Aesaya 30:8 - mzwDBL

⁸ Korowii ŋɔ men Aesaya be ŋɔ, “Namete kaa, dɛ́ ka chwerɛ n nɛra waa maa bol he be nɔ dawɛ bwepɛla ta tɛɛ ba, chwera do tɔn ta, ásɛ a chɔ le kerekere dɛ́ ɛ danseɛ saŋ te bɛlbwa dɛɛ la.

Aesaya 30:8 ပူးပေါင်းရင်းမြစ်များ

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Aesaya 34:16

Hé nyiŋi Korowii tɔn bini dɛ́ kure na. Kwaa nɔ bɛlbwa toole dɛ́ nyoɡre, bɛlbwa aa belaa do waa wola o cheerii dɔ. Korowiirii bola ŋɔ á ɛ ɡɛ, o Doma la ɛɛ ba a ne Edom harɛ taa.

Aesaya 8:1

Korowii berɔ ŋɔ n be ja ŋɔ, “Nyin tɔnjen ásɛ dɛ chwerɛ waa maa dɛ́ ba bola nɔ do o ta. Chwera a do bare. Anee kɛŋɔ Mahɛr Salal Has Bas. O munii kɛŋɔ, ‘Bá ɛ warane dɛ́ ka kam anɔ la baa won, bá kpɔ chwae dɛ́ ka pa laala aa kaa.’

Jeremia 23:20

Korowii bandia la nyoa aa sɔɔh, ka tel kɛŋɔ waa ɛ o tetoowa tonɛ. Tɔpera ane dɛ ba bala, ásɛ mɔɔ he no waa nɔ mun kɛrɛdɛ.

Jeremia 30:2

ŋɔ men Jeremia be ŋɔ, “Chwerɛ waa maa bol he be la bwa do tɔn bini.

Jeremia 36:2

“Ir dɛ kpɔ tɔn chwerɛ Israel ne Juda tena, dɛ harɛre aa jaa waa maa bol he be, dɛ́ le Kooro Josia bere saŋ ba le fini.

Jeremia 36:4

Anomanta, men Jeremia yerɛ Nɛrea bibaa Baruk, dɛ kpɔ waa bwa Korowii aa bol n be la tɛo ó chwerɛ. Asɛ Baruk chwerɛ a bwa do tɔn bini.

Jeremia 48:47

Kɛ tɔpera ane dɛ ba ásɛ n berɛ ɡel Moab harɛ do ɡɛ o fa aa doa ja. Men Korowiirii bola.” Bonɔɔ men Jeremia Korowii waa maa bola ŋɔ wɛɛ pa Moab tena bolchɔɡe la jaɡɛ.

Jeremia 51:60

Dɛ men Jeremia chwerɛ wenaale bwa aa dɛ ba Babelɔn harɛ ta bala do tɔn bini.

Ɛsekeɛl 38:16

Hɛɛ ba tɔ n nɛra Israel tena nɛɛ kɛŋɔ bam yon tɔ harɛ ta la. Awola tɔpere la, mɛɛ ɡeloo hen nomonjen Gɔɡ ba yo n nɛra Israel tena, ásɛ harɛre ta nɛra jem mɛ, maa ba che he nɛɛ dɛ́ baɡle kɛŋɔ n do ɡoroŋ ba siwi ta la.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Habakuk 2:2

Ate, Korowii ŋɔ n be ŋɔ, “Chwerɛ waa maa pili a bini baɡle chaahna ta la dawɛ bwepɛle ta, ɡɛ baa dɛ ba wona naa dɛ́ kure.

Nɛra Kura 24:14

Taraken n berɔ dɛɛ kaa n nɛra be, kɛ ɡel ń ŋɔ he be waa Israel tena aa dɛ́ ba kpɔe ɛ he nɛra kerekere.”

Mmarare 31:19

Korowii ŋɔ Mosis ne Josua be ŋɔ, “N dɛ ba heyaa yel baɡla, he chwerɛ bil, dɛ́ kpɔ baɡle Israel tena, ásɛ a ɛ waa dɛ́ chɔ tɛɛ ba.

Mmarare 31:22

Awola tɔpere la, Mosis chwerɛ yel la dɛ baɡle Israel tena la.

Mmarare 31:29

Dɛ ŋɔ, n jemɔ kɛŋɔ n seo habɔɔ la, baa ɛ nɛnchɔɡaa dɛ́ vɛh waa maa bola baɡ ba bwa dɛ chwerɛ bil la. Aa ba la sie la, baa na wekpeɡaa, dɛkalkɛŋɔ baa ɛ waa Korowii aa kia, ásɛ o baah di.”

Mmarare 4:30

Dɛ ɡɛ wahala nɔ bwa ba he nɛ aa, he siwi ɛɛ beɡroo ásɛ he ba Korowii be dɛ́ baa duuru.

1 Timoti 4:1

Korowii Domadɛɛɡe la pili waa nɔ bini chasee ken baɡle heyaa ŋɔ, kerekere la nɛra bane ɛɛ vɛh Yeesu waa nɔɔ dɛ́ kaa yarada koŋkwaa aa dɛ neɡ ba, ásɛ dɛɛ no a be.

2 Pita 3:3

Anɔ la aa tɔ siee kɛŋɔ, a chɛ kɛ he jemɛ kɛŋɔ tɔpera aa ka mun nɔ ta nɔ, nɛra ɛɛ dɛɛ mamɛ heyaa. Ba sie ɛɛ dɛɛ lɛ ba pɛlchɔɡa taa.

Tɔn Jud Aa Chwera 1:18

Ba ŋɔ he be ŋɔ, “Tɔpera aa ka mun la ta la, nɛra ɛɛ leo dɛɛ mamɛ heya. A ɡɛ nɛra nɔ aa Korowii ɔmɛ. Wedoŋa ba sie aa dɛ lɛ a taa baa ɛ.”