Aesaya 30:4 - mzwDBL

⁴ A lole kɛŋɔ Juda tena toroma lɔ Ijipt bwɛjena Soan ne Hanes,

Aesaya 30:4 ပူးပေါင်းရင်းမြစ်များ

2 Koranar 17:4

Koojen Salmaneesa baa na kɛŋɔ Kooro Hosia aa toɔ bɔe dɛɛ tɛo ɡɛ o fa aa dɛ bɔa benanyoa bɛlbwa la kpa. Dɛ Kooro Hosia ɛo dɔm, dɛ ɡel torome ka ŋɔ Ijipt Kooro baa dɛ yerɔ So be kɛŋɔ ó chao, ásɛ o le Asiiria koojen lɔɡa. Asɛ Koojen Salmaneesa no, dɛ ɡel ba ka lawɛ Kooro Hosia ka do dea.

Yela 78:12

O ɛ nyokpowaa ba naawa siwi ta, Soan harɛ waa chɔa kaa dɛ do Ijipt harɛ ta.

Aesaya 19:11

Nomonome baa chɔ Ijipt bwɛjen Soan nyoa la ɛ ɡɛna, nomonome baa jemɛ waa dɛɛ ja Ijipt kooro la aa on liidɛɛɡa tɛ. Aah, hɛɛ won ŋɔ Ijipt kooro be ŋɔ, “N ɛ wejereme kɛŋɔ saŋ la tena wejerema ne koranar la bini bɛl aa?”

Aesaya 57:9

He dɛ fɔɡle ɔleve noo ne nosɔɔhsoma kohona dɛ kaa tomɛ he voɡ Molɛk. He tomɛ nɛra bojaŋ, hale lalabwɛ dɛɛ nyin voɡfala.

Jeremia 43:7

Anomanta, ba kpɔ deŋnekpeɡ vɛh Korowii waa la, dɛ ka jo Ijipt harɛ, dɛ kpoŋe kaa bwɛjen Tapanes ta.

Jeremia 49:14

Men Jeremia no Edom waa le Korowii be o ŋɔ, “N tomɛ torome bɛl harɛre nɛra be ŋɔ, ‘Hé boa he nyoa dɛ́ ir ka yo Edom tena! Hé ir ka yoo ba laa!

Ɛsekeɛl 30:14

Mɛɛ chɔɡ Ijipt harɛ weekaŋle harɛbɔree o chɔ pɛɛ, dɛ́ fuh bwɛjen Soan waa lɔ weekaŋle nyunduabɔr ɡe, dɛ́ ba tɛr Tebes waa ɛ ba bwɛjen la tena ɡe deŋne.

Ɛsekeɛl 30:18

N baa sɔɔh Ijipt harɛ kpeɡri nyoa aa, bɔr dɛ ba bira bwɛjen Tapanes, ásɛ Ijipt harɛ kpeɡri baa cheɡɛ a ta dɛɛ ɛ mbarafo la ba a jaɡa. Baama ɛɛ tɔ o bwaa, ásɛ ba lawɛ nɛra baa lɔ o bwɛjeɡre ta kaa.

Hosia 7:16

Ba teŋɔ berɛ habɔɔ dɛɛ kpo men Nemenɛ Korowii, dɛ kaa tomɛ voɡ waa wola kpeɡri dɔe, ba do kɛŋɔ to waa sɔɔhna ken. Laa taa baa ba ba nomonome kpoora, ba mbarafo wobol wa, ásɛ Ijipt tena mam ba.”

Obadia 1:1

Waa aa dɛ ba Edom harɛ ta chiɡa Nemenɛ Korowii kpɔ baɡle Obadia laanee nɔ. Ya noɔ ɡɛ Korowii aa bol Edom harɛ wa. O tomɛ o torome bɛl harɛre nɛra be ŋɔ, “Hé ir, ya kpɔ ya te ka pu Edom tena yo.”

Nɛra Kura 13:22

Ba kpɔ Nɛɡɛv waa ɛ pua hɛŋle ɡbo harɛ weekaŋle harɛbɔr dɛ ka tel Hɛbrɔn. Dɛ nɛra bane baa dɛ yer ba Anak naanar soɡe bela. Banee Ahiman ne Sɛsae dɛ Talmai tena. Dɛ ba vɔrɔwe Hɛbrɔn bene anuanɛ mɔɔ dɛ vɔrɔwe Soan waa lɔ Ijipt harɛ ta.