Aesaya 30:6 - mzwDBL

⁶ Waa Korowii aa bera kpɔ baɡle Aesaya chaahna ta, a ɛ kpɔɡ bini olchɔɡa waa Nɛɡɛv pua hɛŋle ɡbo harɛ taa nɔ. “Juda tena toroma la vɔrɔwe ba laala dawɛ keeɡore ta, dɛ vɔrɔwe ba kondɔɔh dawɛ nyoɡmare ta, dɛ kpɔ wekpeɡa ne siswɛm harɛ, nyujentena ne domkpule ne harɛkwaare aa dɛ jah aa lole, dɛɛ kaa harɛ la tɔnɔ bɛlbwa aa wola toole o ta la ta.

Aesaya 30:6 ပူးပေါင်းရင်းမြစ်များ

Mumpar 12:9

Asɛ Abram berɛ le bela dɛ ir ka so bofale harɛ la tenten ta. Gɛɛ o so dɛɛ ir dɛ kpɔ sie chaɡɛ Nɛɡɛv pua hɛŋle ɡbo harɛ weekaŋle harɛbɔr.

1 Koranar 10:2

Seeba kooro la kpɔ nɛra baa dɛ tomɔ dɛ warɛ ja o nɛ, ne nyoɡmare aa cheɡɛ konsɔɔhsoma ne suuɡaswɛm kohona, ne bwedɛɛɡa a yoɡ aa kpeɡa kohona, dɛ la Kooro Solomɔn be. Waa laŋa o ne o ka cheme la, o bɔɔ Kooro Solomɔn waa aa lɔ o nyu bini bwa.

2 Webena 16:2

Kooro Asa kpɔ suuɡapoŋa ne suuɡaswɛm cheɡ deene baa kpɔ kwaa a yoɡ aa kpeɡa dɛɛ cheɡ a bini Korowii Dea la, ne anɔ la aa lɔ o koodem bela, dɛ tomɛ ba kpɔ ka tɛ Siiria Kooro Bɛn Hadad, dɛ o soɡe Damaskɔs waa ɛ harɛ la bwɛjen tenten ta dɛɛ di kora.

2 Webena 9:1

Seeba kooro waa ɛ haah baa no Kooro Solomɔn sɔn lee waa lea kohona. Anomanta, o la Kooro Solomɔn be Jerusalam, dɛ kpɔ wobobeela a bini aa kpeɡa dɛ́ ba daahno dɛ na. Haŋkooro la kpɔ nɛra baa dɛ tomɔ dɛ warɛ ja o nɛ, ne nyoɡmare aa cheɡɛ konsɔɔhsoma ne suuɡaswɛm kohona, ne bwedɛɛɡa a yoɡ aa kpeɡa kohona, dɛ la Kooro Solomɔn be. Waa laŋa o ne o ka cheme la, o bɔɔ Kooro Solomɔn waa aa lɔ o nyu bini bwa.

Job Tɔn 39:11

O bokpeɡa kohona nomanta, hɛɛ kpɔ he tenee dawɛ o nɛ aa? Hɛɛ ɡel he tomkpeɡaa ta o nɛ aa?

Kaala 1:14

Ba ɡelɔ baa teŋe berekese, dɛɛ ma Ijipt tena deene, dɛɛ ɛ ba kooni toma te bwa soo siwi. Ba ta ba nɛɛ sune, ba fiɡ ba taeh.

Aesaya 14:29

Filisti tena, daŋɡbala baa kpɔa lɔɔ heyaa ka la kuu, kɛ he bɛ ɡel he sie lɛ he hɛɡre. Harɛkon sewaa, onchɔɡe kɛ domkpule dɛ́ chiɡ o naa ta, ásɛ o bii ɡe do kɛŋɔ doh dɛ́ ir.

Aesaya 15:7

Ba cheɡɛ ba kondɔɔh baa dɔa bwa ɡale Dajaŋa Nenabɔɔ, dɛɛ ba kpɔe ka sɔh.

Aesaya 19:4

Mɛɛ kpɔ Ijipt tenaa do kooro nyubinikpeɡ te bɛl nɔn ta, o wa do ɔma, wɛɛ nyiŋi ba nɛ. Men Korowii, Koranar Bwa Kooroo bola.”

Aesaya 35:9

Nyujentena aa belaa do, kpɔɡ bini olchɔɡe bɛlbwa aa ŋwɛnɛ la taa kpɔ. Nɛra Korowii aa lɛɛ ba la ɡbosoo dɛɛ ba o ta kpɔe.

Aesaya 5:30

Gɛ tɔpere la telaa, baa do ɡbɔɡaa, dɛ́ ba jo Israel harɛ bwa kɛŋɔ mpo yon dɛɛ si la ken. Dɛ he nyiŋi harɛ la aa, hɛɛ nao kɛŋɔ bɔr biro ásɛ sibeɡra chole nomɛlbwa nɛ, ásɛ biro tɔ bochaah ta.

Aesaya 57:9

He dɛ fɔɡle ɔleve noo ne nosɔɔhsoma kohona dɛ kaa tomɛ he voɡ Molɛk. He tomɛ nɛra bojaŋ, hale lalabwɛ dɛɛ nyin voɡfala.

Aesaya 8:22

Ásɛ dɛ berɛ nyiŋi harɛ, baa komɛlbwaa na ka ja wahala ne ɡɛ bɔr aa bira kpirkpir dɛ do ɔma, ásɛ ba ɡbɔɡ ba ta biro tenten la ta.

Jeremia 11:4

A ɛ waa maa do ba naawa ɡɛ saŋ maa laɡ ba le Ijipt harɛ waa do wɔrɔbe ba nɛɛ kɛŋɔ nii aa won buni mwɛɛla la. N ŋɔ ba be ŋɔ, baa duu mɛ dɛɛ teŋɛ wobɛlbwa maa do ba a ta la ta, ásɛ ba ɛ n nɛra, n ɡe ɛ Korowii baa dɛɛ tom mɛ.

Jeremia 2:6

Ba ta n waa bɔɔrɛ ŋɔ, ‘Leperaa Korowii dɔɔ? Onee lawɛ yaa le Ijipt harɛ, dɛ kpɔ yaa valɛ pua hɛŋle ɡbo harɛ ta, harɛ komɛlbwa aa wola toole o ta, o dɔ bɔluŋe, biro ne hwel do bela, nomɛlbwa aa o ta kpɔ, á ba ɛ kɛŋɔ nɛra ɛɛ so belaa.’

Ɛsekeɛl 20:46

“Nɛwɛnyini bie, kpɔ sie pa weekaŋle harɛbɔr dɛ́ bol waa aa dɛ ba kɔr la ta bala.

Hosia 12:1

Israel tena wobɛlbwa ɛ wepɛɛ dɛɛ chɔɡ wa tɔpere te bɛlbwa. Ba chwao dɛɛ ti nyosone, asɛ naɡrenyin we-ɛɛla ɡe su ba bwa. Ba ne Asiiria tena fɔwɛ fɔo, ba ne Ijipt tena ɛɛ di bona.

Hosia 12:2

Korowii ne Juda tena dɔɔ, wɛɛ tɛr Israel tena deŋnee ɡɛ ba wechɔɡa aa doa wa, dɛ́ bɔ ba kem ɡɛ ba we-ɛɛla aa doa.

Maeka 6:14

Hɛɛ di kwaa kɛ haa vaɡɛ, a do kɛ he ta komɛlbwa dii. Hɛɛ dɛɛ cheɡ kwaa, kɛ aa le he nɔn taa, dɛkalkɛ men Korowii ɛɛ ɡeloo ba chea laa ta kaa.

Sekaria 6:6

Kon baa vɔwa pɛl jaaɡɔbiŋere la sie chaɡɛ weekaŋle nyunduabɔr, Babelɔn harɛɛ a tɛɡre dɛɛ kaa. Onɔ la baa vɔwa pɛl jaaɡɔpoŋa la sie chaɡɛ wee cholibɔr, asɛ onɔ la baa vɔwa pɛl jaɡre a bwara aa lɛɡra la ɡe sie chaɡɛ weekaŋle harɛbɔr a bwa tɛɡre dɛɛ kaa.”

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Nɛra Kura 21:8

Anee Korowii ŋɔ Mosis be ŋɔ, “Kpɔ ayaawa ɛ harɛkon, dɛ́ kpɔ saɡɛ dajaŋ ta, ásɛ nomɛlbwa harɛkon la bɛl aa choɡo la nyiŋi dajaŋ kon la dɛ́ dɔ o nyu.”

Matiu 12:42

Seeba kooro waa ɛ haah la ɡba ɛɛ bol waa bɔ fini nɔ tena, dɛkalkɛ o valɔ le harɛ jaɡa, dɛ́ ba no Kooro Solomɔn wejemwa. Kɛ kasinteŋ, naate waa ɡwaa Kooro Solomɔn lɔ bonɔ, asɛ he ŋɔ haa o bee no.”

Mmarare 17:16

Kooro la bɛ jaɡre kohona nyin, o bɛ ɡel nɛra la Ijipt harɛ ta dɛ́ ka yawɛ jaɡre, dɛkalkɛŋɔ Korowii haa dɛ tomɔ nɔ ŋɔ o nɛra bɛ berɛ la Ijipt harɛ ta kpa.

Mmarare 4:20

He te la, Korowiirii kpɔ heyaa le Ijipt harɛ bela waa do wɔrɔbe he nɛɛ kɛŋɔ bela loɡre aa dɛ do buni wɛɛ be la, dɛ ŋɔ hé ba ɛ o ɡbaɡba nɛra ba le fini la.

Mmarare 8:15

Onee tɔ he sie dɛ kpɔ heyaa kpɔ pua hɛŋle ɡbo harɛ waa kana dɛ do ɔma, nyɔɡre ne hwel ne harɛkonchɔɡa, ne nɔrɔme aa lɔ o ta la. Onee ɡela nee le bwe ta dɛ tɛ heyaa he nyɔ la.