Aesaya 30:3 - mzwDBL

³ Mara baa ŋɔa ba kaa marɛ kooro la ɛɛ ɛ pɛɛpɛɛ. Ijipt harɛ ta baa ŋɔa ba dɔ sɔɔhbɔr la, ba di ncho.

Aesaya 30:3 ပူးပေါင်းရင်းမြစ်များ

2 Koranar 18:21

Na, dɛ Ijipt Kooro nɛɛ he kpɔ he te dawɛ aa, aa doo kɛŋɔ haa kpɔ pul ɛ daŋɡbala, ásɛ o ku dɛ́ tɔɡɛ he nɔn. Gɛɛ Ijipt kooro do tɛ nɛra baa kpɔ ba te dawɛ o nɛɛ bwa.”

Yela 108:12

Cha yaa ya won pɔ ya dɔma nɛ, nɛwɛnyini chae ɡɛ bɛlbwa naa, a bwa dɛ ɛ pɛɛpɛɛ.

Sɛɡla 25:19

Dɛ he dɔ waa dɛɛ hwɛɡɛ he dam haa wola hwɛɡa o nɛɛ dɔe yaa, a do kɛŋɔ he nyen haa wola won kpɔ chaŋe kwa, kɛɛ he nakpala haa wola won valɛ o ta.

Aesaya 20:5

Nɛra baa dɔ Itiopia hwɛɡa, dɛɛ tamane Ijipt nɛɛ la ɛɛ ɔmɔɔ sihiih kpo ba.

Aesaya 20:6

Nɛra baa soɡe mpo nyoa bela la ɛɛ na waa aa puu baa dɛ́ ŋɔ, ‘Na ɡɛ aa chiɡ nɛra yaa kpɔ ya te dɛɛ dawɛ ba nɛɛ la, nɛra yaa chwaa kaa mar ba bá lɛ yaa le Asiiria koojen nɔn ta la! Na waa aa puu ba! Leperaa yaa ba sie doe jaɔ?’ ”

Aesaya 36:6

Na, dɛ Ijipt kooro nɛɛ he kpɔ he te dawɛ aa, a do kɛŋɔ haa kpɔ pul ɛ daŋɡbala, asɛ o ku dɛ tɔɡɛ he nɔn. Gɛɛ Ijipt kooro do tɛ nɛra baa kpɔ ba te dawɛ o nɛɛ bwa.

Jeremia 2:36

Ɛrɛɛ hɛɛ ɡaaɡe kohona dɛɛ charɛ he we-ɛɛla ɡɛ nɔɔ? Ijipt tena ɛɛ neɡre heyaa kɛŋɔ Asiiria tena ɡe fa aa neɡre heyaa la.

Jeremia 42:18

Koranar Bwa Kooro, Israel tena aa dɛ tomɔ la ŋɔ, ‘Gɛ maa kpɔ n bandia kohona ba ta nɛra baa lɔ Jerusalam nɛɛ la, ɡɛɛ dɛ he kaa Ijipt harɛ ta naa, mɛɛ ba n bandia kpɔe ba ta he nɛ. Nɛra ɛɛ nao dɛɛ taah heya ba bambile teŋe, dɛɛ mamɛ heya. He siwi aa harɛ nɔ nae ba kpa.’ ”

Jeremia 42:22

Anomanta, hé lii waa nɔ. Laa ne lɔr, dɛ weechɔɡaa dɛ́ kpoo heya, harɛ haa dɛ nyin he ka so o ta la ta.”

Jeremia 46:25

Koranar Bwa Kooro, Israel tena aa dɛ tomɔ ŋɔ, “N dɛ ba deŋnetɛra ne bala ba ta Tebes tena voɡ Amɔn, ne Ijipt harɛ ne o voɡa dɛ koranar bwa nɛ. N dɛ ba n lawɛ Ijipt kooro ne nɛra baa kpɔ ba te dawɛ o nɛɛ bwa.

Ɛsekeɛl 29:7

Baa lawɛ kpoŋe la, he pɛɡrɔ dɛ tɔɡɛ ba vaama. Baa kpɔ ba te dawɛ he nɛɛ la, he kuu dɛ ɡel ba nyaŋ diɡe.

Hosia 10:6

Baa cheo kaa Asiiria harɛ ta, dɛ́ kpɔ ka bɔ toɔ tɛ koojen waa lɔ bela la. Sihiih ɛɛ kpo Israel tenaa, baa di sihiih voɡa baa sɛah la waa.

Tɔn Pɔɔl Aa Chwerɛ Rom Tena 10:11

Korowii Tɔn baɡlɔ ŋɔ, “Nomɛlbwa waa yaradao la, sihiih aa o kpoe ba.”

Tɔn Pɔɔl Aa Chwerɛ Rom Tena 5:5

Hwɛɡa yaa dɔa nɔ, aa pɛɛ ɛ, dɛkalkɛŋɔ Korowii tɛ yaa o Domadɛɛɡe la ásɛ ya jemɛ o nyina waa dɛ nyin yaa kohona.