Aesaya 30:30 - mzwDBL

³⁰ Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Aesaya 30:30 ပူးပေါင်းရင်းမြစ်များ

Job Tɔn 38:22

He jemɛ bela maa ɡela mɛn ne dombwea do aa?

Job Tɔn 38:23

N lea cheɡ tɛ wenaale ne laa yoi tɔpera.

Job Tɔn 40:9

He kpeɡri tel men Korowii aa? He nyɛɡa ɡe ɛɛ won do kan kɛŋɔ n nyɛɡa, kɛŋɔ bwaala aa kɔra aa?

Yela 2:5

O bol waa baɡ ba bandia kohona ne, dɛ aah ba ŋɔ,

Yela 46:6

Korowii kpɔ ɔmee ba ta harɛre nɛra nɛ, o kɔrɔ kɛŋɔ bwaala, asɛ harɛ mwɛɛ.

Yela 98:1

Hé ɡo yelfale tɛ Korowii, dɛkalkɛ o ɛ waa aa dɛ kpo nyoa! O cheɡɛ kpeɡri ne ɡoroŋ waa doa ta, dɛ pɔ o dɔma nɛ.

Kaala 15:16

Ɔmee kohona ɛɛ chole ba nɛɛ, á che he kpeɡri ta bá ka che bobeŋkpoŋ kɛŋɔ bwe ken, dɛ́ ka tel kɛŋɔ he nɛra aa teŋe ba kaa mɔɔ. N Naa Korowii, nemenɛ he nɛra haa lɛɛ ba le Ijipt harɛ ta la teŋe ba kaa mɔɔ.

Kaala 9:23

Mosis aa tɛr o daŋɡbala la waa lɔ o nɔn ta la, Korowii ɡelɔ bwaala kɔr dɛɛ nyɛɡle, bɔr bwa chaah asɛ dombwea ɡe lee. Gɛɛ a do Korowii ɡel dombwea lee Ijipt harɛ.

Kaala 9:24

A leero asɛ bwaala ɛɛ nyɛɡle bobɛlbwa pelɔpelɔ ken dɛɛ kɔɡre dɛ do ɔma. A dɔŋa ta Ijipt harɛ ta chiɡe bwa.

Aesaya 10:16

Anomanta, Korowii, Koranar Bwa Kooro ɛɛ kpɔ ɡwaŋa weelaa ta Asiiria koojen laa tena baa kpeɡa kohona nɛ, ásɛ dɛ chɔɡ o jirima kɛŋɔ nii yon fuh kon tonɛ la.

Aesaya 10:26

Koranar Bwa Kooro ɛɛ lɔɔ baa chweema nee, ɡɛ waa ɛ Midian tena dɛ kpoo ba Oreb bwe ta la. Wɛɛ ir o daŋɡbalaa pa nee ta, ɡɛ waa ɛ Ijipt tena ba ka nee ta la.

Aesaya 10:5

Korowii ŋɔ, “Asiiria tena bwɛɛlɛ! Mɛɛ kpɔ baa ɛ kɛŋɔ n ɡuli maa kpɔ dɛɛ tɛr nɛra n baah aa di ba nɛɛ deŋne.

Aesaya 28:2

Hé na, Korowii dɔ nomɛl waa dɔ jirima o bwara ɡe do kpeɡri. O bala bini do kɛŋɔ dombwea aa dɛ lee la, kɛɛ dompeu chɔɡe waa taa dɛɛ chɔɡ kwaa la. Wɛɛ taɡɛ bwɛɛ laanee ɡo harɛ, kɛŋɔ bwaala yon nɛ kohona, dɛ́ chɔɡ kwaa dɛ́ pala kaa la.

Aesaya 29:6

Koranar Bwa Kooro ɛɛ ba lɛ heyaa bwaala kɔɡra nee, harɛ jiɡri, ɡbɔɡa tɔ kohona, peukpeɡ ta, bwaalachɔɡe nɛ, nii chɔɡ kwa.

Aesaya 30:29

Korowii nɛra sie ɛɛ lɛo baa ɡo yela kɛŋɔ, baa dɛ di tɔpejena dɛɛ ɡo yela jwaana la. He baah ɛɛ sɔɔh heyaa kɛŋɔ nɛra aa hoh kalipere dɛɛ kaa Korowii Dea. Korowiirii do kɛ Israel tena Bwetal waa dɛ lɛɛ ba.

Aesaya 30:31

Korowii taa la ɛɛ ɡeloo Asiiria tena bwara hɛlɛ, wɛɛ kpɔ o koodaŋɡbalaa lɔ ba bil.

Aesaya 31:4

Waa Korowii aa bol men Aesaya be laanee nɔ. “Gɛ nyujente onjen yon lawɛ ol dɛ́ kpoo dɛɛ ŋoo, ásɛ ba yerɛ peteɡra warɛ ŋɔ, bá doŋu, waa wola aahra baa dɛ aahro la ɔmɛ, waa wola ba ɡbɔɡa chaŋe la, ɡɛ tentenee men Koranar Bwa Kooro ɛɛ ba bala bá ɛ Saayɔn Bwejen ta, dɛ́ ba yo Jerusalam dɔma nomɛlbwa aa wola won kah mɛ.

Aesaya 32:19

Hale dombwea lee kɔr la ta, bwɛjen la chɔɡ kwaraa naa,

Aesaya 33:14

Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

Aesaya 4:6

bɔwɔb aa ban kpo webaŋa, hale bá dɔ bɔr dɛ́ chwa sɔh bwaala ne o peu ta.

Aesaya 51:9

N Naa Korowii, ir nyu ne dɛ́ cha yaa! Kpɔ he kpeɡri la ba lɛ yaa ɡɛ haa ɛa saŋ la! He laa chɛwɛ mpo bini oljen Rahab la aa?

Aesaya 52:10

Wɛɛ ɡeloo harɛre nɛra bwa na ɡɛ o kpeɡri aa do ɡoroŋ. Nɛra baa lɔ harɛ jaɡa bwa ɛɛ na ɡɛ Korowii yaa dɛ tomɔ aa wona lɛ yaa.

Aesaya 62:8

Korowii baɡɛ nyoa, dɛɛ ba ɡela a che o kpeɡri ta ɛ ɡɛ. O ŋɔ, “Maa ɡel he dɔma dɔ he mea di kpa, nɛŋhɔɔhra ɡe aa he senee dɔ nyɔ kpa.

Aesaya 66:15

He na, Korowii kpɔ o torɔɡore dɛɛ ba nii ne kɛŋɔ kawulewule. O baah dɛ fuh kohona, wɛɛ ba ó ba tɛr nɛra deŋne.

Aesaya 66:16

Nii ne laalee wɛɛ ba kpɔe tɛr harɛ nɔ nɛra bwa deŋne. Nɛra waa kpoo ba ɛɛ warɔɔ taeh.

Jeremia 25:32

Waa Koranar Bwa Kooro aa dɛ bol laanee nɔ. “Hé na, wenaale dɛ ba, o le harɛ bɛl nɛra be dɛ kaa bane ɡe be. O do kɛŋɔ peukpeɡ aa taa le harɛ jaɡa ken.”

Ɛsekeɛl 10:5

Kerobim la kena dɛ si, dɛ nɛn lɔ dembaah la baŋ kwaraa naa, o dɛ no sii la. A sii la do kɛŋɔ Korowii Waa Ɛ Kpeɡri Bwa Dɔɔ la taa ken.

Ɛsekeɛl 13:13

Nemenɛ Korowii ŋɔ o baah diu wɛɛ ba ɡela peukpeɡ ta, ásɛ bwaala nɛ kohona dombwea lee, dɛ́ chɔɡ danjwɛɛ la.

Joel 2:5

A ɡbɔɡa do kɛŋɔ torɔɡore sii ken, dɛ ɡah dɛɛ ɡale bwejena, a kena ɛɛ si kɛŋɔ nii aa dɛ fuh kpɔɡ ɛɛ parame la. A do kɛŋɔ laa tena baa kpeɡa kohona, dɛ kpɔ ba te dɛɛ la ka yo laa ken.

Emɔs 1:14

Mɛɛ ɡeloo nii ba fuh danjwɛjena aa bar bwɛjen Raba dɛ́ chɔɡ ba dekpeɡa. Dɔma ɛɛ do lɔŋɔree dɛ́ ba yoo ba awola, kɛŋɔ kawulewule aa dɛ ta ken.

Maeka 1:4

Asɛ bwejena bwa mwɛɛ o lɔɡa, kɛŋɔ tohkel aa chɔŋɛ nii ta, dɛ palɛ dɛɛ jo fɛlembɔjena bini kɛŋɔ bɔchuubu ken.

Matiu 24:7

Harɛre ane ɛɛ yo dɔŋaa, koranar ɡe yo dɔŋa. Lɔr ɛɛ ba harɛ nɔ ta bobɛlbwaa, ásɛ harɛ ɡe ɛɛ jiɡri bobɛlbwa.

Amanesoma Luk Aa Chwera Tɔn 1:51

O chaɡle o kpeɡri dɛ doŋi nɛra baa dɛ lii ba te nɛnjena la ba peɡre.

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

Josua 10:10

Ate, Korowii den ɡel Amɔre tena la wili Israel laa tena la sie, asɛ ba pɔ ba nɛɛ kohona dɛ kpoo ba Gebeɔn. Israel tena ti ba kaa bwɛɛ Bɛt Hɔrɔn ŋwɛnɛ ta, dɛ teŋɛ kpoo ba kaa bwɛɛre Aseka ne Makeda.

Josua 10:11

Amɔre tena la aa chwaa tɔ Israel tena laa tena sie dɛ ka tel Bɛt Hɔrɔn dɛɛ kaa Aseka la, Korowii ɡelɔ dombwea lee ba nɛɛ kohona asɛ ba ɡalɡa bwa serewe ɡwaa ɡɛ Israel tena la aa kpoo ba la kwara.

Wepila 1:15

O nakpale ɡe swɛɛrɔ kɛŋɔ baa kpɔ ayaawa do nii ta wɛɛ nyɛɡle la. Asɛ o taa ɡe do kɛŋɔ chuubu aa dɛ si la.

Wepila 11:19

Asɛ Korowii Dea waa lɔ nyundua la pili, ba na Korowii Ne Nɛwɛnyina Fɔo Daka la. Bwaala ɛɛ nyɛɡle pelɔpelɔ ken, dɛɛ kɔɡre, harɛ ɛɛ jiɡri, dombwea ɛɛ lee kohona.

1 Samoɛl 7:10

Waa dɛ fuh saraha kon la, dɛ Filisti tena la kpɔ ba te dɛɛ ba ba puu ba yo. Asɛ Korowii ɡel bwaala kɔr kohona jo Filisti tena la bini, ɔmee chole ba nɛɛ ba wili, dɛ kpɔ bambiteŋa chwa le Israel tena sie.