ ol dɛ́ kpoo dɛɛ ŋoo, ásɛ ba yerɛ peteɡra warɛ ŋɔ, bá doŋu, waa wola aahra baa dɛ aahro la ɔmɛ, waa wola ba ɡbɔɡa chaŋe la, ɡɛ tentenee men Koranar Bwa Kooro ɛɛ ba bala bá ɛ Saayɔn Bwejen ta, dɛ́ ba yo Jerusalam dɔma nomɛlbwa aa wola won kah mɛ.

Aesaya 31:4 ပူးပေါင်းရင်းမြစ်များ

2 Webena 20:15

Anee Jahaseɛl ŋɔ, “N naa kooro, ne nɛra haa lɔ Juda ne Jerusalam bwa, hé no. Waa Korowii aa dɛ bol he be laanee nɔ, ‘He bɛ ɔmɛ, he bɛ ɡel he bwara yɔr laa tena baa wara nɔ wa. Korowiirii dɛ́ yo tɛ heya.

Kaala 14:14

Korowiirii dɛ́ yo tɛ heya, hé te hel.”

Kaala 14:25

O ɡelɔ kwaa aa do kɛŋɔ torɔɡore la nakpale chɔɡ a tɛɡra do kpeɡri. Asɛ Ijipt tena la ŋɔ, “Hé ɡel ya ɡel Israel tena nɔ nɛɛ teŋa oo! Korowiirii cha ba dɛɛ yo yaa la.”

Aesaya 10:16

Anomanta, Korowii, Koranar Bwa Kooro ɛɛ kpɔ ɡwaŋa weelaa ta Asiiria koojen laa tena baa kpeɡa kohona nɛ, ásɛ dɛ chɔɡ o jirima kɛŋɔ nii yon fuh kon tonɛ la.

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Aesaya 30:32

Korowii aa ir o daŋɡbala dɛ́ kpɔ dɛɛ tɛr ba deŋne la, lɔe bɛlbwa waa lɔ ba la, dɛ Israel tena ɡe dɛ yiiɡi kwaa kɛŋɔ loŋa ken, dɛɛ lɔ janjela dɛɛ ɡo yela. Korowii ɡbaɡbaa dɛɛ ba ba yoi.

Aesaya 42:13

Korowii ɛɛ leo kɛŋɔ banyoo o siwi aa swɛɛra, o kpɔ takpeɡ kɔɡre dɛɛ yerɛ laa tena, dɛɛ yo o dɔma kpeɡri nɛ.

Jeremia 50:44

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Babelɔn tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Hosia 11:10

Dɛ n kɔr n nɛra dɔma nɛɛ kɛŋɔ nyujente aa, baa teŋɛ n nɛɛ. Baa le wee cholibɔree dɛ́ ba n be warane.

Emɔs 3:8

Nyujente kɔraa, umee wola ɔmɔɔ? Nemenɛ Korowii bol wa aa, umee wola la ka bol o waa aa dɛ ba bala laɔ?

Sekaria 12:8

Awola tɔpere la, Korowii ɛɛ tɔ nɛra baa soɡe Jerusalam ɡbemɡbee, hale ɡwɛɡre kwaraa waa lɔ ba bini kpeɡri do kɛŋɔ ɡɛ Kooro Devid fa aa doa la. Ásɛ Kooro Devid naanar tɔ ba sie kɛŋɔ Korowii nyundua torome kɛɛ Korowii ɡbaɡba.

Sekaria 14:3

Korowii ɛɛ leo, dɛ́ ka yo a ɡɛ harɛre la nɛra ɡɛ waa dɛ yo saŋ la.

Sekaria 2:5

Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”

Sekaria 9:15

Koranar Bwa Kooro ɛɛ tɔ o nɛra ɡbemɡbee. Baa chɔɡ ba dɔma vamtor bwea nee, dɛɛ moo laa ta kɛŋɔ sennyɔdɛɛra ken. Baa kpoo ba dɔmaa, ásɛ ba chal ɛɛ palɛ kɛŋɔ baa kpoo kwaa ɛ saraha, dɛ kpɔ a chale dɛɛ merɛ saraha kwaa loŋkoni ta la ken.

Sekaria 9:8

Kɛ mɛɛ daah n harɛɛ le laa tena nɔn ta, ba bɛ won ba bela. Nɛra baa dɛ fiiɡi nɛra aa won ba yo n nɛra kpa, dɛkalkɛ n ta dɛ daah ba.

Wepila 10:3

dɛ si kpeɡri nɛɛ kɛŋɔ nyujente yon dɛɛ si la. Waa sia la, bwaala kɔra anuanɛ la ɡe sɛoh.

Wepila 5:5

Asɛ nomonome la bɛl ŋɔ n be ŋɔ, “Gel wii. Na! Naate waa le Juda dea baa yerɔ ba Nyujente, dɛ berɛ dɛɛ yerɔ Devid Naa la, o wono yo le. Anomanta, wɛɛ wonoo swe kwaa baa kpɔa marɛ tɔn la nyoa kera anuanɛ la dɛ́ pilu.”