Aesaya 31:2 - mzwDBL

² Kɛ onee wejereme, onee dɛ́ won ba bɔr chɔɡa ne. Waa nentane tae dɛɛ ta harɛ, dɛ berɛ dɛɛ kpɛla. Wɛɛ iruu che wechɔɡ-ɛɛra, ne banɔ la baa dɛ cha wechɔɡa la nɛ.

Aesaya 31:2 ပူးပေါင်းရင်းမြစ်များ

Job Tɔn 12:13

Korowii bee wejema ne kpeɡri, ne nɛra jae dɛ waa mun noe le.

Job Tɔn 12:16

Korowiirii dɔ kpeɡri ne wejema, nɛra baa dɛ neɡre nɛra ne banɔ la baa neɡ ba bwa lɔ o lɔɡa.

Job Tɔn 5:13

O ɡelɔ nɛra baa dɛ lii kɛŋɔ ba jemɛ waa la ɡbaɡba liire ɛɛ laɡ ba, wobɛlbwa baa ɛ la aa maɡre.

Aesaya 1:4

Wechɔɡ-ɛɛra ɡbo harɛ, nɛra ba wechɔɡa aa ɡwaa ba nɛ, wechɔɡ-ɛɛra naanar ɡboɡbo, he vɛh Korowii, dɛ berɛ habɔɔ kpoo. He dɛ nyiŋi Israel tena Nɛŋɡoroŋ la nyubaah.

Aesaya 14:20

Ba ta hen huɡe kɛŋɔ baa huɡe he bala koranar la, dɛkalkɛŋɔ, he chɔɡ he harɛ, he kpoo he nɛra. Baa wechɔɡ-ɛɛra naanar sɔnee yerɛ kpa bwa.

Aesaya 21:17

Keda laa tena baa jemɛ hɛma tae kɛrɛdɛ la aa kanee do kpa. Men Korowii Israel tena aa dɛ tom mɛ laanee bola.”

Aesaya 22:14

Koranar Bwa Kooro ɡbaɡba bol n be ŋɔ, “Maa ɡɛ wechɔɡa nɔɔ kpɔ kɛ ba bwa ka tel ba seo tɔpere. Men Korowii, Koranar Bwa Kooroo bola.”

Aesaya 28:21

Korowii ɛɛ iruu, dɛ́ ɛ ɡɛ o fa aa ɛa Pɛrasem Bwejen ta la, dɛ ɛ ɡɛ tenten Gebeɔn Fɛlembɔjen ta, ásɛ dɛ ɛ o toma aa ɛ wefala yaa wola a dɔŋa nae bwa, dɛ́ ɛ nyokpowa.

Aesaya 28:29

Gɛ liire nɔ bwa, Koranar Bwa Kooro bee a le. Baɡla waa baɡle nɛra waa dɔ nyokpoa, o wejema ta jaɡa dɔe.

Aesaya 30:3

Mara baa ŋɔa ba kaa marɛ kooro la ɛɛ ɛ pɛɛpɛɛ. Ijipt harɛ ta baa ŋɔa ba dɔ sɔɔhbɔr la, ba di ncho.

Aesaya 30:7

Chae bɛlbwa toole Ijipt harɛ ta, a ɛ wepuu. A waa mɛɛ yerɔ Harɛkpeɡ Waa Wola Kpeɡri Dɔe.”

Aesaya 31:3

Nɛraa Ijipt tena, Korowii laa ban, asɛ ba jaɡre ɡe ɛ ola, a ta kwaa aa bea yaa wola an na ɛɛ. Dɛ Korowii baa ir o nɔn dɛ́ tɛr nɛra deŋne aa, nomɛlbwa waa dɛ cha nɛra ɛɛ keeruu, ásɛ nɛra baa dɛ cha ba la ɡe choɡli, ásɛ ba nɛmbele banɛ la bwa pɛ dɛ́ chɔɡ.

Aesaya 32:6

Dɛkalkɛŋɔ ɡɛne te dɛ bol ɡɛnewa, dɛɛ lii wechɔɡa dɛ́ ɛ. Waa waa dɛ ɛ ne anɔ la waa dɛ bol bwa ɛ Korowii bwara wechɔɡe. O dɛ vɔmɛ nɛn lɔr aa dɛ kpoo kondikwa, dɛɛ vɔmɛ nɛn nyɔɡre aa dɛ kpoo ne.

Aesaya 45:7

Menee ta bochaah ne biro bwa, menee dɛɛ tɛ bosɔɔhna, dɛ berɛ dɛɛ ba sibeɡra ɡe ne. Men Korowii, menee ɛ anɔ bwa.

Aesaya 9:17

Anomanta, Korowii sie aa ba bini bonɔɔna nɛɛ lɛɛ ba, hale waa bilalbii ne luhaahna kwaraa sum nae ba, dɛkalkɛŋɔ ba bini bɛlbwa aa o waa ta teŋɛ, dɛ ɛ wechɔɡ-ɛɛra, ba wobol aa were. Anɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 10:12

Korowii cheɡɛ o kpeɡri ta dɛ ta harɛ, o wejema nee o ta harɛ nɔ bwa, dɛ che o liire ta dɛ paɡri nyundua ɡe.

Jeremia 10:7

Harɛre nɛra bwa Kooro, umee dɛ ŋɔ waa duuree kpɔ tɛɛ nɔ? A chɛ kɛ nomɛlbwa duuri. Harɛre bwa nɛra ne wejerema dɛ ba koranar, bɛlbwa ta do kɛ hen.

Jeremia 36:32

Anomanta, men Jeremia kpɔ tɔnfale tɛ Nɛrea bibaa Baruk waa ɛ n karake la. Asɛ o chwerɛ wobɛlbwa a fa aa lɔ loɡle tɔn la bini dɛ anɔ la bwa aa jaa n kpɔ tɛo la.

Ɛsekeɛl 29:6

Ásɛ nɛra baa lɔ Ijipt harɛ ta bwa jemɛ kɛŋɔ menee Korowii.’ ” Korowii ŋɔ, “Israel tena kpɔ ba te dawɛ he Ijipt tena nɛɛ dɛɛ nyin kɛ hé cha ba, kɛ he do kɛŋɔ pul daŋɡbala waa wola kpeɡe.

Emɔs 3:6

Laa bɛla sio bwɛjen bɛl ta naa, o nɛra aa ɔmaa? Wechɔɡa ane chiɡ bwɛjen bɛl nɛra nɛ aa, dɛ Korowii laa ɡela a ba ɡɛ naa?

Sefania 3:8

Anomanta, Korowii ŋɔ, “Dɛɛ kpaa mɛ ka tel tɔpere la maa ba bol harɛre nɛra wa. N ɛ n liire kɛŋɔ mɛɛ boa harɛre nɛra, ne koranar ne ba harɛre nyoaa, ásɛ dɛ kpɔ n bandia kohona ba ta ba nɛ. N bwaawee ɛɛ ir ba nɛɛ kohonaa, ásɛ dɛ fuh harɛ nɔ bwa kɛŋɔ nii ken.

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”

Nɛra Kura 10:35

Saŋ bɛlbwa baa kpɔ Korowii Ne Nɛwɛnyina Fɔo Daka la tɔ sie baa kaa la, Mosis yon ŋɔ, “N Naa Korowii, ir tɔ ya sie! Lɔ he dɔma bwa peɡre, ɡel ba bwa chwa le he sie!”

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Tɔn Pɔɔl Aa Chwerɛ Rom Tena 16:27

Hé ɡel ya che Yeesu Kristo nɛɛ dɛ́ jam Korowii o ɡbo aa ɛ Korowii, dɛ ɡbo jemɛ wobɛlbwa la. O jirima aa tonɛ bwa! Aamen.

Josua 23:15

Gɛ Korowii aa wona baɡɛ heyaa nyoa a bwa won ɛ nɔ, ɡɛɛ wɛɛ ba wona chɔɡ heya, ka tel kɛŋɔ waa kpoo heyaa le harɛdɛɛɡe nɔ waa kpɔa tɛ heyaa la ta.

Tɔn Jud Aa Chwera 1:25

o ɡboo Korowii ne ya Lɛɛ, ya Dɔɔ Yeesu Kristo nomanta. O chɛ jirima. O dɔŋ toole. Onee dɔ komɛlbwa kpeɡri, dɛ ɛ komɛlbwa Dɔɔ dɛ le saŋ la bwa ba le fini, dɛ dɔ a bwa saŋ bɛlbwa! Aamen.

1 Samoɛl 2:3

Gel mbarafo wobol bola, bɛ wobosale dɛɛ bol. Hen Korowii te, he jemɛ wobɛlbwa, he jemɛ wobɛlbwa nɛn aa dɛ ɛ, dɛɛ pa a bole.