Aesaya 30:7 - mzwDBL

⁷ Chae bɛlbwa toole Ijipt harɛ ta, a ɛ wepuu. A waa mɛɛ yerɔ Harɛkpeɡ Waa Wola Kpeɡri Dɔe.”

Aesaya 30:7 ပူးပေါင်းရင်းမြစ်များ

Job Tɔn 9:13

Korowii baah diu waa, o ɡbaɡba aa won o te larawe warane, o dɛ sɔɔh mpo bini oljen ne kwaa aa dɛ chao la nyoa, á do o lɔɡa.

Yela 87:4

O ŋɔ, “Dɛ mɛɛ chwerɛ bwɛɛre ba nɛra aa dɛ no n deŋna waa yaa, Ijipt ne Babelɔn harɛre nɛra waa mɛɛ ba chwera. Mɛɛ kure Filisti ne Taaya tena, dɛ Itiopia tena bwaa, ásɛ ba ŋɔ Jerusalamee ba lolɛ yaa.”

Yela 89:10

He kpo oljen waa lɔ mpo ta, he kpeɡri nee he pɔ he dɔma nɛ.

Kaala 14:13

Asɛ Mosis chaŋ ba ŋɔ, “He bɛ ɔmɛ, hé che kiŋkiŋ dɛ na lɛɛ Korowii aa dɛ ba heyaa lɛɛ fini. Ijipt tena haa dɛ na ba fini nɔ, haa ban na kpa bwa.

Sɛɡla 25:19

Dɛ he dɔ waa dɛɛ hwɛɡɛ he dam haa wola hwɛɡa o nɛɛ dɔe yaa, a do kɛŋɔ he nyen haa wola won kpɔ chaŋe kwa, kɛɛ he nakpala haa wola won valɛ o ta.

Aesaya 10:3

Ɛrɛɛ hɛɛ ba ɛɛ awola Korowii aa dɛ ba he deŋne tɛra, ne wenaale aa le bojaŋ ba he nɛɛ laɔ? Umee hɛɛ ba chwae ka marɔɔ? Leperaa hɛɛ ba he kondɔɔh la ɡela ɔ?

Aesaya 2:22

He bɛ hwɛɡa kpɔ do nɛwɛnyini nɛɛ kpa. Waa sewaa? Bɔkwaa nɛwɛnyini ɡeɔ?

Aesaya 20:6

Nɛra baa soɡe mpo nyoa bela la ɛɛ na waa aa puu baa dɛ́ ŋɔ, ‘Na ɡɛ aa chiɡ nɛra yaa kpɔ ya te dɛɛ dawɛ ba nɛɛ la, nɛra yaa chwaa kaa mar ba bá lɛ yaa le Asiiria koojen nɔn ta la! Na waa aa puu ba! Leperaa yaa ba sie doe jaɔ?’ ”

Aesaya 28:12

Korowii ŋɔ ba be ŋɔ, “Ona bɔree la, nomɛlbwa waa koah la, ó ba onɛ,” dɛ berɛ ŋɔ, “Deŋnesɔɔhna bɔree” kɛ baa no.

Aesaya 30:15

Waa Nemenɛ Korowii, Israel Nɛŋɡoroŋ aa bol nɛra la bee nɔ. “Hé berɛ ba n be, dɛ́ kpɔ he hwɛɡa dawɛ n nɛ, ásɛ n lɛ heya, dɛ́ kpɔ nɔn tɔ he nɛ. Kɛ he vɛoh, he ta balɛ.

Aesaya 30:5

kɛ sihiih ne nchoo Juda tena ɛɛ ba dii, kpɔe baa kpɔ ba te ka dawɛ nɛra baa wola won cha ba nɛ, baa wola ba tɔnɔɔ dɔ la.”

Aesaya 36:9

Haa won kpɔ he te maɡɛ Asiiria koojen nomonome la bini bechala kwara, kɛ he dɛ hwɛɡɛ Ijipt kooro nɛɛ kɛ o ba tɛɛ kwaa aa do kɛŋɔ torɔɡore, ne laa tena baa dɛ so jaɡre ta.

Aesaya 51:9

N Naa Korowii, ir nyu ne dɛ́ cha yaa! Kpɔ he kpeɡri la ba lɛ yaa ɡɛ haa ɛa saŋ la! He laa chɛwɛ mpo bini oljen Rahab la aa?

Aesaya 7:4

Ŋɔ Kooro Ahas be ŋɔ ó sɔɔh bwara, wɛ́ɛ berɛ ɔma. Wɛ́ɛ berɛ ɡela o bambile chɔɡ. Ŋɔ o be ŋɔ, nindaa anɛ chuu ɔma ɡwaa Kooro Resin, ne o harɛ Siiria tena dɛ Kooro Pɛka ne o nɛra bandia.

Jeremia 37:7

ń bol Juda Kooro Sedekia be ŋɔ, “Ijipt laa tena lɔ ŋwɛnɛ ta dɛɛ ba bá cha heya, kɛ baa berɔɔ kaa ba harɛ ta.

Wiile 3:26

anomanta, a wer kɛŋɔ nɛn lawɛ bambile dɛɛ kpa lɛɛ waa ba lɛ nɛra la.

Hosia 5:13

Israel tena na ba weela, asɛ Juda tena ɡe na ba ŋwɛra, asɛ Israel la Asiiria koojen be ŋɔ ó ba cha ba. Kɛ o ta wone chah ba weela, o ta wone chah ba ŋwɛra ɡe.